ಮಿಸ್ಸೌರಿ: ಅಮೆರಿಕದ ವ್ಯಕ್ತಿಯೊಬ್ಬರು ವಿಮೆಯ ದುಡ್ಡಿಗಾಗಿ ತನ್ನ ಕಾಲನ್ನೇ ಕತ್ತರಿಸಿಕೊಂಡ ಪ್ರಸಂಗ (Shocking News) ಬೆಳಕಿಗೆ ಬಂದಿದೆ. ಆತನ ಮೋಸ ಬಯಲಿಗೆ ಬಂದ ಬಳಿಕ ದುಡ್ಡೂ ಸಿಗಲಿಲ್ಲ, ಕೈಕಾಲು ಕೂಡ ಇಲ್ಲ ಎಂಬ ಪರಿಸ್ಥಿತಿ ಎದುರಾಗಿದೆ. ವಿಲ್ಲೋ ಸ್ಪ್ರಿಂಗ್ಸ್ ಎಂಬ 60 ವರ್ಷದ ವ್ಯಕ್ತಿ ಮೋಸ ಮಾಡಲು ಹೋಗಿ ಅಂಗಾಂಗಗಳನ್ನೇ ಕಳೆದುಕೊಂಡಿದ್ದಾನೆ. ಆತ ತನ್ನ ಕಾಲುಗಳನ್ನು ಬೇರೆಯವರಿಂದ ಕತ್ತರಿಸಿಕೊಂಡು ಬಕೆಟ್ ಒಂದರಲ್ಲಿ ಅಡಗಿಸಿಟ್ಟಿದ್ದ ಎಂಬುದು ತನಿಖೆಯಿಂದ ಗೊತ್ತಾಗಿದೆ.
ಟ್ರ್ಯಾಕ್ಟರ್ ಅಪಘಾತದಲ್ಲಿ ತನ್ನ ಎರಡೂ ಕಾಲುಗಳನ್ನು ಕಳೆದುಕೊಂಡಿದ್ದೇನೆ ಎಂದು ವಿಲ್ಲೊ ಸ್ಟ್ರಿಂಗ್ಸ್ ಹೇಳಿದ್ದ. ಹಂದಿ ಅಡ್ಡ ಬಂದ ಕಾರಣ ಅವಘಡ ಸಂಭವಿಸಿದೆ ಎಂದು ಆತ ವಿಮಾ ಕಂಪನಿಯನ್ನು ನಂಬಿಸಲು ಹೋಗಿದ್ದ. ಅಲ್ಲಿನ ಪೊಲೀಸರು ಪ್ರಕರಣದ ತನಿಖೆ ನಡೆಸಿದಾಗ ಆತ ಹೇಳುವ ಕತೆಗೂ, ಸಾಕ್ಷಿಗಳಿಗೂ ಹೊಂದಾಣಿಕೆ ಆಗಿರಲಿಲ್ಲ. ಬಳಿಕ ಪೊಲೀಸರು ಹೆಚ್ಚುವರಿ ತನಿಖೆ ನಡೆಸಿದಾಗ ಮೋಸ ಮಾಡಿದ್ದು ಗೊತ್ತಾಗಿದೆ.
ಈ ಪ್ರಕರಣದ ಬಗ್ಗೆ ಮಾತನಾಡಿದ ತನಿಖಾಧಿಕಾರಿ “ಹಂದಿ ಅಡ್ಡ ಬಂದು ಅವಘಡ ಆಗಿದ್ದರೆ ರಕ್ತ ಸಿಕ್ತ ಅವಘಡ ಆಗುತ್ತಿತ್ತು. ನಾವು ಈ ರೀತಿಯ ಅಪಘಾತಗಳನ್ನು ಈ ಹಿಂದೆ ನೋಡಿದ್ದೇವೆ. ಇದು ಹಾಗಿರಲಿಲ್ಲ. ವ್ಯಕ್ತಿಯ ಕಾಲಿನ ಗಾಯವೂ ಹಂದಿಯಿಂದ ಉಂಟಾದ ಅವಘಡದಂತೆ ಇರಲಿಲ್ಲ. ಹೀಗಾಗಿ ವ್ಯಕ್ತಿಯನ್ನು ಹೆಚ್ಚುವರಿಯಾಗಿ ತನಿಖೆ ಮಾಡಿದೆವು ಎಂದು ಹೇಳಿದ್ದಾರೆ.
ಇದನ್ನೂ ಓದಿ : Couple Death: ಮದುವೆಯಾಗಿ ಮೂರೇ ತಿಂಗಳು; ಹೃದಯಾಘಾತವಾಗಿ ಸತ್ತ ಪತಿಯ ಹಿಂದೆಯೇ ತೆರಳಿದ ಪತ್ನಿ
ತನಿಖೆ ಮುಂದುವರಿದಂತೆ ಆ ವ್ಯಕ್ತಿ ಸುಳ್ಳು ಹೇಳುತ್ತಿದ್ದಾನೆ ಎಂಬುದನ್ನು ಪೊಲೀಸರು ಕಂಡುಕೊಂಡರು. ವಿಮಾ ಹಣದ ಆಸೆಗಾಗಿ ಫ್ಲೋರಿಡಾದ ವ್ಯಕ್ತಿಯೊಬ್ಬರಿಗೆ ಸುಪಾರಿ ಕೊಟ್ಟು ತನ್ನ ಕಾಲನ್ನೇ ಕತ್ತರಿಸಿಕೊಂಡಿದ್ದು ಗೊತ್ತಾಗಿದೆ.
