ತಿರುಪತಿ: ಮಕ್ಕಳು ತಪ್ಪು ಮಾಡದಂತೆ ತಂದೆ, ತಾಯಿ ಬುದ್ಧಿ ಹೇಳುವುದು ಸಾಮಾನ್ಯ. ಆದರೆ ತಂದೆ ತಾಯಿಯೇ ತಪ್ಪು ಮಾಡಿಬಿಟ್ಟರೆ ಮಕ್ಕಳು ಅಸಹಾಯಕರಾಗಿಬಿಡುತ್ತಾರೆ. ಅದೇ ರೀತಿಯಲ್ಲಿ ತಾಯಿಯ ತಪ್ಪನ್ನು ಹೇಗಾದರೂ ಸರಿ ಮಾಡಬೇಕು ಎಂದುಕೊಂಡಿದ್ದ ಮಗಳು ಊರಿಗೇ ಬೆಂಕಿ ಇಟ್ಟ ವಿಚಿತ್ರ ಘಟನೆ (Viral News) ಆಂಧ್ರಪ್ರದೇಶದ ತಿರುಪತಿ ಜಿಲ್ಲೆಯಲ್ಲಿ ನಡೆದಿದೆ.
ಜಿಲ್ಲೆಯ ಚಂದ್ರಗಿರಿ ಮಂಡಲದ ಸನಂಬತ್ಲ ಹೆಸರಿನ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಈ ಊರಿನಲ್ಲಿ ಕಳೆದ ಕೆಲವು ದಿನಗಳಲ್ಲಿ ಒಟ್ಟು 12 ಬೆಂಕಿ ಅವಘಡಗಳು ನಡೆದಿವೆ. ಅದರಲ್ಲಿ 19 ವರ್ಷದ ಕೀರ್ತಿ ಹೆಸರಿನ ಯುವತಿಯ ಮನೆಯಲ್ಲೇ ಒಟ್ಟು ಮೂರು ಘಟನೆಗಳು ವರದಿಯಾಗಿವೆ. ಈ ಘಟನೆಗಳಿಂದ ಊರಿನ ಜನರೆಲ್ಲ ಊರಿನಲ್ಲೇನೋ ಸಮಸ್ಯೆಯಿದೆ ಎಂದು ಭಯ ಬಿದ್ದಿದ್ದರು. ಈ ಬಗ್ಗೆ ಪೊಲೀಸರ ಮೊರೆ ಹೋಗಲಾಗಿತ್ತು. ಪೊಲೀಸರು ಊರಿನ ಕಾವಲಿಗೆ ನಿಂತಿದ್ದರು.
ಇದನ್ನೂ ಓದಿ: Ram Charan : ಹಾಲಿವುಡ್‌ ಎಂಟ್ರಿ ಬಗ್ಗೆ ನಟ ರಾಮ್‌ ಚರಣ್‌ ಹೇಳಿದ್ದೇನು? ವಿಡಿಯೊ ವೈರಲ್‌
ಊರಿನ ಕಾವಲಿಗೆ ನಿಂತ ಪೊಲೀಸರಿಗೆ ಮೊದಲಿಗೆ ಕೀರ್ತಿಯ ಕುಟುಂಬದ ಮೇಲೆ ಅನುಮಾನ ಬಂತು. ಆಗ ಮನೆಯ ಯಜಮಾನನನ್ನು ಕರೆಸಿ ವಿಚಾರಣೆ ನಡೆಸಿದರು. ಆದರೆ ವಿಚಾರಣೆ ನಡೆಯುವ ವೇಳೆಯಲ್ಲೇ ಮತ್ತೊಂದು ಬೆಂಕಿ ಅವಘಡ ಸಂಭವಿಸಿದ್ದರಿಂದ ಅನುಮಾನ ಬೇರೆ ಕಡೆ ತಿರುಗಿತು. ಕುಟುಂಬದ ಪ್ರತಿಯೊಬ್ಬರನ್ನೂ ಕರೆಸಿ ವಿಚಾರಣೆ ನಡೆಸಲಾಯಿತು. ಕೀರ್ತಿಯನ್ನು ವಿಚಾರಣೆ ನಡೆಸಿದಾಗ ಆಕೆ ತಾನೇ ಈ ಎಲ್ಲ ಕೆಲಸಗಳನ್ನು ಮಾಡಿದ್ದಾಗಿ ಕೊನೆಗೂ ತಪ್ಪೊಪ್ಪಿಕೊಂಡಿದ್ದಾಳೆ.
ಕೀರ್ತಿ ಪರೀಕ್ಷೆಯಲ್ಲಿ ಫೇಲ್‌ ಆದ ಹಿನ್ನೆಲೆಯಲ್ಲಿ ಮನೆಯಲ್ಲೇ ಇದ್ದಳು. ಈ ವೇಳೆ ಆಕೆಗೆ ತನ್ನ ತಾಯಿ ಅಕ್ರಮ ಸಂಬಂಧ ಇಟ್ಟುಕೊಂಡಿರುವುದು ಗಮನಕ್ಕೆ ಬಂತು. ಈ ಊರನ್ನು ಬಿಟ್ಟು ಹೋದರೆ ತಾಯಿ ಈ ಸಂಬಂಧದಿಂದ ದೂರವಾಗುತ್ತಾಳೆ ಎಂದು ಆಕೆ ಲೆಕ್ಕಾಚಾರ ಹಾಕಿದಳು. ಹಾಗಾಗಿ ಹೇಗಾದರೂ ಮಾಡಿ ತನ್ನ ಕುಟುಂಬವನ್ನು ಬೇರೆ ಊರಿಗೆ ಕರೆದೊಯ್ಯಬೇಕು ಎನ್ನುವ ಕಾರಣದಿಂದ ಈಗಿರುವ ಊರಿನಲ್ಲಿ ಸಮಸ್ಯೆಯಿದೆ ಎಂದು ಬಿಂಬಿಸಲು ಈ ರೀತಿ ಬೆಂಕಿ ಹಚ್ಚಲಾರಂಭಿಸಿದ್ದಳು. ತಾಯಿ ಮಲಗಿರುವಾಗ ಆಕೆಯ ಸೀರೆಗೂ ಬೆಂಕಿ ಹಚ್ಚಿ ಹೆದರಿಸಿದ್ದಳು.
ಇದನ್ನೂ ಓದಿ: Viral Video : ಸ್ಟೈಲಿಷ್‌ ಆಗಿ ಬೈಕ್‌ ರೈಡ್‌ ಹೊರಟ ನಾಯಿ! ಈ ವಿಡಿಯೊಗೆ ಮರುಳಾಗದವರಿಲ್ಲ!
ಈ ಸಂಬಂಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಯುವತಿಯನ್ನು ಬಂಧಿಸಿ ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.