ಮಾರುತಿ ಸುಜುಕಿ ತನ್ನ ಜನಪ್ರಿಯ ಗ್ರ್ಯಾಂಡ್ ವಿಟಾರದ 7 ಸೀಟರ್ ಮಾದರಿಯನ್ನು ಪರಿಚಯಿಸುವ ಮೂಲಕ ಕಾಂಪ್ಯಾಕ್ಟ್ ಎಸ್ ಯುವಿ ವಿಭಾಗದಲ್ಲಿ ತನ್ನ ಸ್ಥಾನವನ್ನು ಹೆಚ್ಚಿಸಲು ಸಜ್ಜಾಗಿದೆ. ಟಾಟಾ ನೆಕ್ಸಾನ್, ಹ್ಯುಂಡೈ ಕ್ರೆಟಾ ಮತ್ತು ಕಿಯಾ ಸೆಲ್ಟೋಸ್ ನಂತಹ ಪ್ರತಿಸ್ಪರ್ಧಿಗಳನ್ನು ಮೀರಿಸಿರುವ ಗ್ರ್ಯಾಂಡ್ ವಿಟಾರಾ ಮಾರುಕಟ್ಟೆಯಲ್ಲಿ ತನ್ನದೇ ಆದ ಸ್ಥಾನ ಪಡೆದುಕೊಂಡಿದೆ. ಕಂಪನಿಯು ಈಗ 7-ಸೀಟರ್ ವೇರಿಯೆಂಟ್ ಪರೀಕ್ಷಿಸುವ ಹಂತದಲ್ಲಿದೆ. ಇದನ್ನು ಪ್ರಸ್ತುತ ವೈ 17 ರೆಂಡರ್ ಎಂದು ಕರೆಯಲಾಗುತ್ತದೆ ಮತ್ತು ಇದನ್ನು 2025ರ ವೇಳೆಗೆ ಬಿಡುಗಡೆ ಮಾಡುವ ಗುರಿ ಹೊಂದಲಾಗಿದೆ.
ಗ್ರ್ಯಾಂಡ್ ವಿಟಾರಾ ಅತ್ಯುತ್ತಮ ಕಾರೆಂಬುದು ಸಾಬೀತಾಗಿದೆ. ಡಿಸೆಂಬರ್ 2023 ರ ಮಾರಾಟವು 6988 ಯುನಿಟ್ ಗಳನ್ನು ತಲುಪಿದೆ. 7-ಸೀಟರ್ ಆವೃತ್ತಿಯನ್ನು ಪರಿಚಯಿಸುವ ಮೂಲಕ ಗ್ರ್ಯಾಂಡ್ ವಿಟಾರಾ ಶ್ರೇಣಿಯನ್ನು ವಿಸ್ತರಿಸುವ ಮಾರುತಿ ಸುಜುಕಿಯ ಕ್ರಮವು ಗ್ರಾಹಕರ ಅಗತ್ಯಗಳನ್ನು ಪೂರೈಸುವ ಬ್ರಾಂಡ್ ನ ಬದ್ಧತೆ ಪ್ರದರ್ಶಿಸುತ್ತದೆ.
ಎಂಜಿನ್ ಸಾಮರ್ಥ್ಯ
7 ಸೀಟರ್ ಮಾರುತಿ ಸುಜುಕಿ ಗ್ರ್ಯಾಂಡ್ ವಿಟಾರಾ (ವೈ 17) ಅಸ್ತಿತ್ವದಲ್ಲಿರುವ 1.5-ಲೀಟರ್ ನಾಲ್ಕು ಸಿಲಿಂಡರ್ ಕೆ 15 ಸಿ ಮೈಲ್ಡ್ ಹೈಬ್ರಿಡ್ ಪೆಟ್ರೋಲ್ ಎಂಜಿನ್ ಮತ್ತು 1.5-ಲೀಟರ್ ಮೂರು ಸಿಲಿಂಡರ್ ಸ್ಟ್ರಾಂಗ್ ಹೈಬ್ರಿಡ್ ಪೆಟ್ರೋಲ್ ಎಂಜಿನ್ ಅನ್ನು ಹೊಂದುವ ನಿರೀಕ್ಷೆಯಿದೆ. ಈ ಮಾದರಿಯು 6-ಸೀಟರ್ ಮತ್ತು 7-ಸೀಟರ್ ಕಾನ್ಫಿಗರೇಶನ್ ಗಳನ್ನು ನೀಡಬಹುದು. ಇದು ಸಂಭಾವ್ಯ ಖರೀದಿದಾರರಿಗೆ ಆಯ್ಕೆ ಅವಕಾಶ ಒದಗಿಸುತ್ತದೆ. ಕೆ 15 ಸಿ ಡ್ಯುಯಲ್ ಜೆಟ್ ಡ್ಯುಯಲ್ ವಿವಿಟಿ ಸ್ಮಾರ್ಟ್ ಹೈಬ್ರಿಡ್ ಪೆಟ್ರೋಲ್ ಎಂಜಿನ್ ಲೊ ಮತ್ತು ಮಿಡ್ ವೇರಿಯೆಂಟ್ಗೆ ಪುಷ್ಟಿ ನೀಡುವ ಸಾಧ್ಯತೆಯಿದೆ. ಆದರೆ ಟಾಪ್ ವೇರಿಯೆಂಟ್ ಗಳು ಟೊಯೊಟಾದಿಂದ ಪಡೆದ ಹೆಚ್ಚು ಶಕ್ತಿಶಾಲಿ ಹೈಬ್ರಿಡ್ ಎಂಜಿನ್ ಅನ್ನು ಒಳಗೊಂಡಿರಬಹುದು.
