ಬೆಂಗಳೂರು: ಹೀರೋ ಮೋಟಾರ್ಸ್ ಇತ್ತೀಚೆಗೆ ಅನಾವರಣಗೊಳಿಸಿದ್ದ ಹೀರೋ ಮಾವ್ರಿಕ್ 440 ಅನ್ನು (Hero Mavrick 440) ಭಾರತದಲ್ಲಿ ಬಿಡುಗಡೆ ಮಾಡಿದೆ. ಈ ಬೈಕ್ ಅನ್ನು ಇತ್ತೀಚೆಗೆ ಹೀರೋ ವರ್ಲ್ಡ್ನಲ್ಲಿ ಪ್ರದರ್ಶನ ಮಾಡಿತ್ತು. ಇದೀಗ ದೇಶದ ಗ್ರಾಹಕರಿಗೆ ಪರಿಚಯ ಮಾಡಿದ್ದು, 1.99 ಲಕ್ಷದಿಂದ 2.24 ಲಕ್ಷ ರೂ.ಗಳ ನಡುವೆ ಬೆಲೆಯನ್ನು ನಿಗದಿ ಮಾಡಲಾಗಿದೆ.
Hero Mavrick 440 launched at ₹1.99 lakh (ex-showroom)
— Motoroids (@Motoroids_India) February 14, 2024
》Base : ₹1.99 lakh
》Mid : ₹2.14 lakh
》Top : ₹2.24 lakh
》440CC oil-cooled engine
》27hp & 36Nm
》6-speed transmission
》LED headlamps & DRLs
》Telescopic front forks, twin shocks#hero #mavrick #motoroids pic.twitter.com/SbhStcAmql
ಹೀರೋ ಮಾವ್ರಿಕ್ ಬೈಕ್ 440 ಸಿಸಿ ಏರ್ ಕೂಲ್ಡ್, ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದೆ. ಈ ಎಂಜಿನ್ 6,000 ಆರ್ ಪಿಎಂನಲ್ಲಿ 26 ಬಿಹೆಚ್ ಪಿ ಪವರ್ ಮತ್ತು 4,000 ಆರ್ ಪಿಎಂನಲ್ಲಿ 36 ಎನ್ಎಂ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಈ ಟಾರ್ಕ್ನ ಶೇಕಡಾ 90 ರಷ್ಟು 2,000 ಆರ್ ಪಿಎಂನಿಂದ ಲಭ್ಯವಿರುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಮಾವ್ರಿಕ್ ಬೈಕಿನ ಗರಿಷ್ಠ ಟಾರ್ಕ್ ಹಾರ್ಲೆ ಡೇವಿಡ್ಸನ್ ಎಕ್ಸ್ 440 ಬೈಕಿಗಿಂತ ಸ್ವಲ್ಪ ಕಡಿಮೆ. ಬೇಬಿ ಹಾರ್ಲೆಯಂತೆಯೇ ಮಾವ್ರಿಕ್ ಸ್ಲಿಪ್-ಅಂಡ್-ಅಸಿಸ್ಟ್ ಕ್ಲಚ್ ನೊಂದಿಗೆ 6-ಸ್ಪೀಡ್ ಗೇರ್ ಬಾಕ್ಸ್ ಅನ್ನು ಪಡೆಯುತ್ತದೆ.
ಬೈಕ್ನ ಮುಖ್ಯ ಫ್ರೇಮ್ ಹಾರ್ಲೆ ಎಕ್ಸ್ 440 ನಂತೆಯೇ ಇದೆ. ಆದರೆ ಮಾವ್ರಿಕ್ ಮುಂಭಾಗದಲ್ಲಿ ಸರಳವಾದ 43 ಎಂಎಂ ಟೆಲಿಸ್ಕೋಪಿಕ್ ಫೋರ್ಕ್ ನೀಡಲಾಗಿದೆ. ಗ್ರೌಂಡ್ ಕ್ಲಿಯರೆನ್ಸ್ 175 ಎಂಎಂ ಆಗಿದ್ದು, ಮಾವ್ರಿಕ್ ಎರಡೂ ತುದಿಗಳಲ್ಲಿ 17 ಇಂಚಿನ ವೀಲ್ಗಳನ್ನು ಹೊಂದಿದೆ.
