ಮುಂಬಯಿ: ಭಾರತದಲ್ಲಿ, ವಾಹನ ಕಳ್ಳತನ ಸಾಮಾನ್ಯ ಸಂಗತಿ. ಮನೆಗಳ ಮುಂಭಾಗದಿಂದ, ಪಾರ್ಕಿಂಗ್ ಸ್ಥಳಗಳಿಂದ ಮತ್ತು ಕೆಲವೊಮ್ಮೆ ಹಾಡಹಗಲೇ ಬೈಕ್, ಕಾರುಗಳನ್ನು ಕಳವು ಮಾಡಿದ ಹಲವಾರು ಪ್ರಕರಣಗಳು ವರದಿಯಾಗಿವೆ. ಆದರೆ, ರೈಲಿನ ಎಂಜಿನ್ ಕದ್ದ ಪ್ರಕರಣಗಳನ್ನು ಕೇಳಿರಲಿಕ್ಕಿಲ್ಲ.. ಆದರೆ ಕೆಲವು ದಿನಗಳ ಹಿಂದೆ ಅಂಥದ್ದೂ ಒಂದು ಘಟನೆ ನಡೆದಿದ್ದು, ಮುಂಬಯಿಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ(Viral News). ಸಾಗಾಟ ಮಾಡುವ ಸಮಯದಲ್ಲಿ 5 ಕೋಟಿ ರೂಪಾಯಿ ಮೌಲ್ಯದ ಎಂಜಿನ್ ಎತ್ತಿಕೊಂಡು ಹೋಗಿದ್ದು ಬಳಿಕ ಪೊಲೀಸರು ರಾಜಸ್ಥಾನದಿಂದ ಅದನ್ನು ಪತ್ತೆ ಹಚ್ಚಿದ್ದರು. ಕೆಲವು ವರದಿಗಳ ಪ್ರಕಾರ ಸಾಗಾಟದ ಗುತ್ತಿಗೆ ಪಡೆದಿದ್ದ ಉಪಗುತ್ತಿಗೆದಾರನೇ ರೈಲು ಎಂಜಿನ್ ಅನ್ನು ಕದ್ದಿದ್ದ. ಆದರೆ, ಕಾಣೆಯಾದ ವಸ್ತುವಿನ ಗಾತ್ರದ ಕಾರಣಕ್ಕೆ ಈ ಸುದ್ದಿ ಸಾಕಷ್ಟು ಗಮನ ಸೆಳೆದಿದೆ.
ಎಂಜಿನ್ ಸಾಗಾಟ ಮಾಡಲು ಭಾರತೀಯ ರೈಲ್ವೆಯಿಂದ ಶ್ರೀ ಜೆಬಿ ಗ್ರೇನ್ ಡೀಲರ್ಸ್ ಸಂಸ್ಥೆ ಗುತ್ತಿಗೆ ಪಡೆದುಕೊಂಡಿತ್ತು. ಮುಂಬಯಿಯಿಂದ ಹರಿಯಾಣದ ಕಲ್ಕಾಗೆ ರೈಲು ಎಂಜಿನ್ ಅನ್ನು ಸಾಗಿಸಿ ಅಲ್ಲಿಂದ ವಾಪಸ್ ಮತ್ತೊಂದು ಎಂಜಿನ್ ಎತ್ತಿಕೊಂಡು ಬರಬೇಕಾಗಿತ್ತು. ಶ್ರೀ ಜೆಬಿ ಗ್ರೇನ್ ಡೀಲರ್ ಏಪ್ರಿಲ್ 27ರಂದು ರಾಧಾ ರೋಡ್ ವೇಸ್ ಎಂಬ ಉಪ ಗುತ್ತಿಗೆ ಸಂಸ್ಥೆಗೆ ಸಾಗಾಟದ ಕೆಲಸವನ್ನು ವಹಿಸಿತ್ತು. ಉಪಗುತ್ತಿಗೆ ಕಂಫನಿ ರೈಲಿನ ಎಂಜಿನ್ ಅನ್ನು ಮುಂಬಯಿಯಿಂದ ಕಲ್ಕಾಗೆ ಯಶಸ್ವಿಯಾಗಿ ಸಾಗಿಸಿತ್ತು. ಕಲ್ಕಾ ತಲುಪಿದ ನಂತರ, ಅದೇ ಟ್ರಕ್ನಲ್ಲಿ 5 ಕೋಟಿ ರೂ.ಗಳ ಮೌಲ್ಯದ ಜಡ್ಡಿಎಂ 3 ರೈಲು ಎಂಜಿನ್ ಲೋಡ್ ಮಾಡಲಾಗಿತ್ತು. ಅದನ್ನು ಇದನ್ನು ಕಲ್ಕಾದಿಂದ ಮುಂಬಯಿಗೆ ಸಾಗಿಸಬೇಕಾಗಿತ್ತು. ಈ ಯೋಜನೆಯ ಒಟ್ಟಾರೆ ಸಾರಿಗೆ ವೆಚ್ಚವನ್ನು 4.25 ಲಕ್ಷ ರೂಪಾಯಿ.
