ಬೆಂಗಳೂರು: ಸಾಮಾಜಿಕ ಜಾಲತಾಣಗಳಲ್ಲಿ ಎಂತೆಂಥಾ ವಿಡಿಯೊಗಳು ವೈರಲ್‌ ಆಗುತ್ತಿರುತ್ತವೆ. ಅದೇ ರೀತಿ ಇತ್ತೀಚೆಗೆ ಮಹಿಳೆಯೊಬ್ಬಳು ಬಸ್ಸಿನ ಚಾಲಕನ ಸೀಟಿನಲ್ಲಿ ಕುಳಿತು, ಚಾಲಕನೊಂದಿಗೇ ಜಗಳವಾಡುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಇದನ್ನೂ ಓದಿ: Viral Video: ಚಲಿಸುತ್ತಿದ್ದ ಕಾರಿನಲ್ಲಿ ಕುಳಿತು ರಸ್ತೆಗೆ ಹಣ ಎಸೆದ ಯುವಕ; ವೆಬ್ ಸಿರೀಸ್ ದೃಶ್ಯ ಮರು ಸೃಷ್ಟಿಸಿದವ ಅರೆಸ್ಟ್
ಮಹಿಳೆಯೊಬ್ಬಳು ಬಸ್ಸಿನ ಚಾಲಕನ ಸೀಟಿನಲ್ಲಿ ಕುಳಿತಿದ್ದಾಳೆ. ಬಸ್ಸಿನ ಬಳಿ ಬಂದ ಚಾಲಕ, ಆಕೆಗೆ ಆ ಸೀಟಿನಿಂದ ಇಳಿಯಲು ಹೇಳಿದರೂ ಆಕೆ ಒಪ್ಪದೆ ಚಾಲಕನೊಂದಿಗೆ ಜಗಳಕ್ಕೆ ನಿಲ್ಲುತ್ತಾಳೆ. ಅದೇ ಸೀಟಿನ ಹಿಂದಿನ ಸೀಟಿನಲ್ಲಿ ಕುಳಿತಿದ್ದ ಆ ಮಹಿಳೆಯ ಅತ್ತೆಯೂ ಕೂಡ ಜಗಳದಲ್ಲಿ ಭಾಗಿಯಾಗುತ್ತಾಳೆ. ತನಗೆ ಆ ಸೀಟು ಏಕೆ ಬೇಕೆಂದು ಚಾಲಕ ಹೇಳಲು ಯತ್ನಿಸಿದರೂ ಕೇಳದ ಮಹಿಳೆ ಚಾಲಕನಿಗೆ ಬೇರೆ ಸೀಟಲ್ಲಿ ಕೂರುವುದಕ್ಕೆ ಹೇಳುತ್ತಾಳೆ. ಸಾಕಷ್ಟು ಸಮಯ ಜಗಳ ಆಡಿದ ನಂತರ ಮಹಿಳೆ ಮಣಿದು, ಚಾಲಕನ ಸೀಟಿನಿಂದ ಕೆಳಗಿಳಿಯುತ್ತಾಳೆ.
ಈ ದೃಶ್ಯವಿರುವ ವಿಡಿಯೊವನ್ನು ಟ್ವಿಟರ್‌ ಬಳಕೆದಾರರೊಬ್ಬರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೊಗೆ ನೆಟ್ಟಿಗರು ಹಲವಾರು ರೀತಿಯ ಕಾಮೆಂಟ್‌ಗಳನ್ನು ಮಾಡಲಾರಂಭಿಸಿದ್ದಾರೆ. ಇದು ಸಾಮಾಜಿಕ ಜಾಲತಾಣಗಳಲ್ಲಿ ಪಬ್ಲಿಸಿಟಿ ಗಿಟ್ಟಿಸಿಕೊಳ್ಳುವುದಕ್ಕೆಂದು ಮಾಡಿರುವ ವಿಡಿಯೊ ಎಂದು ಜನರು ಹೇಳಲಾರಂಭಿಸಿದ್ದಾರೆ.