ಬೆಂಗಳೂರು: ಸಾಮಾಜಿಕ ಜಾಲತಾಣಗಳಲ್ಲಿ ನೃತ್ಯಗಳ ವಿಡಿಯೊಗಳು ಆಗಾಗ ವೈರಲ್‌ ಆಗುತ್ತಿರುತ್ತವೆ. ಅದೇ ರೀತಿಯಲ್ಲಿ ಇದೀಗ ಮತ್ತೊಂದು ಹಾಡಿನ ನೃತ್ಯ ಇನ್‌ಸ್ಟಾಗ್ರಾಂನಲ್ಲಿ ಹರಿದಾಡಿದ್ದು, ಭಾರೀ ವೈರಲ್‌ (Viral Video) ಆಗುತ್ತಿದೆ. ಜನರು ಕಣ್ಣು ಮಿಟುಕಿಸದಂತೆ ವಿಡಿಯೊ ನೋಡಲಾರಂಭಿಸಿದ್ದಾರೆ.
ಕೋಕ್‌ ಸ್ಟುಡಿಯೊದ ಕನ ಯಾರೀ ಹಾಡನ್ನು ನೀವು ಕೇಳಿರಬಹುದು. ಸಕತ್‌ ಹಿಟ್‌ ಆಗಿ ಅನೇಕರ ಫೇವರಿಟ್‌ ಲಿಸ್ಟ್‌ ಸೇರಿಕೊಂಡ ಹಾಡದು. ಆ ಹಾಡಿಗೆ ಅನೇಕರು ರೀಲ್ಸ್‌ಗಳನ್ನೂ ಮಾಡಿ ಇನ್‌ಸ್ಟಾಗ್ರಾಂನಲ್ಲಿ ಹರಿಬಿಟ್ಟಿದ್ದಾರೆ. ಹಾಗೆಯೇ ಯೂಟ್ಯೂಬ್‌ ಶಾರ್ಟ್ಸ್‌ನಲ್ಲೂ ಈ ಹಾಡು ಭಾರೀ ಸದ್ದು ಮಾಡಿದೆ. ಇದೀಗ ಇದೇ ಹಾಡಿಗೆ ಯುವತಿಯೊಬ್ಬಳು ಹೂಪ್‌ ಡ್ಯಾನ್ಸ್‌ ಮಾಡಿದ್ದಾಳೆ.
ಇದನ್ನೂ ಓದಿ: Viral Video: ‘ಕ್ಯಾಂಡಿ’ ಮೇಲೆ ಧೋನಿಗೆ ‘ಕ್ರಷ್’, ಇವರು ಆಡುವ ಗೇಮ್‌ ಮೂರೇ ಗಂಟೆಯಲ್ಲಿ 36 ಲಕ್ಷ ಡೌನ್‌ಲೋಡ್‌!
ಈಶ್ನಾ ಕುಟ್ಟಿ ಹೆಸರಿನ ಯುವತಿ ಕನ ಯಾರೀ ಹಾಡಿಗೆ ಹೂಪ್‌ ನೃತ್ಯ ಮಾಡಿದ್ದಾಳೆ. ಹಾಡಿನ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕುವುದಷ್ಟೇ ಅಲ್ಲದೆ ಅದಕ್ಕೆ ತಕ್ಕಂತೆ ಹೂಪ್‌ ಅನ್ನೂ ಕುಣಿಸಿದ್ದಾಳೆ ಈ ಬೆಡಗಿ. ಈ ರೀಲ್ಸ್‌ನಲ್ಲಿ ಆಕೆ ಏಪ್ರಿಲ್‌ನಲ್ಲೇ ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾಳೆ. ಆಕೆಯ ವಿಡಿಯೊ ಈಗಾಗಲೇ 8.8 ಲಕ್ಷಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. ಹಾಗೆಯೇ 72 ಸಾವಿರಕ್ಕೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ. ಸಾವಿರಾರು ಮಂದಿ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಈ ವಿಡಿಯೊಗೆ ಮೆಚ್ಚುಗೆಯ ಕಾಮೆಂಟ್‌ಗಳು ಕೂಡ ಸಾಗರೋಪಾದಿಯಾಗಿ ಹರಿದುಬಂದಿವೆ. “ಅಬ್ಬಬಾ, ಎಂತಹ ಒಳ್ಳೆಯ ಹಾಡು ಮತ್ತು ಒಳ್ಳೆಯ ನೃತ್ಯ”, “ನನ್ನ ಫೇವರಿಟ್‌ ಹಾಡು ಇದು. ಈಗ ಈ ನೃತ್ಯ ನೋಡಿದ ಮೇಲೆ ಹಾಡು ಇನ್ನಷ್ಟು ಇಷ್ಟವಾಗಲಾರಂಭಿಸಿದೆ”, “ಅಬ್ಬಬ್ಬಾ, ಕಣ್ಣು ಮಿಟುಕಿಸಲೂ ಸಾಧ್ಯವಾಗದ ವಿಡಿಯೊ ಇದು” ಎನ್ನುವಂತಹ ಹಲವಾರು ಮೆಚ್ಚುಗೆಯ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಈ ಈಶ್ನಾ ಅವರ ಇನ್ನೂ ಹಲವಾರು ವಿಡಿಯೊಗಳು ಈಗಾಗಲೇ ವೈರಲ್‌ ಆಗಿದ್ದಾವೆ.