ಬೆಂಗಳೂರು: ಮದುವೆ ಕಾರ್ಯಕ್ರಮ ಎಂದ ಮೇಲೆ ಅಲ್ಲಿ ನಗು, ಸಂತೋಷ ಇರಲೇಬೇಕು. ಹೊಸ ಬಾಳಿಗೆ ಕಾಲಿಡಲು ಸಿದ್ಧರಾದ ವಧು ವರರ ಹಾಸ್ಯಮಯ ವಿಡಿಯೊಗಳು ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಲೇ ಇರುತ್ತವೆ. ಅದೇ ರೀತಿ ಇದೀಗ ಮತ್ತೊಂದು ವಿಡಿಯೊ ವೈರಲ್‌ (Viral Video) ಆಗಿದೆ. ವಧುವಿಗೆ ಮಾಲೆ ಹಾಕಿದ ವರ ಹೆದರಿ ಹೌಹಾರಿದ ವಿಡಿಯೊ ಎಲ್ಲರಲ್ಲೂ ನಗು ತರಿಸಲಾರಂಭಿಸಿದೆ.
ಇದನ್ನೂ ಓದಿ: Viral Video: ವಿಶ್ವದಲ್ಲೇ ಉದ್ದದ ನಾಲಗೆ ಈತನದ್ದು; ಗಿನ್ನಿಸ್‌ ದಾಖಲೆಗೆ ಭಾಜನ
ಅದು ಉತ್ತರ ಭಾರತದಲ್ಲಿ ನಡೆದ ಮದುವೆ. ವಧು ಮೊದಲಿಗೆ ವರನಿಗೆ ಮಾಲೆ ಹಾಕುತ್ತಾಳೆ. ಅದಾದ ತಕ್ಷಣ ವರ ಕೂಡ ವಧುವಿಗೆ ಮಾಲೆ ಹಾಕುತ್ತಾನೆ. ಅದೇ ಹೊತ್ತಿಗೆ ವರನ ಹಿಂದಿನಿಂದ ಜೋರಾದ ಪಟಾಕಿ ಸದ್ದು ಕೇಳಿಸುತ್ತದೆ. ಇದ್ದಕ್ಕಿದ್ದಂತೆ ವರ ಹೆದರಿ ಅಕ್ಕ ಪಕ್ಕ ನೋಡಲಾರಂಭಿಸುತ್ತಾನೆ. ಯಾರೋ ಬಂದೂಕು ತಂದು ಗುಂಡನ್ನೇ ಹಾರಿಸಿದರು ಎನ್ನುವಷ್ಟು ಭಯವನ್ನು ವರನ ಮುಖದಲ್ಲಿ ಕಾಣಬಹುದಾಗಿದೆ. ಈ ದೃಶ್ಯ ಕಂಡು ಅಲ್ಲಿ ಪಟಾಕಿ ಹಚ್ಚಿದ ಸ್ನೇಹಿತರು ಹಾಗೂ ಮದುವೆಗೆ ಬಂದಿದ್ದ ಬಂಧು ಬಳಗದವರೆಲ್ಲರೂ ಜೋರಾಗಿ ನಗಲಾರಂಭಿಸುತ್ತಾರೆ.
ಈ ವಿಡಿಯೊವನ್ನು ನಾಟಿ ಫ್ಯಾಮಿಲಿ ಹೆಸರಿನ ಇನ್‌ಸ್ಟಾಗ್ರಾಂ ಹೆಸರಿನಲ್ಲಿ ಹಂಚಿಕೊಳ್ಳಲಾಗಿದೆ. ಫೆಬ್ರವರಿ 18ರಂದು ಹಂಚಿಕೊಳ್ಳಲಾದ ವಿಡಿಯೊವನ್ನು ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ. ಹಾಗೆಯೇ 4.95 ಲಕ್ಷಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದಾರೆ. ಸಾವಿರಾರು ಮಂದಿ ವಿಡಿಯೊಗೆ ಕಾಮೆಂಟ್‌ಗಳನ್ನೂ ಮಾಡಿದ್ದಾರೆ. “ಈ ರೀತಿಯ ತಮಾಷೆಗಳು ಇದ್ದರೆ ಮಾತ್ರವೇ ಮದುವೆ ಕಾರ್ಯಕ್ರಮ ವರ್ಣಮಯವಾಗುವುದು”, “ವರನ ಮುಖ ನೋಡಿ ನಕ್ಕು ನಕ್ಕು ಸಾಕಾಯಿತು” ಎನ್ನುವಂತಹ ಹಲವಾರು ಕಾಮೆಂಟ್‌ಗಳನ್ನು ಮಾಡಿದ್ದಾರೆ.
ಇದನ್ನೂ ಓದಿ: Viral Video : ಮೊಸಳೆಯನ್ನೇ ಅಪ್ಪಿಕೊಳ್ಳಲು ಹೋದ ಅಜ್ಜ, ಮುಂದೇನಾಯ್ತು ನೋಡಿ
ಇನ್ನೂ ಹಲವರು “ಈ ರೀತಿ ತಮಾಷೆ ಮಾಡುವ ಅನೇಕ ಸ್ನೇಹಿತರಿರುತ್ತಾರೆ” ಎಂದು ಕಾಮೆಂಟ್‌ ಮಾಡಿದ್ದಾರೆ. ಹಾಗೆಯೇ ಅನೇಕರು ತಮ್ಮ ಮದುವೆಗಳಲ್ಲಿ ನಡೆದ ಹಾಸ್ಯಮಯ ಘಟನೆಗಳನ್ನೂ ಕಾಮೆಂಟ್‌ ಮೂಲಕ ಹೇಳಿಕೊಂಡಿದ್ದಾರೆ.