ಬೆಂಗಳೂರು: ಪುಟ್ಟ ಮಕ್ಕಳು ನಡೆದಾಡುವುದನ್ನು ಕಲಿಯುವ ಹಲವಾರು ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ (Viral Video) ಆಗುತ್ತಿರುತ್ತದೆ. ಆದರೆ ಈ ವಿಡಿಯೊ ಎಲ್ಲಕ್ಕಿಂತ ವಿಶೇಷ. ಏಕೆಂದರೆ ಇಲ್ಲಿ ಮಗು ನಡೆಯೋದನ್ನು ಕಲಿಯುವುದು ಬಿಟ್ಟು ಮಾಡಿರುವ ಕೆಲಸವೇ ನಿಮಗೆ ನಗು ತರಿಸುತ್ತದೆ.
ಇದನ್ನೂ ಓದಿ: Viral News: ಬಹಳ ವಿಶೇಷವಾಗಿತ್ತು ಕರೀನಾ ಮಗನ ಬರ್ತ್ ಡೇ ಕೇಕ್; ಇಲ್ಲಿದೆ ನೋಡಿ ವಿಶೇಷ ಫೋಟೋ
ಮಹಿಳೆಯೊಬ್ಬರು ಮಗುವನ್ನು ಹಿಡಿದು ಕುಳಿತಿದ್ದಾರೆ. ನಡೆದಾಡುವುದಕ್ಕೆ ಕಲಿಯಲಿ ಎಂದು ಕೈ ಬಿಟ್ಟು ಮುಂದೆ ಕಳಿಸುತ್ತಾರೆ. ಒಂದೆರೆಡು ಹೆಜ್ಜೆ ಇಡುವ ಮಗು ಅಲ್ಲಿಯೇ ನಿಂತು ನೃತ್ಯ ಮಾಡುವುದಕ್ಕೆ ಆರಂಭಿಸಿಬಿಡುತ್ತದೆ. ಅದನ್ನು ಕಂಡು ಆ ಮಹಿಳೆ ಜೋರಾಗಿ ನಗಲಾರಂಭಿಸುತ್ತದೆ. ಇದು ವೈರಲ್ ವಿಡಿಯೊದಲ್ಲಿರುವ ದೃಶ್ಯ.
ಈ ವಿಡಿಯೊವನ್ನು ಆ ಮಗುವಿನ ತಾಯಿಯಾದ ಅಮಂಡಾ ರಸ್ಸೆಲ್ ಅವರು ಕಳೆದ ವರ್ಷವೇ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ಆದರೆ ಇದೀಗ ಅದೇ ವಿಡಿಯೊವನ್ನು ಪತ್ರಕರ್ತೆ ಮೇರಿಯಾ ಶ್ರೈವರ್ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದ ತುಂಬೆಲ್ಲ ಹರಿದಾಡಿದ್ದು ವೈರಲ್ ಆಗಿದೆ. ಲಕ್ಷಾಂತರ ಮಂದಿ ವಿಡಿಯೊ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಲಾರಂಭಿಸಿದ್ದಾರೆ.
ಇದನ್ನೂ ಓದಿ: Viral Video: ಇಂಗ್ಲಿಷ್‌ನಲ್ಲಿ ಮಾತನಾಡಿದ ರೈತನನ್ನು ತರಾಟೆಗೆ ತೆಗೆದುಕೊಂಡ ಬಿಹಾರ ಸಿಎಂ ನಿತೀಶ್ ಕುಮಾರ್