ಮೂರು ವೇರಿಯೆಂಟ್ಗಳಲ್ಲಿ ಲಭ್ಯ
ಈ ಬೈಕ್ ಬೇಸ್ (ರೂ.1.99 ಲಕ್ಷ), ಮಿಡಲ್ (ರೂ.2.14 ಲಕ್ಷ) ಮತ್ತು ಟಾಪ್ (ರೂ.2.24 ಲಕ್ಷ) ಎಂಬ ಮೂರು ವೇರಿಯೆಂಟ್ಗಳಲ್ಲಿ ಲಭ್ಯವಿದೆ. ಬೇಸ್ ವೇರಿಯೆಂಟ್ ಬಿಳಿ ಬಣ್ಣದಲ್ಲಿ ಮಾತ್ರ ಲಭ್ಯವಿದೆ ಮತ್ತು ಸ್ಪೋಕ್ಡ್ ವೀಲ್ ಪಡೆಯುತ್ತದೆ. ಮಿಡಲ್ ವೇರಿಯೆಂಟ್ ಅಲಾಯ್ ವಿಲ್ ಮತ್ತು ಎರಡು ಕಲರ್ ಆಯ್ಕೆ ಪಡೆಯುತ್ತದೆ. ಟಾಪ್-ಸ್ಪೆಕ್ ವೇರಿಯೆಂಟ್ ಬ್ಲೂಟೂತ್ ಕನೆಕ್ಟಿವಿಟಿ ಮತ್ತು ಡೈಮಂಡ್-ಕಟ್ ಅಲಾಯ್ ಚಕ್ರಗಳನ್ನು ಪಡೆಯುತ್ತದೆ.
ಇದನ್ನೂ ಓದಿ : Hero Bikes : ಹೀರೊ ಹೋಂಡಾದ ಹೊಸ ಬೈಕ್ನ ಹೆಸರೇ ಸೂಪರ್
ಹೀರೋ ಮಾವ್ರಿಕ್ ಬೈಕ್ ರಾಯಲ್ ಎನ್ ಫೀಲ್ಡ್ ಬುಲೆಟ್ 350 (ರೂ.1.74 ಲಕ್ಷ-ರೂ.2.16 ಲಕ್ಷ), ಕ್ಲಾಸಿಕ್ 350 (ರೂ.1.93 ಲಕ್ಷ-ರೂ.2.25 ಲಕ್ಷ), ಹೋಂಡಾ ಸಿಬಿ350 (ರೂ.2 ಲಕ್ಷ-ರೂ.2.18 ಲಕ್ಷ) ಮತ್ತು ಹೊಸದಾಗಿ ಬಿಡುಗಡೆಯಾದ ಜಾವಾ 350 (ರೂ.2.15 ಲಕ್ಷ) ಬೈಕುಗಳಿಗೆ ಪೈಪೋಟಿ ನೀಡಲಿದೆ. ಮಾವ್ರಿಕ್ ಇದುವರೆಗಿನ ಅತ್ಯಂತ ದುಬಾರಿ ಹೀರೋ ಮೋಟಾರ್ ಸೈಕಲ್ ಆಗಿದ್ದರೂ, ಮಾವ್ರಿಕ್ 440 ಬೈಕ್ ಹಾರ್ಲೆ ಡೇವಿಡ್ಸನ್ ಎಕ್ಸ್ 440 (ರೂ.2.40 ಲಕ್ಷ-ರೂ.2.80 ಲಕ್ಷ) ಗಿಂತ ಅಗ್ಗದಲ್ಲಿ ಲಭ್ಯವಿದೆ.
5,000 ರೂ.ಗಳ ಟೋಕನ್ ಮೊತ್ತಕ್ಕೆ ಬುಕಿಂಗ್ ಮುಕ್ತವಾಗಿದೆ. ವಿತರಣೆಗಳು ಏಪ್ರಿಲ್ 15 ರಿಂದ ಪ್ರಾರಂಭವಾಗುತ್ತವೆ. ಮಾರ್ಚ್ 15, 2024 ರ ಮೊದಲು ಎಲ್ಲಾ ಬುಕಿಂಗ್ಗಳಿಂದಾಗಿ ಗ್ರಾಹಕರು 10,000 ರೂ.ಗಳ ಮೌಲ್ಯದ ಬಿಡಿಭಾಗಗಳು ಮತ್ತು ಆಕ್ಸೆಸರಿ ಕಿಟ್ ಪಡೆಯುತ್ತಾರೆ ಎಂದು ತಯಾರಕರು ಹೇಳಿದ್ದಾರೆ.