ನವದೆಹಲಿ: ಕರ್ನಾಟಕ, ತೆಲಂಗಾಣ, ಕೇರಳ, ಛತ್ತೀಸ್ಗಢ, ಮೇಘಾಲಯ, ನಾಗಾಲ್ಯಾಂಡ್ ಮತ್ತು ಸಿಕ್ಕಿಂ ರಾಜ್ಯಗಳ 39 ಲೋಕಸಭಾ ಕ್ಷೇತ್ರಗಳಿಗೆ ಅಖಿಲ ಭಾರತ ಕಾಂಗ್ರೆಸ್ ಸಮಿತಿ ಶುಕ್ರವಾರ ಅಭ್ಯರ್ಥಿಗಳ (Lok Sabha Election) ಮೊದಲ ಪಟ್ಟಿಯನ್ನು ಶುಕ್ರವಾರ ಬಿಡುಗಡೆ ಮಾಡಿದೆ. ಕರ್ನಾಟಕದಲ್ಲಿ ಏಳು ಅಭ್ಯರ್ಥಿಗಳ ಹೆಸರನ್ನು ಅಂತಿಮಗೊಳಿಸಿದ್ದು ಶಿವಮೊಗ್ಗದಲ್ಲಿ ನಟ ಶಿವರಾಜ್ಕುಮಾರ್ ಪತ್ನಿ ಗೀತಾ ಶಿವರಾಜ್ಕುಮಾರ್ ಅವರು ಸ್ಪರ್ಧಿಸಲಿದ್ದಾರೆ. ಇದಲ್ಲದೆ, ತುಮಕೂರು, ಮಂಡ್ಯ, ಹಾಸನ, ಬೆಂಗಳೂರು ಗ್ರಾಮಾಂತರ, ವಿಜಯಪುರ, ಹಾಗೂ ಹಾವೇರಿ ಕ್ಷೇತ್ರಗಳ ಅಭ್ಯರ್ಥಿಗಳ ಹೆಸರನ್ನು ಅಂತಿಮಗೊಳಿಸಲಾಗಿದೆ.
ಪಕ್ಷದ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಎರಡನೇ ಬಾರಿಗೆ ಕೇರಳದ ವಯನಾಡ್ ನಿಂದ ಸ್ಪರ್ಧಿಸಲಿದ್ದು, ಪಕ್ಷದ ಪ್ರಧಾನ ಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್ ಅವರನ್ನು ರಾಜ್ಯದ ಅಲಪ್ಪುಳದಿಂದ ಕಣಕ್ಕಿಳಿಸಲಾಗಿದೆ. ಹಾಲಿ ಸಂಸದ ಶಶಿ ತರೂರ್ ಅವರು ಕೇರಳದ ತಿರುವನಂತಪುರಂನಿಂದ ಸತತ ನಾಲ್ಕನೇ ಬಾರಿಗೆ ಸ್ಪರ್ಧಿಸಲಿದ್ದಾರೆ. ಮಾಜಿ ಕೇಂದ್ರ ಸಚಿವ 2009 ರಿಂದ ತಿರುವನಂತಪುರಂ ಸ್ಥಾನವನ್ನು ಗೆಲ್ಲುತ್ತಿದ್ದಾರೆ.
ಛತ್ತೀಸ್ಗಢದ ಮಾಜಿ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರನ್ನು ರಾಜನಂದಗಾಂವ್ ಕ್ಷೇತ್ರದಿಂದ ಮತ್ತು ಮಾಜಿ ಸಚಿವ ತಮರ್ಧ್ವಜ್ ಸಾಹು ಅವರನ್ನು ಮಹಾಸಮುಂದ್ ನಿಂದ ಮತ್ತು ಜೋತ್ಸ್ನಾ ಮಹಂತ್ ಅವರನ್ನು ಛತ್ತೀಸ್ಗಢದ ಕೊರ್ಬಾದಿಂದ ಕಣಕ್ಕಿಳಿಸಲು ಪಕ್ಷ ನಿರ್ಧರಿಸಿದೆ.