ಎರಡೂ ಗುತ್ತಿಗೆ ಸಂಸ್ಥೆಗಳು ಒಪ್ಪಂದಕ್ಕೆ ಸಹಿ ಹಾಕಿದ್ದವು. ಅಂತೆಯೇ ಉಪ ಗುತ್ತಿಗೆದಾರನಿಗೆ ಏಪ್ರಿಲ್ 29 ರಂದು 2 ಲಕ್ಷ ರೂ.ಗಳನ್ನು ಮುಂಗಡವಾಗಿ ಪಾವತಿಸಲಾಗಿತ್ತು. ಮೇ 6ರಂದು ಹೆಚ್ಚುವರಿ 1 ಲಕ್ಷ ರೂ.ಗಳನ್ನು ಪಾವತಿಸಲಾಗಿತ್ತು. ಮೇ 19ರಂದು ರಾಧಾ ರೋಡ್ವೇಸ್ಗೆ ಮತ್ತೊಂದು ಲಕ್ಷ ರೂ. ಪಾವತಿ ಮಾಡಿದ ಜೆಬಿ ಗ್ರೇನ್ ಡೀಲರ್ ಎಂಜಿನ್ ವಿತರಣೆಗಾಗಿ ವಿತರಣೆಗೆ ಕಾಯುತ್ತಿತ್ತು ಆದರೆ, ನಿಗದಿತ ಸಮಯಕ್ಕೆ ಎಂಜಿನ್ ತಲುಪಿರಲಿಲ್ಲ. ಕಲ್ಕಾದಲ್ಲಿನ ಅಧಿಕಾರಿಗಳನ್ನು ಸಂಪರ್ಕಿಸಿದಾಗ ಎಂಜಿನ್ ಈಗಾಗಲೇ ಲೋಡ್ ಆಗಿದ್ದನ್ನು ಖಚಿತಪಡಿಸಿದ್ದರು. ಹೀಗಾಗಿ ಕಳ್ಳತನದ ಅನುಮಾನ ಮೂಡಿತು.
ಯಾಕಾಯಿತು ಕಣ್ಮರೆ
ವಾಸ್ತವದಲ್ಲಿ ಇದು ಕಳ್ಳತನವಲ್ಲ. ಗುತ್ತಿಗೆ ಪಡೆದ ಸಂಸ್ಥೆಗಳ ನಡುವಿನ ಹಣಕಾಸಿನ ವಿವಾದವಾಗಿತ್ತು. ಹಣ ಸರಿಯಾಗಿ ಕೊಟ್ಟಿಲ್ಲವೆಂದು ರೈಲು ಎಂಜಿನ್ ತಲುಪಿಸಿರಲಿಲ್ಲ. ಜೆಬಿ ಗ್ರೇನ್ ಡೀಲರ್ ಮಾಲೀಕರು ರಾಧಾ ರೋಡ್ ವೇಸ್ ಮಾಲೀಕ ಶ್ರೀ ಶರ್ಮಾ ಅವರನ್ನು ಸಂಪರ್ಕಿಸಿ ರೈಲು ಎಂಜಿನ್ ಎಲ್ಲಿ ಎಂದು ಕೇಳಿದಾಗ ಬಾಕಿ ಇರುವ 1 ಲಕ್ಷ ರೂ.ಗಳನ್ನು ಪಾವತಿಸದ ಕಾರಣ ರೈಲು ಎಂಜಿನ್ ಕೊಡುವುದಿಲ್ಲ ಎಂದು ಹೇಳಿದ್ದರು. ಜೆಬಿ ಗ್ರೇನ್ ಮಾಲೀಕ ಗುಪ್ತಾ ಎಂಜಿನ್ ವಿತರಿಸಿದ ನಂತರವೇ ಬಾಕಿ ಮೊತ್ತವನ್ನು ನೀಡುವುದು ಎಂದು ಹಠ ಹಿಡಿದಿದ್ದರು.
