ಜೋಕಾಲಿ ಆಟ ಯಾರಿಗೆ ಇಷ್ಟವಿಲ್ಲ ಹೇಳಿ. ಇದು ಮಕ್ಕಳಿಗಷ್ಟೇ ಇಷ್ಟವಾಗುವ ಆಟವಲ್ಲ. ಮಹಿಳೆಯರು, ವಯಸ್ಸಾದವರೂ-ಹೀಗೆ ಎಲ್ಲ ವರ್ಗದವರೂ ತುಂಬ ಇಷ್ಟಪಟ್ಟು ಆಡುತ್ತಾರೆ. ಆ ಉಯ್ಯಾಲೆ ಅತ್ತಿಂದತ್ತ ಜೋರಾಗಿ ಓಲಾಡಿದಷ್ಟೂ ಆಡುವವರಿಗೆ ಉತ್ಸಾಹ ಏರುತ್ತದೆ. ಹೀಗೆ ಸಖತ್ ಮಜಾ ಕೊಡುವ ಜೋಕಾಲಿ ಅಷ್ಟೇ ಅಪಾಯವೂ ಕೂಡ. ನಾವು ಆಯತಪ್ಪಿದರೆ, ಹಿಡಿತ ಸಡಿಲವಾದರೆ ಅಥವಾ ಜೋಕಾಲಿ ಹಗ್ಗ ಹರಿದರೆ ಅವಘಡ ಕಟ್ಟಿಟ್ಟ ಬುತ್ತಿ. ಅದಕ್ಕೆ ಈ ದೃಶ್ಯವೇ ಸಾಕ್ಷಿ.
‘ಅದೊಂದು ದೊಡ್ಡದಾದ ಹಸಿರು ಮರ. ಅದಕ್ಕೆ ಜೋಕಾಲಿ ಕಟ್ಟಲಾಗಿದೆ. ಹಲವು ಮಹಿಳೆಯರೆಲ್ಲ ಅಲ್ಲಿ ಸೇರಿದ್ದಾರೆ. ಅದರಲ್ಲೊಬ್ಬ ಹಸಿರು ಚೂಡೀದಾರು ತೊಟ್ಟ ಮಹಿಳೆ ಉಯ್ಯಾಲೆ ಆಡುತ್ತಿದ್ದಾರೆ. ಅವರು ಜೋಕಾಲಿ ಮೇಲೆ ಕುಳಿತಿಲ್ಲ, ಬದಲಾಗಿ ನಿಂತುಕೊಂಡಿದ್ದಾರೆ. ಜೋಕಾಲಿ ಭರ್ಜರಿ ವೇಗದಲ್ಲಿ ಅತ್ತಿಂದಿತ್ತ ಓಲಾಡುತ್ತಿತ್ತು. ಮೂರ್ನಾಲ್ಕು ಬಾರಿ ಆಡಿದ ಅವರು, ಬಳಿಕ ಆಯ ತಪ್ಪಿ, ಜೋಕಾಲಿ ಮೇಲಿಂದ ತಿರುತಿರುಗಿ, ಉಲ್ಟಾ ಆಗಿ ಬಿದ್ದಿದ್ದಾರೆ. ಅದೃಷ್ಟಕ್ಕೆ ಆ ಮರದ ಕಟ್ಟೆಗೆ ಬಡಿದು ಬೀಳಲಿಲ್ಲ. ಆಕೆ ಕೆಳಗೆ ಬೀಳುತ್ತಿದ್ದಂತೆ ವಿಡಿಯೋ ಕಟ್ ಆಗಿದ್ದು, ಮುಂದಿನ ಸ್ಥಿತಿ ಗೊತ್ತಾಗಲಿಲ್ಲ. ಈ ವಿಡಿಯೋ ನೋಡಿದ ಅನೇಕರು ಮಹಿಳೆ ಬಗ್ಗೆ ಮರುಕ ವ್ಯಕ್ತಪಡಿಸಿ ಕಮೆಂಟ್ ಮಾಡಿದ್ದರೆ, ಇನ್ನೂ ಹಲವರು ಮಹಿಳೆಯನ್ನೇ ಛೇಡಿಸಿದ್ದಾರೆ.
ಇದನ್ನೂ ಓದಿ: Viral Video | ಅಮ್ಮನ ಸಮಾಧಿಗೆ ಕಿಂಡಿ ಮಾಡಿ ಹುಡುಕಿದ ಮಗು; ಹೃದಯ ಕಿವುಚುವ ದೃಶ್ಯವಿದು