ಕೇರಳ, ಕರ್ನಾಟಕ, ತೆಲಂಗಾಣ, ದೆಹಲಿ ಮತ್ತು ಛತ್ತೀಸ್ ಗಢ ಸೇರಿದಂತೆ 10 ರಾಜ್ಯಗಳ 60 ಅಭ್ಯರ್ಥಿಗಳ ಹೆಸರನ್ನು ಅಂತಿಮಗೊಳಿಸಲು ಕಾಂಗ್ರೆಸ್ ಚುನಾವಣಾ ಸಮಿತಿ ಗುರುವಾರ ಸಭೆ ಸೇರಿತ್ತು.
ಕರ್ನಾಟಕದ ಅಭ್ಯರ್ಥಿಗಳ ಪಟ್ಟಿ ಇಲ್ಲಿದೆ
- ಶಿವಮೊಗ್ಗ- ಗೀತಾ ಶಿವರಾಜ್ ಕುಮಾರ್
- ತುಮಕೂರು- ಎಸ್ಪಿ ಮುದ್ದಹನುಮೇಗೌಡ
- ಮಂಡ್ಯ- ವೆಂಕಟರಾಮೇಗೌಡ (ಸ್ಟಾರ್ ಚಂದ್ರು)
- ಹಾಸನ- ಶ್ರೇಯಸ್ ಪಟೇಲ್
- ಬೆಂಗಳೂರು ಗ್ರಾಮಾಂತರ- ಡಿಕೆ ಸುರೇಶ್
- ವಿಜಯಪುರ- ಎಚ್ಆರ್ ಅಲ್ಗೂರ್
- ಹಾವೇರಿ: ಆನಂದ್ ಸ್ವಾಮಿ ಗಡ್ಡ ದೇವರಮಠ
ಕೇರಳದ ಅಭ್ಯರ್ಥಿಗಳ ಪಟ್ಟಿ ಇಲ್ಲಿದೆ
- ವಯನಾಡ್ : ರಾಹುಲ್ ಗಾಂಧಿ
- ಕಾಸರಗೋಡು : ರಾಜಮೋಹನ್ ಉಣ್ಣಿತ್ತಾನ್
- ಕಣ್ಣೂರು : ಕೆ ಸುಧಾಕರನ್
- ವಡಕರ : ಶಫಿ ಪರಂಬಿಲ್
- ಕೋಝಿಕ್ಕೋಡ್ (: ಎಂಕೆ ರಾಘವನ್
- ಪಾಲಕ್ಕಾಡ್ : ವಿಕೆ ಶ್ರೀಕಂಠನ್
- ಅಲತೂರ್ : ರೆಮ್ಯಾ ಹರಿದಾಸ್
- ತ್ರಿಶೂರ್ : ಕೆ ಮರಳೀಧರನ್
- ಚಾಲಕ್ಕುಡಿ : ಬೆನ್ನಿ ಬಹನ್ನಾನ್
- ಎರ್ನಾಕುಲಂ: ಹಿಬಿ ಇಡೆನ್
- ಇಡುಕ್ಕಿ : ಡೀನ್ ಕುರಿಯಾಕೋಸ್
- ಮಾವೇಲಿಕರ: ಕೋಡಿಕುನ್ನಿಲ್ ಸುರೇಶ್
- ಪಟ್ಟಣಂತಿಟ್ಟ : ಆ್ಯಂಟೋ ಆ್ಯಂಟೋನಿ
- ಅತ್ತಿಂಗಲ್ ಅಡೂರ್ ಪ್ರಕಾಶ್
ಛತ್ತಿಸ್ಗಢದ ಅಭ್ಯರ್ಥಿಗಳ ಪಟ್ಟಿ
- ಜಂಗ್ರಿರ್-ಚಂಪಾ (ಎಸ್ಸಿ): ಶಿವಕುಮಾರ್ ದಹರಿಯಾ
- ಕೊರ್ಬಾ: ಜೋತ್ಸ್ನಾ ಮಹಂತ್
- ರಾಜನಂದಗಾಂವ್: ಭೂಪೇಶ್ ಬಘೇಲ್
- ದುರ್ಗ್: ರಾಜೇಂದ್ರ ಸಾಹು
- ರಾಯ್ಪುರ: ವಿಕಾಸ್ ಉಪಾಧ್ಯಾಯ
- ಮಹಾಸಮುಂದ್: ತಾಮ್ರಧ್ವಜ್ ಸಾಹು
ಲಕ್ಷದ್ವೀಪ
- ಲಕ್ಷದ್ವೀಪ : ಮೊಹಮ್ಮದ್ ಹಮ್ದುಲ್ಲಾ ಸೈಯದ್
ಮೇಘಾಲಯ
- ಶಿಲ್ಲಾಂಗ್ : ವಿನ್ಸೆಂಟ್ ಎಚ್ ಪಾಲಾ
- ತುರಾ: ಸಲೇಂಗ್ ಎ ಸಂಗ್ಮಾ
ನಾಗಾಲ್ಯಾಂಡ್
