ಬೆಂಗಳೂರು: ಮದುವೆಯ ದಿನವನ್ನು ವಿಶೇಷವಾಗಿಟ್ಟುಕೊಳ್ಳಬೇಕೆಂದು ಏನೇನೋ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವವರನ್ನು ನೋಡಿರುತ್ತೀರಿ. ವಧು, ವರರು ಪರಸ್ಪರ ಸರ್ಪೈಸ್‌ ಕೊಟ್ಟುಕೊಳ್ಳುವುದು ಈಗಂತೂ ಸಾಮಾನ್ಯವಾಗಿಬಿಟ್ಟಿದೆ. ಅದೇ ರೀತಿ ಇಲ್ಲಿ ವಧು ಕೇವಲ ವರನಿಗೆ ಮಾತ್ರವಲ್ಲದೆ ಪೂರ್ತಿ ಕುಟುಂಬಕ್ಕೇ ಸರ್ಪೈಸ್‌ ಕೊಟ್ಟಿದ್ದಾಳೆ. ಆ ಸರ್ಪೈಸ್‌ ಕಂಡು ಕುಟುಂಬ (Viral Video) ಕಣ್ಣೀರಿಟ್ಟಿದೆ.
ಇದನ್ನೂ ಓದಿ: Cricket Viral Video | ಸಂಸ್ಕೃತದಲ್ಲಿ ಕ್ರಿಕೆಟ್ ಕಾಮೆಂಟರಿ; ವಿಡಿಯೊ ವೈರಲ್
ಹೆಣ್ಣು ಮಕ್ಕಳಿಗೆ ಕೂದಲೆಂದರೆ ಪ್ರೀತಿ. ಅದರಲ್ಲಿಯೂ ಮದುವೆ ಎಂದು ನಿಶ್ಚಯವಾದ ನಂತರವಂತೂ ಮದುವೆಗೆಂದೇ ಉದ್ದ ಕೂದಲನ್ನು ಬಿಡುವವರಿದ್ದಾರೆ. ಅದೇ ರೀತಿ ಮದುವೆಗಾಗಿ ಉದ್ದ ಕೂದಲು ಬಿಟ್ಟಿದ್ದ ವಧು, ರಿಸೆಪ್ಷನ್ ಸಮಯದಲ್ಲಿ ಅದೇ ಕೂದಲನ್ನು ಕತ್ತರಿಸಿದ್ದಾಳೆ. ರಿಸೆಪ್ಷನ್‌ಗೂ ಮೊದಲು ವರ ಮತ್ತು ಕುಟುಂಬಸ್ಥರೆಲ್ಲರನ್ನು ತನ್ನ ಕೋಣೆಗೆ ಕರೆದೊಯ್ದ ಆಕೆ ಎಲ್ಲರೆದುರು ಘೋಷಣೆಯೊಂದನ್ನು ಮಾಡಿದ್ದಾಳೆ. “ನನ್ನ ಈ ಉದ್ದ ಕೂದಲನ್ನು ಕ್ಯಾನ್ಸರ್‌ ಪೀಡಿತರಿಗಾಗಿ ದಾನ ಮಾಡಲಿದ್ದೇನೆ. ಈಗಲೇ ನನ್ನ ಕೂದಲು ಕತ್ತರಿಸಿ ದಾನ ಮಾಡುತ್ತಿದ್ದೇನೆ” ಎಂದು ಹೇಳಿ ಕೂದಲನ್ನು ಕತ್ತರಿಸಿದ್ದಾರೆ.
ವಧುವಿನ ಈ ಒಳ್ಳೆಯ ನಿರ್ಧಾರ ಕೇಳಿದಾಕ್ಷಣ ಆಕೆಯ ಪಕ್ಕದಲ್ಲೇ ಇದ್ದ ವಧು, ಆಕೆಗೆ ಚುಂಬಿಸಿದ್ದಾರೆ. ಅಲ್ಲಿದ್ದ ಕುಟುಂಬಸ್ಥರ ಕಣ್ಣಿನಲ್ಲೂ ನೀರು ಹರಿದಿದೆ. ಈ ವಿಡಿಯೋವನ್ನು ಮಿಚಿಗನ್‌ ದೇಶದ ವೆಡ್ಡಿಂಗ್‌ ಫೋಟೋಗ್ರಾಫರ್‌ ಆಗಿರುವ ಬ್ರಿಯನ್ನ ತಮ್ಮ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಹಂಚಿಕೊಂಡಿದ್ದಾರೆ. ಡಿ.೯ರಂದು ಹಂಚಿಕೊಳ್ಳಲಾಗಿರುವ ಈ ವಿಡಿಯೊವನ್ನು ಈಗಾಗಲೇ ೩೪ ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಕ್ಯಾನ್ಸರ್‌ ಪೀಡಿತರು ಸೇರಿ ನೆಟ್ಟಿಗರೆಲ್ಲರು ಈ ವಧುವಿನ ನಿರ್ಧಾರಕ್ಕೆ ಮೆಚ್ಚಿ ಲೈಕ್‌ ಹಾಗೂ ಕಾಮೆಂಟ್‌ ಮಾಡಲಾರಂಭಿಸಿದ್ದಾರೆ.