ರಜನಿಕಾಂತ್‌ ಮತ್ತು ತಮನ್ನಾ ಭಾಟಿಯಾ ನಟನೆಯ ಜೈಲರ್‌ ಸಿನಿಮಾದ ಕಾವಾಲಯ್ಯ ಹಾಡು ಜುಲೈ 6ರಂದು ಬಿಡುಗಡೆಯಾಗಿದೆ. ಅಂದಿನಿಂದ ಇಂದಿನವರೆಗೆ ಯಾರ ಬಾಯಲ್ಲಿ ಕೇಳಿದರೂ ಅದೇ ಹಾಡು. ಇನ್‌ಸ್ಟಾಗ್ರಾಂ ತೆರೆದರೂ ಅದೇ ಹಾಡಿನ ರೀಲ್ಸ್‌. ಅಷ್ಟೊಂದು ಟ್ರೆಂಡ್‌ ಆಗಿರುವ ಹಾಡಿಗೆ ಇಲ್ಲೊಬ್ಬ ಯುವತಿ ಕುಣಿದಿದ್ದಾಳೆ. ಆಕೆಯ ವಿಡಿಯೊ ವೈರಲ್‌ (Viral Video) ಆಗಿದ್ದು, ಜನರು ವಿಡಿಯೊವನ್ನು ಇಷ್ಟಪಡಲಾರಂಭಿಸಿದ್ದಾರೆ.
ಅಂಜನ ಚಂದ್ರನ್‌ ಹೆಸರಿನ ಮಹಿಳೆ ಈ ಹಾಡಿಗೆ ಡ್ಯಾನ್ಸ್‌ ಮಾಡಿದ್ದಾರೆ. ಮನೆಯ ಲಿವಿಂಗ್‌ ರೂಮ್‌ನ ಮಧ್ಯದಲ್ಲಿ ನೇರಳೆ ಬಣ್ಣದ ಲೆಹೆಂಗಾ ಧರಿಸಿಕೊಂಡು ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಎಲ್ಲರೂ ತಮನ್ನಾ ಅವರು ಹಾಕಿದ ಹೆಜ್ಜೆಯನ್ನೇ ಹಾಕುತ್ತಿದ್ದರ ಅಂಜನ ಮಾತ್ರ ಸ್ವಲ್ಪ ವಿಭಿನ್ನವಾಗಿ ಹೆಜ್ಜೆ ಹಾಕಿದ್ದಾರೆ. ಅದು ಅನೇಕರಿಗೆ ಇಷ್ಟವಾಗುತ್ತಿದೆ. ಹಾಗಾಗಿಯೇ ಅವರ ವಿಡಿಯೊವನ್ನು ಹೆಚ್ಚು ಜನರು ನೋಡಲಾರಂಭಿಸಿದ್ದಾರೆ.
ಇದನ್ನೂ ಓದಿ: Viral Video : ಫ್ಲೈಓವರ್‌ ಮೇಲೆ ರಾಜಾರೋಷವಾಗಿ ಓಡಾಡಿದ ಸಿಂಹ!
ಅಂಜನ ಅವರು ಈ ವಿಡಿಯೊವನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಜುಲೈ 16ರಂದು ಹಂಚಿಕೊಂಡಿದ್ದಾರೆ. ಅಂದಿನಿಂದ ಇಂದಿನವರೆಗೆ ಸಾವಿರಾರು ಮಂದಿ ವಿಡಿಯೊವನ್ನು ವೀಕ್ಷಿಸಿದ್ದಾರೆ. ಐದು ಸಾವಿರಕ್ಕೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ. ಹಾಗೆಯೇ ಹಲವರು ಈ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ. ಈ ವಿಡಿಯೊಗೆ ಹಲವಾರು ರೀತಿಯ ಕಾಮೆಂಟ್‌ಗಳೂ ಹರಿದುಬಂದಿವೆ.
“ನೀವು ಕೆಲವು ಸ್ಟೆಪ್ಸ್‌ಗಳನ್ನು ಬದಲಾಯಿಸಿರುವುದು ಇಷ್ಟವಾಯಿತು. ನೀವು ತುಂಬಾ ಅದ್ಭುತವಾಗಿ ನೃತ್ಯ ಮಾಡಿದ್ದೀರಿ”, “ಈ ವಿಡಿಯೊವನ್ನು ಅದೆಷ್ಟು ಬಾರಿ ನೋಡಿದೆ ಎಂದು ಮಾತ್ರ ನನ್ನನ್ನು ಕೇಳಬೇಡಿ”, “ಅಬ್ಬಾ, ಇದು ತಮನ್ನಾ ಅವರ ಒರಿಜಿನಲ್‌ ನೃತ್ಯಕ್ಕಿಂತಲೂ ಚೆನ್ನಾಗಿದೆ”, “ಸೀಟಿ ಸದ್ದಿನ ಸಂಗೀತಕ್ಕೆ ನೀವು ಹಾಕಿದ ಹೆಜ್ಜೆಯಂತೂ ಸೂಪರ್‌ ಆಗಿದೆ. ಹಾಗೆಯೇ ನಿಮ್ಮ ನಗು ಇನ್ನೂ ಚೆನ್ನಾಗಿದೆ”, “ಈ ವಿಡಿಯೊ ನೋಡಿದ ಮೇಲೆ ಏನು ಹೇಳಬೇಕು ಎನ್ನುವುದೇ ಗೊತ್ತಾಗುತ್ತಿಲ್ಲ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಹಾಗೆಯೇ “ವಾವ್‌”, “ಸೂಪರ್‌” ಎನ್ನುವಂತಹ ಹಲವಾರು ಕಾಮೆಂಟ್‌ಗಳನ್ನೂ ಕಾಣಬಹುದಾಗಿದೆ.