ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿರುವವರು ಉಬರ್‌ನಲ್ಲಿ ಪ್ರಯಾಣ ಮಾಡಿರುತ್ತೀರಿ. ಉಬರ್‌ನಲ್ಲಿ ನೀವು ಪ್ರಯಾಣ ಮಾಡುವಾಗ ನಿಮ್ಮ ಬೇಜಾರು ಕಳೆಯಲೆಂದು ಫೋನ್‌ ಹಿಡಿದು ಕುಳಿತಿರುತ್ತೀರಲ್ಲವೇ? ಒಂದು ವೇಳೆ ಉಬರ್‌ನಲ್ಲಿ ಬೇಜಾರು ಕಳೆಯಲೆಂದೇ ಅದರ ಚಾಲಕ ವಿಶೇಷ ಆಟಗಳನ್ನು ಕಾರಿನ ಟ್ಯಾಬ್‌ನಲ್ಲಿ ಕೊಟ್ಟರೆ ಹೇಗಿರುತ್ತದೆ? ಊಹಿಸಿಕೊಳ್ಳುವುದಕ್ಕೆ ಸ್ವಲ್ಪ ಕಷ್ಟವಾಗುತ್ತಿದೆಯೇ? ಹಾಗಾದರೆ ಇಲ್ಲೊಂದು ವಿಶೇಷವಾದ ವಿಡಿಯೊವಿದೆ (Viral Video) ನೋಡಿ.
ಉಬರ್‌ನ ಚಾಲಕ ವಲ್ಲೇಸ್‌ ತನ್ನ ಪ್ರಯಾಣಿಕರಿಗೆಂದು ಹೊಸ ಹೊಸ ಆಟಗಳನ್ನು ಸೃಷ್ಟಿಸಿದ್ದಾನೆ. ಕಾರಿನಲ್ಲಿ ಡ್ರೈವರ್‌ ಸೀಟಿನ ಹಿಂಭಾಗಕ್ಕೆ ನೀಡಲಾಗಿರುವ ಟ್ಯಾಬ್‌ನಲ್ಲಿ ಆ ಆಟಗಳನ್ನು ನೀಡಲಾಗಿದೆ. ಅದರಲ್ಲಿ ವಲ್ಲೇಸ್‌ ಬಗ್ಗೆ ಹಲವಾರು ಪ್ರಶ್ನೆಗಳಿದ್ದು, ಪ್ರಯಾಣಿಕರು ಅದಕ್ಕೆ ಉತ್ತರಿಸುತ್ತ ಹೋಗಬೇಕು. ವಲ್ಲೇಸ್‌ ಕುಟುಂಬಕ್ಕೆ ಆತನನ್ನು ಕರೆದೊಯ್ದು ಬಿಡುವುದೂ ಕೂಡ ಒಂದು ಆಟವೇ. ಒಂದು ವೇಳೆ ನಿಮ್ಮ ಉತ್ತರ ಸರಿಯಿದ್ದರೆ ಅದಕ್ಕೆ ನಗುತ್ತ ಸರಿಉತ್ತರ ಎನ್ನುವ ವಲ್ಲೇಸ್‌, ಉತ್ತರ ಸರಿಯಲ್ಲದಿದ್ದರೆ ಬೇಜಾರಿನಿಂದ ʼನೋʼ ಎಂದು ಹೇಳುತ್ತಾನೆ.
ಇದನ್ನೂ ಓದಿ: Viral Video: ಟ್ರಾಫಿಕ್‌ ಸಿಗ್ನಲ್‌ ವೇಳೆ ಬ್ಯಾಗ್‌ಗೆ ಕೈಹಾಕಿ ತಿಂಡಿ ತಿಂದ ಡೆಲಿವರಿ ಬಾಯ್; ಆರ್ಡರ್‌ ಮಾಡಿದವನ ಬಗ್ಗೆ ಮರುಕ
ಈ ರೀತಿಯ ಆಟವೆಲ್ಲದರಲ್ಲೂ ಮುಖ್ಯ ಪಾತ್ರ ಆ ಕಾರಿನ ಚಾಲಕ ವಲ್ಲೇಸ್‌ನದ್ದೇ. ಇಂಥದ್ದೊಂದು ವಿಶೇಷ ಆಟಗಳನ್ನು ಹೊಂದಿರುವ ಉಬರ್‌ ಕಾರಿನ ವಿಡಿಯೊವನ್ನು 0xEnjooyer ಹೆಸರಿನ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಉಬರ್‌ನಲ್ಲಿ ಇಂತಹ ಆಟವಿದ್ದರೆ ನಾನು ಉಬರ್‌ನಿಂದ ಕೆಳಗಿಳಿಯುವುದೇ ಇಲ್ಲ ಎಂದು ಟ್ವೀಟ್‌ನ ಕ್ಯಾಪ್ಶನ್‌ನಲ್ಲಿ ತಿಳಿಸಲಾಗಿದೆ.
