ಬೆಂಗಳೂರು: ನಾಯಿಗಳು ಸಾಕಿದವರ ಮೇಲೆ ಪ್ರೀತಿ ತೋರುತ್ತವೆ. ಆದರೆ ಬೆಕ್ಕುಗಳು ಹಾಗಲ್ಲ. ಅವುಗಳು ಯಾರ ಮೇಲೂ ಪ್ರೀತಿಯನ್ನು ತೋರಲು ಹೋಗುವುದಿಲ್ಲ. ಆದರೆ ಇಲ್ಲೊಂದು ಬೆಕ್ಕು ಮಾತ್ರ ತನ್ನನ್ನು ಸಾಕಿದವನಿಗೆ ಪ್ರೀತಿಯಿಂದ ಮುತ್ತನ್ನಿಡುತ್ತಿದೆ. ಈ ರೀತಿಯ ವಿಶೇಷ ದೃಶ್ಯವಿರುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಇದೀಗ ವೈರಲ್‌ (Viral Video) ಆಗಿದೆ.
ರೆಡ್ಡಿಟ್‌ ಆಪ್‌ನಲ್ಲಿ ಇಂತದ್ದೊಂದು ವಿಡಿಯೊ ಹರಿದಾಡುತ್ತಿದೆ. ವ್ಯಕ್ತಿಯೊಬ್ಬ ಸೋಫಾದ ಮೇಲೆ ಮಲಗಿದ್ದಾನೆ. ಅವನ ಎದೆ ಮೇಲೆ ಕುಳಿತುಕೊಂಡಿರುವ ಬೆಕ್ಕು ನಿಧಾನವಾಗಿ ಆತನ ಕೆನ್ನೆಯ ಬಳಿ ಮುಖ ತಂದು, ಕೆನ್ನೆಗೆ ಮುತ್ತನ್ನು ಕೊಟ್ಟು ಹಿಂದ ಸರಿದುಕೊಳ್ಳುತ್ತದೆ. ಈ ದೃಶ್ಯವನ್ನು ಆ ವ್ಯಕ್ತಿ ವಿಡಿಯೊ ಮಾಡಿಕೊಂಡಿದ್ದು, ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾನೆ.
ಇದನ್ನೂ ಓದಿ: Viral Video: ಬಿಜೆಪಿ ‘ಭ್ರಷ್ಟಾಚಾರ’ ಪಟ್ಟಿ ಓದಲು ತಡಕಾಡಿದ ಪ್ರಿಯಾಂಕಾ ವಾದ್ರಾ; ಅಂಕಿ-ಅಂಶ ಹೇಳುವಾಗಲೂ ಎಡವಟ್ಟು
“ನನ್ನ ಪ್ರೀತಿಯ ಬೆಕ್ಕು ಯಾವಾಗಲೂ ಹೀಗೇ ಮಾಡುತ್ತದೆ. ಆದರೆ ಇದೇ ಮೊದಲನೇ ಬಾರಿಗೆ ನಾನು ಈ ದೃಶ್ಯವನ್ನು ವಿಡಿಯೊ ಮಾಡಿಕೊಂಡಿದ್ದೇನೆ” ಎಂದು ಕ್ಯಾಪ್ಶನ್‌ನಲ್ಲಿ ತಿಳಿಸಲಾಗಿದೆ. ಈ ವಿಡಿಯೊವನ್ನು ಒಂದು ದಿನದ ಮೊದಲು ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊವನ್ನು ನೂರಾರು ಮಂದಿ ನೋಡಿದ್ದಾರೆ. 250ಕ್ಕೂ ಅಧಿಕ ಮಂದಿ ವಿಡಿಯೊಗೆ ಅಪ್‌ವೋಟ್‌ ಮಾಡಿದ್ದಾರೆ. ಹಾಗೆಯೇ ಹತ್ತಾರು ಮಂದಿ ವಿಡಿಯೊ ಬಗ್ಗೆ ಹಲವಾರು ರೀತಿಯ ಕಾಮೆಂಟ್‌ಗಳನ್ನು ಮಾಡಿದ್ದಾರೆ.
My cat gave me a kiss
by u/LuckSavings4495 in cat
“ನಮ್ಮ ಮನೆಯ ಬೆಕ್ಕು ನಮಗೆ ಪ್ರೀತಿಯನ್ನೇ ತೋರಿಸುವುದಿಲ್ಲ. ಸುಮ್ಮನೆ ಮೈಯೆಲ್ಲ ಪರಚುತ್ತದೆಯಷ್ಟೇ. ಆದರೆ ನೀವೆಷ್ಟು ಅದೃಷ್ಟವಂತರು. ಎಷ್ಟೊಂದು ಮುದ್ದಾಗಿ ಆ ಬೆಕ್ಕು ಮುತ್ತು ಕೊಡುತ್ತಿದೆ” ಎನ್ನುವ ಕಾಮೆಂಟ್‌ ಕೂಡ ವಿಡಿಯೊಗೆ ಬಂದಿವೆ. ಹಾಗೆಯೇ, “ವಾವ್‌”, “ಕ್ಯೂಟ್‌”, “ಸೂಪರ್‌” ಎನ್ನುವಂತಹ ಹಲವಾರು ಕಾಮೆಂಟ್‌ಗಳನ್ನು ಕಾಮೆಂಟ್‌ ವಿಭಾಗದಲ್ಲಿ ನೋಡಬಹುದಾಗಿದೆ.