ಶ್ರೀನಗರ: ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ಹಾಡುಗಳು ಟ್ರೆಂಡ್‌ ಆಗುತ್ತಿರುತ್ತವೆ. ಅದೇ ರೀತಿ ಇತ್ತೀಚೆಗೆ ಟ್ರೆಂಡ್‌ ಆದ ಗೀತೆಯೆಂದರೆ ಅದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾದ ಸಿನಿಮಾ ʼಕಲಾʼದ ಹಾಡು ʼಘೋಡೆ ಪೆ ಸವಾರ್ʼ. ಈ ಹಾಡಿಗೆ ಹಲವರು ನೃತ್ಯ ಮಾಡಿ, ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೊ ಹರಿಬಿಟ್ಟಿದ್ದಾರೆ. ಆದರೆ ಈ ವಿಡಿಯೊ ಎಲ್ಲದಕ್ಕಿಂತಲೂ (Viral Video) ವಿಶೇಷ.
ಇದನ್ನೂ ಓದಿ: Viral news | ದಿನವೂ ಸಮುದ್ರತೀರದಲ್ಲಿ ಸ್ಪೂರ್ತಿದಾಯಕ ವಾಕ್ಯ ಬರೆಯಲು ಕೆಲಸ ಬಿಟ್ಟಳು!
ಪ್ರಸಿದ್ಧ ಪ್ರವಾಸಿ ತಾಣವಾದ ಲಡಾಖ್‌ನ ಪುಂಟ್ಸೊಕ್ ವಾಂಗ್ಮೊ ಮತ್ತು ಪದ್ಮ ಲಾಮೊ ಹೆಸರಿನ ಯುವತಿಯರು ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಲಡಾಖ್‌ನ ಸಾಂಪ್ರದಾಯಿಕ ಉಡುಗೆ ತೊಟ್ಟ ಜೋಡಿಯು ಹಿಮಾವೃತ ಪರ್ವತದ ಮುಂದಿರುವ ರಸ್ತೆಯ ಮೇಲೆ ನಿಂತು ನೃತ್ಯ ಮಾಡಿದೆ. ಅದನ್ನು ಸುಂದರವಾಗಿ ಚಿತ್ರೀಕರಿಸಿ, ಎಡಿಟಿಂಗ್‌ ಮಾಡಲಾಗಿದೆ. ಈ ವಿಡಿಯೊವನ್ನು ಜಿಗ್ಮತ್‌ ಲಡಕಿ ಹೆಸರಿನ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.
ಭಾನುವಾರ ಈ ವಿಡಿಯೊವನ್ನು ಟ್ವಿಟರ್‌ನಲ್ಲಿ ಹಾಕಲಾಗಿದ್ದು, ಒಂದೇ ದಿನದಲ್ಲಿ ಸಾವಿರಾರು ಮಂದಿ ವಿಡಿಯೊ ವೀಕ್ಷಿಸಿದ್ದಾರೆ. ಈ ಜೋಡಿಯ ನೃತ್ಯಕ್ಕೆ ಎಲ್ಲರೂ ಸೈ ಎನ್ನಲಾರಂಭಿಸಿದ್ದಾರೆ. ಸಾವಿರಾರು ಮಂದಿ ವಿಡಿಯೊಗೆ ಲೈಕ್‌ ಒತ್ತಿದ್ದು, ಶೇರ್‌ ಮಾಡಿಕೊಳ್ಳಲಾರಂಭಿಸಿದ್ದಾರೆ. “ಈ ಹಾಡಿಗೂ, ಆ ಜಾಗಕ್ಕೂ ಮತ್ತು ಅವರಿಬ್ದರ ಮುಗ್ಧ ನೃತ್ಯಕ್ಕೂ ಎಲ್ಲಿಲ್ಲದ ಜೋಡಿಯಾಗಿದೆ. ನಿಜವಾಗಿಯೂ ಸುಂದರ ಅನುಭವ ತಂದುಕೊಡುತ್ತಿದೆ” ಎಂದು ಹಲವರು ಹೇಳಿದರೆ, “ಈ ವಿಡಿಯೊ ನೋಡಿದ ಮೇಲೆ ಲಡಾಖ್‌ಗೆ ಹೋಗುವ ಆಸೆ ಇನ್ನಷ್ಟು ಹೆಚ್ಚಿದೆ” ಎಂದು ಕೆಲವರು ಕಾಮೆಂಟ್‌ಗಳ ಮೂಲಕ ತಿಳಿಸಲಾರಂಭಿಸಿದ್ದಾರೆ.
ಇದನ್ನೂ ಓದಿ: Viral News | ಬ್ರಿಟಿಷ್ ಕೌನ್ಸಿಲ್ ಜಾಬ್ ಬಿಟ್ಟು ಟೀ ಸ್ಟಾಲ್ ತೆರೆದ ಇಂಗ್ಲಿಷ್ ಎಂಎ ಪದವೀಧರೆ!