ಅಹಮದಾಬಾದ್‌: ಹೆಣ್ಣು ಮಕ್ಕಳು ಒಬ್ಬಂಟಿಯಾಗಿ ರಸ್ತೆ ಮೇಲೆ ಓಡಾಡುವಾಗ ಪುಂಡ ಪೋಕರಿಗಳು ಅವರನ್ನು ಚುಡಾಯಿಸುವುದು ಸಾಮಾನ್ಯವಾಗಿಬಿಟ್ಟಿದೆ. ಕೆಲವೊಮ್ಮೆ ಕೆಲವರು ಪ್ರೀತಿ ಪ್ರೇಮ ಎಂದು ಹೇಳಿಕೊಂಡು ಹಿಂದೆ ಬಿದ್ದುಬಿಡುತ್ತಾರೆ ಕೂಡ. ಅದೇ ರೀತಿಯಲ್ಲಿ ಅಪ್ರಾಪ್ತ ಬಾಲಕಿಯ ಹಿಂದೆ ಬಿದ್ದಿದ್ದ ಹುಡುಗನೊಬ್ಬನಿಗೆ ಆಕೆ ಮತ್ತು ಆಕೆಯ ಅಕ್ಕನೇ ಪಾಠ ಕಲಿಸಿರುವ ಘಟನೆ ಒಡಿಶಾದಲ್ಲಿ ನಡೆದಿದೆ. ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ (Viral Video) ಆಗಿದೆ.
ಬ್ರಹ್ರಾಂಪುರದಲ್ಲಿ 17 ವರ್ಷದ ಬಾಲಕಿ ಗುರುವಾರ ಬೆಳಗ್ಗೆ 6.45ರ ಸಮಯಕ್ಕೆ ಸೈಕಲ್‌ನಲ್ಲಿ ಶಾಲೆಗೆ ಹೋಗುವ ಸಮಯದಲ್ಲಿ ವಿಜಯ್‌ ಸರ್ಕಾಟೆ ಹೆಸರಿನ ಯುವಕ ಆಕೆಯನ್ನು ತಡೆದಿದ್ದಾನೆ. ಆಕೆಯನ್ನು ಪೀಡಿಸಿ ಆಕೆಯ ಬ್ಯಾಗ್‌ನೊಳಗೆ ಗಿಫ್ಟ್‌ ತುರುಕಿಸಿದ್ದಾನೆ. ಬಾಲಕಿಗೆ ಮುತ್ತು ಕೊಟ್ಟು ಎಳೆದಾಡಿದ್ದಾನೆ. ಆಕೆ ಆ ದಿನ ಸಂಜೆ ಮನೆಗೆ ಬಂದು ತಾಯಿಯ ಬಳಿ ಎಲ್ಲ ವಿಚಾರ ಹೇಳಿಕೊಂಡು ಅತ್ತಿದ್ದಾಳೆ.
ಇದನ್ನೂ ಓದಿ: Viral News: ಹೆಂಡಕ್ಕಾಗಿ ಹೋರಾಟ! ಬಸ್‌ಗಳಲ್ಲಿ ಡಿಫೆನ್ಸ್‌ ಮದ್ಯ ಒಯ್ಯೋಕೆ ಬೇಕು ಪರ್ಮಿಶನ್; ನಾರಿಯರ ಪ್ರತಿಭಟನೆ
ಮಾರನೇ ದಿನ ಆಕೆ ಮತ್ತು ಆಕೆಯ 19 ವರ್ಷದ ಅಕ್ಕ ಒಂದು ಪ್ಲಾನ್‌ ಮಾಡಿದ್ದಾರೆ. ಬಾಲಕಿ ಶಾಲೆ ಮುಗಿಸಿ ಬರುವ ಸಮಯದಲ್ಲಿ ಮತ್ತೆ ಆ ಹುಡುಗ ಬಂದು ಕಾಟ ಕೊಡಲಾರಂಭಿಸಿದ್ದಾನೆ. ಆಗ ಬೇರೇನೂ ಯೋಚನೆ ಮಾಡದ ಬಾಲಕಿ ಆತನಿಗೆ ಹೊಡೆಯಲಾರಂಭಿಸಿದ್ದಾಳೆ. ಅಲ್ಲೇ ಹತ್ತಿರದಲ್ಲಿ ನಿಂತಿದ್ದ ಬಾಲಕಿಯ ಅಕ್ಕನೂ ಸ್ಥಳಕ್ಕೆ ಬಂದು ಆಕೆಗೆ ಜತೆ ನಿಂತಿದ್ದಾಳೆ.
#Ahmedabad: 2 teen sisters confront a molester. They fought him off when the man tried to molest the school going girl. pic.twitter.com/yeGQCo49pK
— sanjana (she/her) (@sanjanausd08) June 24, 2023
ಯುವಕ ರಸ್ತೆ ಮೇಲೆ ಬಿದ್ದಿದ್ದರೂ ಲೆಕ್ಕಿಸದ ಯುವತಿ ಬೆಲ್ಟ್‌ನಲ್ಲಿ ಆತನಿಗೆ ಹೊಡೆದಿದ್ದಾಳೆ. ಬೂಟು ಕಾಲಿನಲ್ಲಿ ಒದ್ದಿದ್ದಾಳೆ. ಸ್ಥಳದಲ್ಲಿ ಜನ ಸೇರಿಕೊಂಡು ಏನಾಯ್ತು ಎಂದು ಕೇಳಿದಾಗ ಆತ ಕೊಟ್ಟ ಕಾಟದ ಬಗ್ಗೆ ವಿವರಿಸಿದ್ದಾಳೆ. ಅದರಿಂದಾಗಿ ಯಾರೊಬ್ಬರೂ ಯುವಕನ ಸಹಾಯಕ್ಕೆ ಹೋಗಿಲ್ಲ.
ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲೂ ಹರಿದಾಡಿದೆ. ಅಕ್ಕ ತಂಗಿಯ ಈ ಧೈರ್ಯಕ್ಕೆ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಕಾಟ ಕೊಡುವ ಹುಡುಗರಿಗೆ ಈ ರೀತಿಯಲ್ಲಿ ಹುಡುಗಿಯರೇ ಶಿಕ್ಷೆ ಕೊಡುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು ಎಂದು ಜನರು ಕಾಮೆಂಟ್‌ಗಳನ್ನು ಮಾಡಲಾರಂಭಿಸಿದ್ದಾರೆ.