ಮೋಸ ಮಾಡಿದರೂ ಆಗಿಲ್ಲ ಕೇಸು
ಮೋಸ ಮಾಡಲು ಯತ್ನಿಸಿದರೂ ಪೊಲೀಸರು ಈಗ ವ್ಯಕ್ತಿಯ ವಿರುದ್ಧ ಪ್ರಕರಣ ದಾಖಲಿಸಲಿಲ್ಲ ಏಕೆಂದರೆ ಆತ ಇನ್ನೂ ವಿಮಾ ಹಣವನ್ನು ಕ್ಲೈಮ್ ಮಾಡಿಲ್ಲ. ಸುಳ್ಳು ದೂರು ದಾಖಲಿಸಿದ್ದಕ್ಕಾಗಿ ಆತನ ವಿರುದ್ಧ ಸಣ್ಣ ಪ್ರಮಾಣದ ಕ್ರಮ ಕೈಗೊಳ್ಳುವ ಸಾಧ್ಯತೆಗಳು ಇರುತ್ತದೆ. ಆದರೆ ಕಾಲು ಕಳೆದುಕೊಂಡ ಆತನ ಸ್ಥಿತಿ ನೋಡಿ ಸುಮ್ಮನಾಗಿದ್ದಾರೆ.
ರೀಲ್ಸ್‌ ಮಾಡೋ ಗೀಳು; ನಾಯಿಗೆ ಚಿತ್ರಹಿಂಸೆ ನೀಡಿದ ಯುವಕನಿಗೀಗ ಕಾದಿದೆ…
ಲಕ್ನೋ: ಇತ್ತೀಚೆಗೆ ಇನ್‌ಸ್ಟಾಗ್ರಾಮ್‌ ರೀಲ್ಸ್‌ (Instagram reel) ಮಾಡುವ ಪ್ರವೃತ್ತಿ ಹೆಚ್ಚಾಗುತ್ತಿದೆ. ಕೆಲವರು ಜನಪ್ರಿಯತೆ ಗಳಿಸಲು, ಹೆಚ್ಚಿನ ಲೈಕ್ಸ್‌ ಪಡೆಯಲು ಎಂತಹ ಮಟ್ಟಕ್ಕೂ ಇಳಿಯಲು ಹಿಂಜರಿಯುವುದಿಲ್ಲ ಎನ್ನುವುದು ಅನೇಕ ಘಟನೆಗಳ ಮೂಲಕ ಈಗಾಗಲೇ ಸಾಬೀತಾಗಿದೆ. ದುಸ್ಸಾಹಸ ಪ್ರದರ್ಶಿಸುವ ಮೂಲಕ ತಮ್ಮ ಜೀವವನ್ನೇ ಅಪಾಯಕ್ಕೆ ಗುರಿಯಾಗಿಸುವ ಜತೆಗೆ ಇತರರಿಗೂ ತೊಂದರೆ ನೀಡುವ ಚಾಳಿ ಹೆಚ್ಚುತ್ತಿದೆ. ಉತ್ತರ ಪ್ರದೇಶದಲ್ಲಿ ಇಂತಹದ್ದೇ ಘಟನೆಯೊಂದು ನಡೆದಿದೆ. ಗಾಜಿಯಾಬಾದ್‌ನಲ್ಲಿ ಯುವಕನೋರ್ವ ನಾಯಿಯ ಕಾಲನ್ನು ಹಿಡಿದು ಕ್ರೂರವಾಗಿ ತಿರುಗಿಸುವ ಮೂಲಕ ಅಮಾನುಷವಾಗಿ ವರ್ತಿಸಿದ ವಿಡಿಯೊ ವೈರಲ್‌ ಆಗಿದೆ (Viral Video). ಈತನ ವಿರುದ್ಧ ಕ್ರಮಕ್ಕೆ ಇದೀಗ ಪೊಲೀಸರು ಮುಂದಾಗಿದ್ದಾರೆ.
#Ghaziabad रील रिकॉर्ड करने के लिए पशुओं संग क्रूरता ना काबिले बर्दाश्त है। वो भी जीव है ऐसा करने वाले पर कार्यवाई अपेक्षित है। यके घृणित कृत्य भोजपुर के शकूरपुर गांव के जफर द्वारा किया गया है। कार्यवाई अपेक्षित है @Uppolice @PetaIndia @surbhirawatpfa pic.twitter.com/oPEVxqZxB1
— Lokesh Rai (@lokeshRlive) February 26, 2024
ವಿಡಿಯೊದಲ್ಲೇನಿದೆ?