ಪೈಪೋಟಿ ಯಾರಿಗೆ?
ಟೊಯೊಟಾದ ಹೈರೈಡರ್ ಆಧಾರಿತ 7 ಸೀಟರ್ ಮಾರುತಿ ಸುಜುಕಿ ಗ್ರ್ಯಾಂಡ್ ವಿಟಾರಾ ಅರ್ಬನ್ ಕ್ರೂಸರ್ ದೇಶಿಯ ಮಾರುಕಟ್ಟೆಯಲ್ಲಿ ಗಣನೀಯ ಪರಿಣಾಮ ಬೀರುವ ನಿರೀಕ್ಷೆಯಿದೆ. ಇದು ಮಾರುತಿಯ ಅತಿದೊಡ್ಡ ಐಸಿಇ ಎಸ್ ಯುವಿಯಾಗಿದ್ದು, 15 ಲಕ್ಷ ರೂ.ಗಳ ಬೆಲೆಯನ್ನು ಮೀರುತ್ತದೆ. ಟಾಟಾ ಸಫಾರಿ, ಎಂಜಿ ಹೆಕ್ಟರ್ ಪ್ಲಸ್, ಸಿಟ್ರೋನ್ ಸಿ 3 ಏರ್ ಕ್ರಾಸ್, ಮಹೀಂದ್ರಾ ಎಕ್ಸ್ ಯುವಿ 700, ಹ್ಯುಂಡೈ ಅಲ್ಕಾಜರ್ ಮತ್ತು ಮುಂಬರುವ ರೆನಾಲ್ಟ್ ಡಸ್ಟರ್ ನಂತಹ ಪ್ರಬಲ ಪ್ರತಿಸ್ಪರ್ಧಿಗಳಿಗೆ ಪೈಪೋಟಿ ನೀಡಲಿದೆ.
ಇದನ್ನೂ ಓದಿ : Tata Altroz EV : ರಸ್ತೆಗಿಳಿಯಲಿದೆ ಟಾಟಾ ಕಂಪನಿಯ ಇನ್ನೊಂದು ಬಲಿಷ್ಠ ಇವಿ ಕಾರು
ಮಾರುತಿ ಸುಜುಕಿ ವೈ 17 ನ ವಿನ್ಯಾಸವು ಪ್ರಸ್ತುತ ಮಾದರಿಯೊಂದಿಗೆ ಕೆಲವು ಹೋಲಿಕೆಗಳನ್ನು ಉಳಿಸಿಕೊಂಡಿದೆ. ಆದರೆ ಉದ್ದ ಹೆಚ್ಚಿಸಲಾಗಿದೆ. ಸುಜುಕಿ ಬ್ಯಾಡ್ಜ್ ಗಳೊಂದಿಗೆ ಪ್ರಮುಖ ಕ್ರೋಮ್ ಬಾರ್, ಕಪ್ಪು ಷಟ್ಕೋನ ಗ್ರಿಲ್, ಟ್ರಿಪಲ್-ಬೀಮ್ ಎಲ್ಇಡಿ ಹೆಡ್ ಲ್ಯಾಂಪ್ ಗಳು, ನೇರವಾದ ಎಲ್ಇಡಿ ಫಾಗ್ ಲ್ಯಾಂಪ್ ಗಳು, ವಿಶಾಲವಾದ ಬಾನೆಟ್ ಅನ್ನು ಒಳಗೊಂಡಿದೆ. ಸೈಡ್ ಪ್ರೊಫೈಲ್ನಲ್ಲಿ ದೊಡ್ಡ ಚಕ್ರಗಳು ಇರುವುದನ್ನು ಸಾಬೀತು ಮಾಡಿದೆ. ಪ್ರಸ್ತುತ ಗ್ರ್ಯಾಂಡ್ ವಿಟಾರಾದ ವ್ಹೀಲ್ ಬೇಸ್ ಉದ್ದವು 2,600 ಎಂಎಂ ಆಗಿದೆ.