ನವದೆಹಲಿ: ಕೆಲವರಿಗೆ ಇದ್ದಕ್ಕಿದ್ದಂತೆ ಫೇಮಸ್‌ ಆದೆವು ಅಂದರೆ ಅವರ ಆಟಿಟ್ಯೂಡ್‌ ಬೇರೆಯದ್ದೇ ರೀತಿ ಆಗಿರುತ್ತದೆ. ಜನ ತಮ್ಮನ್ನು ಗುರುತಿಸುತ್ತಾರೆ.. ಸೋಶಿಯಲ್ ಮೀಡಿಯಾ(Social Media) ಗಳಲ್ಲಿ ಸ್ವಲ್ಪ ಮಟ್ಟಿಗೆ ತಮ್ಮ ಬಗ್ಗೆ ಚರ್ಚೆ ಆಗ್ತಿದೆ ಅಂದ್ರೆ ಸಾಕು ಎಲ್ಲಿಲ್ಲದ ಅಹಂ ಬಂದು ಬಿಡುತ್ತದೆ. ಅಂತಹದ್ದೇ ಒಂದು ಘಟನೆ(Viral Video) ದೆಹಲಿಯಲ್ಲಿ ನಡೆದಿದೆ. ಇನ್‌ಸ್ಟಾ ಗ್ರಾಂ, ಯೂಟ್ಯೂಬ್‌ನಲ್ಲಿ ಚಿರಪರಿಚಿತಳಾಗಿದ್ದ ವಡಾಪಾವ್‌(Vada pav) ಮಾರಾಟಗಾರ್ತಿಯೊಬ್ಬಳು ಸಾರ್ವಜನಿಕರೊಂದಿಗೆ ಕಿರಿಕ್‌ ಮಾಡಿಕೊಂಡು ಸುದ್ದಿಯಲ್ಲಿದ್ದಾಳೆ.
ಸೋಶಿಯಲ್ ಮೀಡಿಯಾದಲ್ಲಿ ವಡಾ ಪಾವ್‌ ಗರ್ಲ್‌ ಎಂದೇ ಫೇಮಸ್‌ ಆಗಿರುವ ಚಂದ್ರಿಕಾ ದೀಕ್ಷಿತ್‌ ಎಂಬಾಕೆ ಕೆಲವು ತಿಂಗಳಿಂದ ಮಂಗಲ್‌ಪುರಿ ಪ್ರದೇಶದಲ್ಲಿ ವಡಾಪಾವ್‌ ಅಂಗಡಿ ಇಟ್ಟುಕೊಂಡು ಮಾರುತ್ತಿದ್ದಳು. ತಕ್ಕ ಮಟ್ಟಿಗೆ ಫೇಮಸ್‌ ಆಗಿದ್ದ ಆಕೆ ವಡಾಪಾವ್‌ ಅಂಗಡಿ ಬಗ್ಗೆ ಅನೇಕ ಫುಡ್‌ ವ್ಲಾಗರ್‌ಗಳು ರಿವ್ಯೂ ಮಾಡಿ ವಿಡಿಯೋವನ್ನೂ ಮಾಡುತ್ತಿದ್ದರು. ಹೀಗಾಗಿಯೇ ಆಕೆ ಫುಲ್‌ ಫೇಮಸ್‌ ಆಗಿದ್ದಳು. ಆಕೆಯ ವಿಡಿಯೋ ನೋಡಿ ಅನೇಕರು ಅಲ್ಲಿ ಬಂದು ವಡಾಪಾವ್‌ ಸವಿದು ಹೋಗುತ್ತಿದ್ದರು. ಆದರೆ ಇಷ್ಟು ದಿನ ತನ್ನ ರುಚಿ ರುಚಿಯ ವಡಾಪಾವ್‌ ಮೂಲಕ ಸುದ್ದಿಯಲ್ಲಿದ್ದ ವಡಾಪಾವ್‌ ಗರ್ಲ್‌ ಇದೀಗ ಕಿರಿಕ್‌ ಮೂಲಕ ಸದ್ದು ಮಾಡಿದ್ದಾಳೆ. ಅಲ್ಲದೇ ತನ್ನ ವರ್ತನೆಯಿಂದ ಸಂಕಷ್ಟವನ್ನೂ ಎದುರಿಸುತ್ತಿದ್ದಾಳೆ.
