ಬಿದ್ದಾಗ ಅಥವಾ ಇನ್ಯಾವುದೇ ರೀತಿಯ ಬಲವಾದ ಏಟುಗಳು ಬಿದ್ದಾಗ ಪಕ್ಕೆಲುಬು ಮುರಿತಕ್ಕೆ ಒಳಗಾಗುವ ಸಾಧ್ಯತೆ ಇರುತ್ತದೆ. ಆದರೆ ಚೀನಾದಲ್ಲಿ ಒಬ್ಬರು ಮಹಿಳೆ ಕೆಮ್ಮಿ-ಕೆಮ್ಮಿ ಎದೆ ಭಾಗದ 4 ಪಕ್ಕೆಲುಬು ಮುರಿದುಕೊಂಡಿದ್ದಾರೆ. ಅಂದಹಾಗೇ, ಈ ಪರಿಯ ಕೆಮ್ಮಿಗೆ ಕಾರಣವಾಗಿದ್ದು ಸ್ಪೈಸಿ ತಿಂಡಿ (ಮಸಾಲೆಯುಕ್ತ ಘಾಟಿನ ಆಹಾರ).
ಚೀನಾದ ಹುವಾಂಗ್ (ಇದು ಸರ್ನೇಮ್) ಎಂಬ ಮಹಿಳೆಯೊಬ್ಬಳು ಅತಿಯಾದ ಮಸಾಲೆಯುಕ್ತ ತಿಂದಿದ್ದಳು. ಆ ಘಾಟಿಗೆ ಸಿಕ್ಕಾಪಟೆ ಕೆಮ್ಮು ಬಂದಿತ್ತು. ಆಕೆ ದೊಡ್ಡದಾಗಿ, ಗಟ್ಟಿಯಾಗಿ ಕೆಮ್ಮುವ ವೇಳೆ ಎದೆ ಭಾಗದಲ್ಲಿ ಏನೋ ಮುರಿದ ಶಬ್ದ ಕೇಳಿದೆ. ಆದರೆ ಶಬ್ದವನ್ನು ಹುವಾಂಗ್ ಗಂಭೀರವಾಗಿ ಪರಿಗಣಿಸಿರಿಲಿಲ್ಲ. ಆದರೆ ಬರುಬರುತ್ತ ಆಕೆಗೆ ಮಾತನಾಡುವಾಗ, ಉಸಿರಾಡುವಾಗ ಎದೆನೋವು ಬರಲು ಪ್ರಾರಂಭವಾಯಿತು. ಹೀಗಾಗಿ ವೈದ್ಯರ ಬಳಿ ಹೋದರು.
ಸಂಪೂರ್ಣವಾಗಿ ತಪಾಸಣೆ ಮಾಡಿ, ಸಿಟಿ ಸ್ಕ್ಯಾನ್ ಮಾಡಿದ ಬಳಿಕ ಬಂದ ವರದಿಯಲ್ಲಿ ಅಚ್ಚರಿಯ ವಿಷಯ ಇತ್ತು. ಆಕೆಯ ಪಕ್ಕೆಲುಬುಗಳು ಮುರಿದಿದ್ದವು. ಹುವಾಂಗ್ 57 ಕೆಜಿ ಇದ್ದರೂ, ಆಕೆಯ ಸೊಂಟಕ್ಕಿಂತ ಮೇಲ್ಭಾಗ ತುಂಬ ಸಪೂರ ಇದೆ. ಚರ್ಮದ ಕೆಳಗೆ ಮಾಂಸಖಂಡಗಳು ಇದ್ದು, ಅದರಡಿಯಲ್ಲಿ ಎಲುಬುಗಳು ಸಂರಕ್ಷಿಸಲ್ಪಡಬೇಕು. ಆದರೆ ಹುವಾಂಗ್ ದೇಹದಲ್ಲಿ ಮಾಂಸಖಂಡಗಳು ಬಲವಾಗಿ ಇಲ್ಲದ ಕಾರಣ ನೇರವಾಗಿ ಪಕ್ಕೆಲುಬುಗಳಿಗೆ ಹೊಡೆತ ಬೀಳುತ್ತದೆ. ಗಟ್ಟಿಯಾಗಿ ಕೆಮ್ಮುವಾಗ ಇಡೀ ದೇಹದ ಮೇಲೆ ಬಲಪ್ರಯೋಗ ಆಗುತ್ತದೆ. ಅದೇ ವೇಳೆ ಮುರಿತಕ್ಕೆ ಒಳಗಾಗಿರಬಹುದು ಎಂದು ವೈದ್ಯರು ಹೇಳಿದ್ದಾರೆ.
ಇದನ್ನೂ ಓದಿ: Viral Video| ಹಳೇ ಬಜಾಜ್ ಸ್ಕೂಟರ್ನ್ನು ಹೀಗೂ ಬಳಸಿಕೊಳ್ಳಬಹುದಾ? ಕಟ್ಟಡ ನಿರ್ಮಾಣ ಕಾರ್ಮಿಕರ ಭರ್ಜರಿ ಐಡಿಯಾ ನೋಡಿ!