If my Uber had this I don't think I'd ever get out 🤣💀 pic.twitter.com/H7honIjw7s
— 0xEnjooyer (@0xEnjooyer) August 7, 2023
ಹಾಗೆಯೇ ವಿಡಿಯೊದಲ್ಲಿ ಆ ವಲ್ಲೇಸ್‌ ಮಾತನಾಡುವುದನ್ನೂ ನೀವು ನೋಡಬಹುದಾಗಿದೆ. ಆಟವಾಡುತ್ತಿದ್ದ ವ್ಯಕ್ತಿಯೊಂದಿಗೆ ಮಾತನಾಡುವ ಆ ಚಾಲಕ, “ನನಗೆ ನನ್ನ ಕಾರನ್ನು ಚಲಾಯಿಸುವೆಂದರೆ ತುಂಬಾನೇ ಇಷ್ಟ” ಎಂದು ಹೇಳುವುದನ್ನು ನೀವು ಕಾಣಬಹುದು.
ಈ ವಿಡಿಯೊವನ್ನು ಆಗಸ್ಟ್‌ 8ರಂದು ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ 18 ಲಕ್ಷಕ್ಕೂ ಅಧಿಕ ಮಂದಿ ಈ ವಿಡಿಯೊವನ್ನು ವೀಕ್ಷಿಸಿದ್ದಾರೆ. 8,800ಕ್ಕೂ ಅಧಿಕ ಮಂದಿ ಟ್ವೀಟ್‌ಗೆ ಲೈಕ್‌ ಮಾಡಿದ್ದಾರೆ. ನೂರಾರು ಮಂದಿ ಈ ಟ್ವೀಟ್‌ ಅನ್ನು ತಮ್ಮ ವಾಲ್‌ಗೆ ರಿಟ್ವೀಟ್‌ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಟ್ರಾಫಿಕ್‌ ಸಿಗ್ನಲ್‌ ವೇಳೆ ಬ್ಯಾಗ್‌ಗೆ ಕೈಹಾಕಿ ತಿಂಡಿ ತಿಂದ ಡೆಲಿವರಿ ಬಾಯ್; ಆರ್ಡರ್‌ ಮಾಡಿದವನ ಬಗ್ಗೆ ಮರುಕ
“ಅಬ್ಬಾ, ನಾನು ಈ ವ್ಯಕ್ತಿಯನ್ನು ನನ್ನ ಡ್ರೈವರ್‌ ಆಗಿ ಕೆಲಸಕ್ಕೆ ತೆಗೆದುಕೊಳ್ಳುತ್ತೇನೆ. ನಾನು ಎಲ್ಲಿಗೂ ಹೋಗುವುದಿಲ್ಲವಾದರೂ ಪರವಾಗಿಲ್ಲ”, “ಇದು ಅದ್ಭುತವಾಗಿದೆ”, “ಮುರಿದ ಕಾಲಿನಲ್ಲೇ ಎದ್ದು ನಿಂತು ನೋ ಎಂದು ಹೇಳುವುದನ್ನು ನೋಡಿದರೆ ನನಗೆ ನಗು ತಡೆಯಲು ಆಗುತ್ತಿಲ್ಲ”, “ಅಬ್ಬಬ್ಬಾ, ಎಂತಹ ಚಾಲಾಕಿ ಡ್ರೈವರ್‌ ಇವರು”, “ಆ ಆಟದಲ್ಲಿ ಡ್ರೈವರ್‌ ನೋ ಎನ್ನುವುದು ಅದ್ಭುತವಾಗಿದೆ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಹಾಗೆಯೇ ಜನರು ಈ ಡ್ರೈವರ್‌ ಬಗ್ಗೆ ಮಾಹಿತಿ ಕೊಡಿ ಎಂದೂ ವಿಡಿಯೊಗೆ ಕಮೆಂಟ್‌ ಮಾಡಿ ಕೇಳಿಕೊಳ್ಳುತ್ತಿದ್ದಾರೆ.
ಉಬರ್‌ನಲ್ಲಿ ಸುಮ್ಮನೆ ಕುಳಿತು ಕಾಲಹರಣ ಮಾಡುವುದಕ್ಕಿಂತ ಈ ರೀತಿಯ ಮನರಂಜನೆ ಇದ್ದರೆ ಚೆನ್ನಾಗಿರುತ್ತದೆಯಲ್ಲವೇ. ಇದರಿಂದಾಗಿ ನಿಮಗೆ ಟೈಮ್‌ ಪಾಸ್‌ ಆಗುತ್ತದೆಯಷ್ಟೇ ಅಲ್ಲದೆ ಊಬರ್‌ ಚಾಲಕನ ಬದುಕಿನ ಬಗ್ಗೆಯೂ ಕೆಲವು ವಿಚಾರಗಳನ್ನು ತಿಳಿದುಕೊಂಡಂತಾಗುತ್ತದೆ.