ಬೆಂಗಳೂರು: ಉದ್ಯಮಿ ಹರ್ಷ್‌ ಗೋಯೆಂಕಾ ಅವರು ಟ್ವಿಟರ್‌ನಲ್ಲಿ ಸಕ್ರಿಯವಿರುವ ವ್ಯಕ್ತಿ. ಸದಾ ಒಂದಿಲ್ಲೊಂದು ಪೋಸ್ಟ್‌ ಮಾಡುತ್ತಲೇ ಇರುವ ಅವರು ಈಗ ಮಾಡಿರುವ ಪೋಸ್ಟ್‌ (Viral News) ಒಂದು ನೆಟ್ಟಿಗರ ತಲೆಯಲ್ಲಿ ಹುಳ ಬಿಟ್ಟಿದೆ. ಅವರು ಹಾಕಿರುವ ಸವಾಲನ್ನು ಎದುರಿಸಿರುವ ಅನೇಕರು ಸೋತಿದ್ದರೆ, ಇನ್ನು ಅನೇಕರು ಗೆದ್ದು ಬೀಗಿದ್ದಾರೆ.
ಇದನ್ನೂ ಓದಿ: Viral Video: ದ್ರೌಪದಿ ಅಮ್ಮನ ಉತ್ಸವದಲ್ಲಿ ಭಕ್ತರ ಮೇಲೆ ಕ್ರೇನ್ ಬಿದ್ದು ನಾಲ್ವರ ಸಾವು; ತಮಿಳುನಾಡು ದೇಗುಲದಲ್ಲಿ ದುರಂತ
ಹರ್ಷ್‌ ಅವರು ಒಂದು ವಿಶೇಷವಾದ ಚಿತ್ರವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಮನೆಗಳೇ ತುಂಬಿರುವ ಆ ಚಿತ್ರದಲ್ಲಿ ಪುಟಾಣಿ ಬೆಕ್ಕೊಂದು ಅಡಗಿ ಕುಳಿತಿದೆಯಂತೆ. “ಆ ಬೆಕ್ಕನ್ನು ನೀವು 10 ಸೆಕೆಂಡುಗಳೊಳಗೆ ಹುಡುಕಿದರೆ ನಿಮಗೆ ಗ್ರಹಿಸುವಿಕೆ ಚೆನ್ನಾಗಿದೆಯೆಂದು ಅರ್ಥ” ಎಂದು ಅವರು ಬರೆದಿದ್ದಾರೆ.
ಭಾನುವಾರ ಸಂಜೆ ಮಾಡಿರುವ ಆ ಪೋಸ್ಟ್‌ ಸಾಮಾಜಿಕ ಜಾಲತಾಣದ ತುಂಬೆಲ್ಲ ಹರಿದಾಡಿದೆ. ಅನೇಕರು ಬೆಕ್ಕನ್ನು ಹುಡುಕಿ, ಅದಿರುವ ಸ್ಥಳವನ್ನು ಕಾಮೆಂಟ್‌ ಮಾಡಲಾರಂಭಿಸಿದ್ದಾರೆ. ಕೆಲವರಂತೂ “ಎರಡೇ ಸೆಕೆಂಡುಗಳಲ್ಲಿ ಹುಡುಕಿಬಿಟ್ಟೆ. ಮುಂದಿನ ಬಾರಿ ಇನ್ನೂ ಕಠಿಣ ಸವಾಲು ನೀಡಿ” ಎಂದು ಹೇಳಿದ್ದಾರೆ. ಇನ್ನೂ ಕೆಲವರು ಬೆಕ್ಕನ್ನು ಹುಡುಕಲಾಗಲಿಲ್ಲ ಎಂದು ತಿಳಿಸಿದ್ದಾರೆ. ಈ ಪೋಸ್ಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಇದನ್ನೂ ಓದಿ: Viral photo: ಅದೃಷ್ಟಶಾಲಿ ಅಳಿಯ: ಮಾವನ ಮನೆಯಲ್ಲಿ 379 ಭಕ್ಷ್ಯಗಳ ಸಂಕ್ರಾಂತಿ ಊಟ!