ಬೆಂಗಳೂರು: ನೀವು ವೆಬ್ ಸೀರಿಸ್‌ ಪ್ರಿಯರಾಗಿದ್ದರೆ ನೆಟ್‌ಫ್ಲಿಕ್ಸ್‌ನಲ್ಲಿರುವ ʼವೆಡ್ನಸ್‌ಡೇʼ ಸೀರಿಸ್‌ ಅನ್ನು ನೋಡಿರಬಹುದು. ಹಾರರ್‌ ಥೀಮ್‌ನಲ್ಲಿರುವ ಈ ಸೀರಿಸ್‌ ಅನೇಕರಿಗೆ ಇಷ್ಟವಾಗಿರುವ ಸೀರಿಸ್‌. ಇದರಲ್ಲಿ ವೆಡ್ನಸ್‌ ಡೇ ಹೆಸರಿನ ನಾಯಕಿ ಮಾಡಿರುವ ನೃತ್ಯ ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್‌ ಆಗಿದೆ. ಅನೇಕರು ಈ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಇದೀಗ 8 ವರ್ಷದ ಬಾಲಕಿಯೊಬ್ಬಳು ಈ ಹಾಡಿಗೆ ಹೆಜ್ಜೆ ಹಾಕಿದ್ದು, ಅದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ (Viral Video) ಆಗಿದೆ.
ಇದನ್ನೂ ಓದಿ: Viral News | 12 ವರ್ಷದ ಹಿಂದೆ ಚಿಕಿತ್ಸೆ ನೀಡಿ ಬದುಕಿಸಿದ ವೈದ್ಯನನ್ನು ಗುರುತಿಸಿದ ಆನೆ: ಪ್ರಾಣಿಗಳೇ ಗುಣದಲಿ ಮೇಲು!
ಗೇಬ್ರಿಯಾಲಾ ಕೇಯ್ಲಿ ಹೆಸರಿನ ಬಾಲಕಿ ವೆಡ್ನಸ್‌ಡೇ ಹಾಡಿಗೆ ಹೆಜ್ಜೆ ಹಾಕಿದ್ದಾಳೆ. ಮನೆಯ ಟಿವಿಯಲ್ಲಿ ಅದೇ ಹಾಡನ್ನು ಹಾಕಿಕೊಂಡು, ಅದರ ಮುಂಭಾಗದಲ್ಲೇ ತಾನೂ ಕೂಡ ವೆಬ್ ಸೀರಿಸ್‌ನ ನಾಯಕಿಯಂತೆಯೇ ಹೆಜ್ಜೆ ಹಾಕಿದ್ದಾಳೆ. ನಾಯಕಿಯಂತೆಯೇ ಮುಖಭಾವಗಳನ್ನೂ ಕೊಟ್ಟಿದ್ದಾಳೆ. ಈ ವಿಡಿಯೊವನ್ನು ಗುರುವಾರ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ.
ವಿಡಿಯೊ ಎರಡೇ ದಿನಗಳಲ್ಲಿ ಲಕ್ಷಾಂತರ ವೀಕ್ಷಣೆ ಪಡೆದುಕೊಂಡಿದ್ದು, 25 ಲಕ್ಷಕ್ಕೂ ಅಧಿಕ ಮಂದಿಗೆ ವಿಡಿಯೊವನ್ನು ಲೈಕ್‌ ಮಾಡಿದ್ದಾರೆ. “ಸೀರಿಸ್‌ನ ನಾಯಕಿಯನ್ನು ನೋಡಿದಂತೆಯೇ ಆಗುತ್ತಿದೆ”, “ಈ ಹಾಡಿಗೆ ನೃತ್ಯ ಮಾಡಿರುವವರಲ್ಲಿ ಈ ಬಾಲಕಿಯೇ ಬೆಸ್ಟ್‌”, “ಮುದ್ದಾಗಿರುವ ಬಾಲಕಿ ಅತ್ಯಂತ ಸುಂದರವಾಗಿ ನೃತ್ಯ ಮಾಡಿದ್ದಾಳೆ” ಹೀಗೆ ನಾನಾ ರೀತಿಯ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ.
ಇದನ್ನೂ ಓದಿ: Viral Video | ಯೋಗಿ ಆದಿತ್ಯನಾಥ್‌ಗೆ ಲವ್‌ ಅಟ್‌ ಫಸ್ಟ್‌ ಸೈಟ್‌! ವೈರಲ್‌ ಆಗ್ತಿದೆ ವಿಡಿಯೊ