- ನಾಗಾಲ್ಯಾಂಡ್: ಎಸ್ ಸುಪೊಂಗ್ಮೆರೆನ್ ಜಮೀರ್
ಸಿಕ್ಕಿಂ
- ಸಿಕ್ಕಿಂ: ಗೋಪಾಲ್ ಚೆಟ್ರಿ
ತೆಲಂಗಾಣ
- ಜಹೀರಾಬಾದ್: ಸುರೇಶ್ ಕುಮಾರ್ ಶೆಟ್ಕರ್
- ನಲ್ಗೊಂಡ: ರಘುವೀರ್ ಕುಂದೂರು
- ಮೆಹಬೂಬ್ ನಗರ: ಚಲ್ಲಾ ವಂಶಿ ಚಂದ್ ರೆಡ್ಡಿ
- ಮಹಬೂಬಾಬಾದ್ (ಎಸ್ಟಿ): ಬಲರಾಮ್ ನಾಯಕ್ ಪೋರಿಕಾ
ತ್ರಿಪುರಾ
- ತ್ರಿಪುರಾ ಪಶ್ಚಿಮ: ಆಶಿಶ್ ಕುಮಾರ್ ಸಹಾ
ಇಂಡಿಯಾ ಬಣದೊಳಗಿನ ಸೀಟು ಹಂಚಿಕೆ ಮಾತುಕತೆಯ ನಂತರ ಇತರ ಸ್ಥಾನಗಳಿಗೆ ಅಭ್ಯರ್ಥಿಗಳನ್ನು ಅಂತಿಮಗೊಳಿಸಲಾಗುವುದು ಎಂದು ಪಕ್ಷದ ಮೂಲಗಳು ತಿಳಿಸಿವೆ.
ಇದನ್ನೂ ಓದಿ : Lok Sabha Election 2024: ಕಾಂಗ್ರೆಸ್ ಅಧಿಕೃತ ಪಟ್ಟಿ ಬಿಡುಗಡೆ; ಜಯಪ್ರಕಾಶ್‌ ಹೆಗ್ಡೆ, ಚಂದ್ರಪ್ಪ ಮಿಸ್!
2024 ರ ಲೋಕಸಭಾ ಚುನಾವಣೆಗೆ 16 ರಾಜ್ಯಗಳು ಮತ್ತು ಎರಡು ಕೇಂದ್ರಾಡಳಿತ ಪ್ರದೇಶಗಳ (ಯುಟಿ) 195 ಅಭ್ಯರ್ಥಿಗಳ ಮೊದಲ ಪಟ್ಟಿಯನ್ನು ಬಿಜೆಪಿ ಕಳೆದ ವಾರ ಬಿಡುಗಡೆ ಮಾಡಿತ್ತು. ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಉತ್ತರ ಪ್ರದೇಶದ ವಾರಣಾಸಿಯಿಂದ ಮತ್ತು ಗೃಹ ಸಚಿವ ಅಮಿತ್ ಶಾ ಅವರನ್ನು ಗುಜರಾತ್ ನ ಗಾಂಧಿನಗರದಿಂದ ಕಣಕ್ಕಿಳಿಸಲಾಗಿದೆ. ಬಿಜೆಪಿ ಪಟ್ಟಿಯಲ್ಲಿ 34 ಕೇಂದ್ರ ಸಚಿವರು ಮತ್ತು ಇಬ್ಬರು ಮಾಜಿ ಮುಖ್ಯಮಂತ್ರಿಗಳು ಸೇರಿದ್ದಾರೆ. ಸಭೆಯಲ್ಲಿ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ಪಕ್ಷದ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಮತ್ತು ಪ್ರಧಾನ ಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್ ಉಪಸ್ಥಿತರಿದ್ದರು. ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಜೂಮ್ ಮೂಲಕ ಸಭೆಯಲ್ಲಿ ಭಾಗವಹಿಸಿದ್ದರು.