ವಾಷಿಂಗ್ಟನ್: ಯಾರನ್ನಾದರೂ ಕೊಲೆ ಮಾಡಿ, ಅವರ ಶವದ ಜತೆಯೇ ಕೆಲ ದಿನಗಳ ಕಾಲ ಬದುಕುವ ವಿಚಿತ್ರ ಅಪರಾಧಿಗಳನ್ನು ನಾವು ಇತ್ತೀಚಿನ ದಿನಗಳಲ್ಲಿ ಕಂಡಿದ್ದೇವೆ. ಆದರೆ ಬಹಳ ಹಿಂದೆ ಅಂದರೆ 1880ರ ದಶಕದಲ್ಲಿಯೇ ವೈದ್ಯನೊಬ್ಬ ತಾನು ಚಿಕಿತ್ಸೆ ನೀಡಿದ್ದ ಯುವತಿಯ ಶವದೊಂದಿಗೇ ಬರೋಬ್ಬರಿ ಏಳು ವರ್ಷಗಳ ಕಾಲ ಬದುಕಿದ್ದ. ಅಂತದ್ದೊಂದು ವಿಚಿತ್ರ ಕಥೆ (Viral News) ಇಲ್ಲಿದೆ.
ಇದನ್ನೂ ಓದಿ: Viral Video: ಮಹೀಂದ್ರ XUV700 ಎಡಿಎಎಸ್ ದುರ್ಬಳಕೆ, ಸ್ಟಂಟ್ ವಿಡಿಯೋ ವೈರಲ್
ಹೌದು. ಅಮೆರಿಕದ ಫ್ಲೋರಿಡಾದಲ್ಲಿ ಡಾ.ಡೆತ್‌ ಎಂದೇ ಕರೆಸಿಕೊಂಡಿದ್ದ ವೈದ್ಯ ಕಾರ್ಲ್‌ ಟಾಂಜ್ಲರ್‌ ಒಮ್ಮೆ ಎಲೆನಾ ಮಿಲಾಗ್ರೊ ಡಿ ಹೊಯೊಸ್ ಹೆಸರಿನ ಯುವತಿಗೆ ಟ್ಯೂಮರ್‌ ಕಾಯಿಲೆಗೆ ಚಿಕಿತ್ಸೆ ನೀಡಿದ್ದ. ಚಿಕಿತ್ಸೆ ಫಲಕಾರಿಯಾಗದೆ ಆಕೆ ಸಾವನ್ನಪ್ಪಿದ್ದಳು. ಆಕೆಯ ಕುಟುಂಬಸ್ಥರು ಶವವನ್ನು ಸಮಾಧಿ ಮಾಡಿದ ನಂತರ ಅಲ್ಲಿಗೆ ತೆರಳಿದ್ದ ಕಾರ್ಲ್‌ ಆ ಶವವನ್ನು ಮತ್ತೆ ಬದುಕಿಸುವುದಕ್ಕೆಂದು ಅದನ್ನು ಮನೆಗೆ ತಂದಿದ್ದ.
ಎಲೆನಾಳ ಕಣ್ಣನ್ನು ಗಾಜಿನಿಂದ ಬದಲಿಸಿ, ಕೆಲವು ಭಾಗಗಳನ್ನು ಬೇರೆ ಬೇರೆ ವಸ್ತುಗಳಿಂದ ಬದಲಿಸಿ ಆಕೆಯನ್ನು ಬದುಕಿಸುವ ಪ್ರಯತ್ನ ಮಾಡಿದ್ದ. ಬರೋಬ್ಬರಿ ಏಳು ವರ್ಷಗಳಾದ ನಂತರ ಎಲೆನಾಳ ಶವ ಸಮಾಧಿಯಲ್ಲಿ ಇಲ್ಲದಿರುವ ವಿಚಾರ ತಿಳಿದು ಆಕೆಯ ಕುಟುಂಬ ಪೊಲೀಸ್‌ ದೂರು ನೀಡಿತ್ತು. ಆಗ ಈ ವೈದ್ಯ ಸಿಕ್ಕಿಬಿದ್ದಿದ್ದ.
ಇದನ್ನೂ ಓದಿ: Viral Video : ಹಾವು ಮತ್ತು ಮುಂಗುಸಿ ನಡುವೆ ನಡೆಯಿತು ಫೈಟ್‌; ವೈರಲ್ ಆಯ್ತು ವಿಡಿಯೊ
ಹಲವಾರು ಡಿಗ್ರಿಗಳನ್ನು ಪಡೆದುಕೊಂಡು ಭೂಮಿ ಮೇಲಿನ ಬುದ್ಧಿವಂತ ವೈದ್ಯ ಎಂದೇ ಪ್ರಖ್ಯಾತಿ ಪಡೆದಿದ್ದ ಕಾರ್ಲ್‌ ಆಗ ಪೊಲೀಸರು ಹಾಗೂ ನ್ಯಾಯಾಲಯದ ಎದುರು ಹೇಳಿದ್ದ ಕಥೆ ಎಲ್ಲರಲ್ಲೂ ಭಯ ಹುಟ್ಟಿಸಿತ್ತು. ಕಾರ್ಲ್‌ 12 ವರ್ಷದವನಿದ್ದಾಗ ಆತನ ಹಿಂದಿನ ತಲೆಮಾರಿನವರ ದೆವ್ವ ಅವನ ಬಳಿ ಬಂದು ಮಾತನಾಡಿತ್ತಂತೆ. ಮುಂದೆ ಇವಳೇ ನಿನ್ನ ವಧುವಾಗುವವಳು ಎಂದು ಎಲೆನಾಳ ಆತ್ಮವನ್ನು ಕರೆತಂದು ಪರಿಚಯಿಸಿತ್ತಂತೆ. ಅದೇ ಕಾರಣಕ್ಕೆ ಆತ ಆಕೆಯ ದೇಹವನ್ನು ಏಳು ವರ್ಷಗಳ ಕಾಲ ಮನೆಯಲ್ಲೇ ಇಟ್ಟುಕೊಂಡು ಬದುಕಿಸುವ ಪ್ರಯತ್ನ ಮಾಡಿದ್ದ. ಆಕೆಯೇ ನನ್ನ ವಧು ಎಂದು ನ್ಯಾಯಾಲಯದ ಮುಂದೆಯೂ ಹೇಳಿದ್ದ.