ವಾಷಿಂಗ್ಟನ್: ಶಾಲೆಗೆ ವಿದ್ಯಾರ್ಥಿಗಳು, ಶಿಕ್ಷಕರು ತೆರಳುತ್ತಾರೆ. ಅದನ್ನು ಬಿಟ್ಟು ಕೆಲವೊಮ್ಮೆ ಪೋಷಕರೂ ಸಹ ಶಾಲೆಗೆ ಹೋಗುವುದುಂಟು. ಆದರೆ ಅಮೆರಿಕದ ಈ ಶಾಲೆಗೆ ಅವರೆಲ್ಲರನ್ನು ಬಿಟ್ಟು ಅತ್ಯಂತ ವಿಶೇಷವಾದ ಒಬ್ಬರು ಶಾಲೆಗೆ ಬಂದಿದ್ದಾರೆ. ಅವರು ಶಾಲೆಯಲ್ಲಿ ಮಾಡಿದ ತುಂಟಾಟದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ (Viral Video) ಆಗಿದೆ.
ಇದನ್ನೂ ಓದಿ : Viral News : 161 ಕಿ.ಮೀ ಟ್ಯಾಕ್ಸಿಯಲ್ಲಿ ಸುತ್ತಾಡಿ ಮತ್ತೆ ವಾಪಸ್ ಮಾಲೀಕರ ಬಳಿಗೇ ಬಂದ ಜಾಣ ನಾಯಿ
ಎವರ್‌ಗ್ರೀನ್ ಎಲಿಮೆಂಟರಿ ಶಾಲೆಗೆ ಇತ್ತೀಚೆಗೆ ಜಿಂಕೆಯೊಂದು ಬಂದಿದೆ. ಮಕ್ಕಳೆಲ್ಲ ಮನೆಗೆ ಹೋಗಿದ್ದ ಸಮಯದಲ್ಲಿ ಜಿಂಕೆ ಕಿಟಕಿಯಿಂದ ಹಾರಿ ಶಾಲೆಯೊಳಗೆ ಬಂದಿದೆ. ಶಾಲೆಯನ್ನೆಲ್ಲ ಸುತ್ತಾಡಿ ನಂತರ ಮರಳಿದೆ. ಈ ಜಿಂಕೆಯು ಕಿಟಕಿಯಿಂದ ಹಾರಿ ಬಂದಿದ್ದು, ಹಾಗೆಯೇ ಶಾಲೆಯ ಟೈಲ್ಸ್ ನೆಲದ ಮೇಲೆ ಓಡಾಡಲಾಗದೆ ಒದ್ದಾಡಿರುವ ದೃಶ್ಯಗಳೆಲ್ಲವೂ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಮಾರನೇ ದಿನ ಬೆಳಗ್ಗೆ ಅದನ್ನು ಕಂಡಿರುವ ಶಿಕ್ಷಕರು ವಿಡಿಯೊವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೊ ಎಲ್ಲೆಡೆ ಹರಿದಾಡಿದ್ದು, ವೈರಲ್ ಆಗಿದೆ.
ಈ ರೀತಿಯ ಜಿಂಕೆಗಳ ವಿಡಿಯೊ ವೈರಲ್ ಆಗುತ್ತಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಐಎಫ್ಎಸ್ ಅಧಿಕಾರಿ ಸುಶಾಂತ್ ನಂದ ಅವರು ಜಿಂಕೆಯ ವಿಶೇಷ ವಿಡಿಯೊವೊಂದನ್ನು ಹಂಚಿಕೊಂಡಿದ್ದರು. ಅದರಲ್ಲಿ ಬೇಟೆಗಾರರೊಬ್ಬರು ಬಂದೂಕು ಹಿಡಿದುಕೊಂಡು ದೂರದಲ್ಲಿದ್ದ ಜಿಂಕೆಗೆ ಗುರಿ ಮಾಡುತ್ತಿರುತ್ತಾರೆ. ಅದನ್ನು ಕಂಡೊಡನೆ ಜಿಂಕೆ ಭೇಟೆಗಾರನತ್ತ ಓಡಿಬರುತ್ತದೆ. ಬೇಟೆಗಾರ ತಾನು ಬೇಟೆಯಾಡಬೇಕೆಂದುಕೊಂಡಿದ್ದ ಜಿಂಕೆಯ ತಲೆ ಸವರುವ ವಿಡಿಯೊ ಅದಾಗಿತ್ತು. ಅದೂ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿತ್ತು.