ಇದನ್ನೂ ಓದಿ : Viral Video : ಹಾವನ್ನು ಹಗ್ಗದಂತೆ ಮನೆಯೊಳಗೆ ಎಳೆದೊಯ್ದ ಮಗು! ಚೀರಾಡಿದ ಮಕ್ಕಳು
ಜುಲೈ 2 ರಂದು ಗುಪ್ತಾ ವಡಾಲಾ ಟಿಟಿ ಪೊಲೀಸ್ ಠಾಣೆಗೆ ತೆರಳಿ ಶರ್ಮಾ ವಿರುದ್ಧ 420 ಪ್ರಕರಣ ದಾಖಲಿಸಿದ್ದರು ಈ ಪ್ರಕರಣದ ಬಗ್ಗೆ ಕೇಳಿ ಪೊಲೀಸ್ ಅಧಿಕಾರಿಗಳು ಮೊದಲಿಗೆ ಆಶ್ಚರ್ಯಚಕಿತರಾಗಿದ್ದರು. ಬಹುಶಃ ಇದೇ ಮೊದಲ ಬಾರಿಗೆ ರೈಲು ಎಂಜಿನ್ ಕಾಣೆಯಾದ ಪ್ರಕರಣ ಅವರ ಮುಂದೆ ಬಂದಿತ್ತು. ಪೊಲೀಸರು ತಕ್ಷಣ ಶರ್ಮಾ ಅವರನ್ನು ಕರೆಸಿ ಮಾತನಾಡಿದ್ದರು. ಬಳಿಕ ಎಂಜಿನ್ ಅನ್ನು ರಾಜಸ್ಥಾನದ ಪೆಟ್ರೋಲ್ ಬಂಕ್ನಲ್ಲಿ ಇಟ್ಟಿರುವುದನ್ನು ಪತ್ತೆ ಹಚ್ಚಿ ಬಳಿಕ ಅದನ್ನು ಮುಂಬೈಗೆ ಸಾಗಿಸಿದ್ದರು.
ಪೊಲೀಸ್ ಅಧಿಕಾರಿಯೊಬ್ಬರು ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ಏಪ್ರಿಲ್ 2023ರಲ್ಲಿ ಪರೇಲ್ ವರ್ಕ್ ಶಾಪ್ನಿಂದ ಕಲ್ಕಾಗೆ ಸಾಗಿಸುವಾಗ ಎಂಜಿನ್ ಉಂಟಾದ ಹಾನಿಯು ವಿವಾದದ ಮೂಲ ಕಾರಣವಾಗಿದೆ. ಹಾನಿಯಿಂದಾಗಿ ರೈಲ್ವೆ ವಿಧಿಸಿದ ದಂಡದ ಬಗ್ಗೆ ಶ್ರೀ ಜೆಬಿ ಗ್ರೇನ್ ಡೀಲರ್ಸ್ ಅಸೋಸಿಯೇಷನ್ ಮತ್ತು ರಾಧಾ ರೋಡ್ವೇಸ್ ನಡುವೆ ವಿವಾದ ಉಂಟಾಗಿತ್ತು ಎಂದು ಹೇಳಲಾಗಿದೆ.