Mere piche mat aa ,mere piche mat aa 😡 (Vadapav-Didi announced as Most Kaleshi Person of this Month) pic.twitter.com/YRB7TD1f96
— Ghar Ke Kalesh (@gharkekalesh) April 27, 2024
ಏ.27ರಂದು ಚಂದ್ರಿಕಾ ಮತ್ತು ಸಾರ್ವಜನಿಕ ನಡುವೆ ಭಾರೀ ಜಗಳವಾಗಿತ್ತು. ರಸ್ತೆ ಬದಿಯಲ್ಲಿರುವ ಆಕೆಯ ಅಂಗಡಿಯಿಂದಾಗಿ ಸ್ಥಳೀಯರು ಬಹಳ ಟ್ರಾಫಿಕ್‌ ಜಾಮ್‌ ಸಮಸ್ಯೆ ಅನುಭವಿಸುತ್ತಿದ್ದರು ಇದರಿಂದ ಕೋಪಗೊಂಡ ಸ್ಥಳೀಯರೊಬ್ಬರು ಇದನ್ನು ಪ್ರಶ್ನಿಸಿದಾಗ ಆಕೆ ಅವರೊಂದಿಗೆ ಜಗಳ ಶುರು ಮಾಡಿದ್ದಾಳೆ. ಈ ಜಗಳದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್‌ ವೈರಲ್‌ ಆಗಿತ್ತು. ಆಕೆಯ ವರ್ತನೆಗೆ ಹಲವರಿಂದ ಖಂಡನೆ ವ್ಯಕ್ತವಾಗಿತ್ತು. ಬಳಿ ಸ್ಥಳೀಯರು ಚಂದ್ರಿಕಾ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.
ಇದನ್ನೂ ಓದಿ: Viral Video: ರೆಸ್ಟೋರೆಂಟ್‌ನಲ್ಲಿ ಪತ್ನಿಯನ್ನು ಹೊಡೆದು ಕೊಂದ ಮಾಜಿ ಸಚಿವ; ಶಾಕಿಂಗ್‌ ವಿಡಿಯೋ ಎಲ್ಲೆಡೆ ವೈರಲ್‌
ಪೊಲೀಸರ ಜೊತೆಗೂ ಉದ್ದಟತನ
ಸಾರ್ವಜನಿಕರ ದೂರಿನ ಮೇರೆಗೆ ಸ್ಥಳಕ್ಕೆ ಧಾವಿಸಿದ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾಗ ಚಂದ್ರಿಕಾ ಅವರ ಜೊತೆಗೂ ಉದ್ದಟತನ ಪ್ರದರ್ಶಿಸಿದ್ದಾಳೆ. ಪೊಲೀಸರ ಮಾಹಿತಿ ಪ್ರಕಾರ ಚಂದ್ರಿಕಾ ಈ ಅಂಗಡಿಯನ್ನು ಅನಧಿಕೃತವಾಗಿ ನಡೆಸುತ್ತಿದ್ದಳು. ಯಾವುದೇ ಅನುಮತಿಯನ್ನು ಆಕೆ ಪಡೆದಿಲ್ಲ. ಆನ್‌ಲೈನ್‌ ಗ್ರಾಹಕರು ಈ ಈಕೆಯ ಅಂಗಡಿಯನು ಹುಡುಕಿ ಬಂದು ವಡಾಪಾವ್‌ ಸವಿಯುತ್ತಾರೆ. ಹೀಗಾಗಿ ಸದಾ ಈ ಪ್ರದೇಶದಲ್ಲಿ ಜನ ತುಂಬಿ ತುಳುಕುತ್ತಿರುತ್ತದೆ. ಇದರಿಂದ ಸ್ಥಳೀಯರು ತೀವ್ರ ಟ್ರಾಫಿಕ್‌ ಸಮಸ್ಯೆ ಎದುರಿಸುತ್ತಿದ್ದಾರೆ. ವಿಚಾರಣೆಗೆ ಬಂದ ಪೊಲೀಸರ ಜೊತೆಗೂ ಆಕೆ ಅನುಚಿತವಾಗಿ ವರ್ತಿಸಿದ್ದಾಳೆ. ಕೊನೆಗೆ ಆಕೆಯ ಅಂಗಡಿಯನ್ನು ಜಪ್ತಿ ಮಾಡಿ ಆಕೆಯನನು ವಶಕ್ಕೆ ಪಡೆಯಲಾಗಿದೆ. ಆದರೆ ಆಕೆ ವಿರುದ್ಧ ಯಾವುದೇ ಪ್ರಕರಣ ದಾಖಲಿಸಿಲ್ಲ. ಇನ್ನು ಈ ವಡಾಪಾವ್‌ ಗರ್ಲ್‌ ಸಾಮಾಜಿಕ ಜಾಲತಾಣದಲ್ಲಿ 3 ಮಿಲಿಯನ್‌ಗೂ ಹೆಚ್ಚು ಫಾಲೋವರ್ಸ್‌ ಹೊಂದಿದ್ದಾಳೆ
Thank you @DelhiPolice
— Amitabh Chaudhary (@MithilaWaala) May 4, 2024
This girl has done enough drama and created enough nuisance in name of selling “Vada Pav” by encroaching road and playing victim card by crying every time on camera
It’s high time @fssaiindia should prove that they exist , and take action against such… pic.twitter.com/33tEQFAKOL