ಶಕುರ್ಪುರ್ ಗ್ರಾಮದಲ್ಲಿ ಈ ವಿಡಿಯೊವನ್ನು ಚಿತ್ರೀಕರಿಸಲಾಗಿದೆ ಎಂದು ತಿಳಿದು ಬಂದಿದೆ. ಝಾಫರ್‌ (Zafar) ಎನ್ನುವ ಯುವಕ ನಾಯಿಯನ್ನು ಬಲವಂತದಿಂದ ಎಳೆದುಕೊಂಡು ಬರುತ್ತಾನೆ. ನಾಯಿ ಗಾಬರಿಯಿಂದ ಬಿಡಿಸಿಕೊಳ್ಳಲು ಪ್ರಯತ್ನಿಸಿದಷ್ಟು ಬಿಗಿಯಾಗಿ ಹಿಡಿದುಕೊಳ್ಳುವ ಆತ ಅದನ್ನು ಅನಾಮತ್ತಾಗಿ ಎತ್ತಿಕೊಳ್ಳುತ್ತಾನೆ. ಬಳಿಕ ಅದರ ಕಾಲುಗಳನ್ನು ಹಿಡಿದುಕೊಂಡು ವೇಗವಾಗಿ ಸುತ್ತುತ್ತಾನೆ. ಇನ್‌ಸ್ಟಾಗ್ರಾಮ್‌ ರೀಲ್ಸ್‌ಗಾಗಿ ಇದನ್ನು ಚಿತ್ರೀಕರಿಸಲಾಗಿದೆ. ಈ ವಿಡಿಯೊವನ್ನು ಪತ್ರಕರ್ತರೊಬ್ಬರು ತಮ್ಮ ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಹಂಚಿಕೊಂಡು ಕ್ರಮಕ್ಕೆ ಆಗ್ರಹಿಸಿದ್ದಾರೆ.
ʼʼರೀಲ್‌ಗಾಗಿ ಪ್ರಾಣಿಯ ಮೇಲೆ ಈ ರೀತಿ ಕ್ರೂರವಾಗಿ ವರ್ತಿಸುವುದನ್ನು ಸಹಿಸಲು ಸಾಧ್ಯವಿಲ್ಲ. ಶ್ವಾನಗಳಿಗೂ ಬದುಕುವ ಹಕ್ಕಿದೆ. ಇಂತಹ ದುರ್ವತನೆ ತೋರಿದ ಯುವಕನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕುʼʼ ಎಂದು ಅವರು ಬರೆದುಕೊಂಡಿದ್ದಾರೆ. ಇದನ್ನು ಉತ್ತರ ಪ್ರದೇಶ ಪೊಲೀಸ್‌ ಗಂಭೀರವಾಗಿ ಪರಿಗಣಿಸಿದೆ. ಪ್ರಕರಣದ ತನಿಖೆ ನಡೆಸುವಂತೆ ಗಾಜಿಯಾಬಾದ್‌ ಪೊಲೀಸರಿಗೆ ಸೂಚಿಸಿದೆ. ʼʼಶೀಘ್ರ ತನಿಖೆ ನಡೆಸಿ, ತಪ್ಪಿತಸ್ಥರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಿʼʼ ಎಂದು ತಿಳಿಸಿದೆ.
ಕೆಲವು ತಿಂಗಳ ಹಿಂದೆ ದೆಹಲಿಯಲ್ಲಿ ಒಂದಷ್ಟು ವಿದ್ಯಾರ್ಥಿಗಳ ಗುಂಪು ಒಂದು ಗರ್ಭಿಣಿ ನಾಯಿಯನ್ನು ರಸ್ತೆಯ ಮೇಲೆಲ್ಲ ಎಳೆದಾಡಿ, ಹಿಂಸೆ ಕೊಟ್ಟು ಅಮಾನುಷವಾಗಿ ಕೊಂದಿರುವ ವಿಡಿಯೊ ವೈರಲ್‌ ಆಗಿತ್ತು. ಆ ಭಯಾನಕ ವಿಡಿಯೊದಲ್ಲಿ ಹುಡುಗನೊಬ್ಬ ಶ್ವಾನದ ಹಿಂಬದಿಯ ಎರಡೂ ಕಾಲು ಹಿಡಿದು ದರದರನೇ ಎಳೆಯುವ ದೃಶ್ಯ ಸೆರೆಯಾಗಿತ್ತು. ಬಳಿಕ ಆ ವಿದ್ಯಾರ್ಥಿಗಳ ಗುಂಪು ಆ ಶ್ವಾನವನ್ನು ಅವರು ಕೊಂದೇ ಬಿಟ್ಟಿದ್ದರು. ಈ ವಿಡಿಯೊ ನೋಡಿ ಅನೇಕರು ಆ ಹುಡುಗರ ವರ್ತನೆಗೆ ಆಕ್ರೋಶ ವ್ಯಕ್ತಪಡಿಸಿದ್ದರು.