ಶೀಲಾ ಸಿ. ಶೆಟ್ಟಿ ಬೆಂಗಳೂರು
ಡೆನಿಮ್‌ ಪ್ಯಾಂಟ್‌ ಸೂಟ್‌ನಲ್ಲೂ ಗ್ಲಾಮರಸ್‌ ಆಗಿ ಕಾಣಿಸಬಹುದು ಎಂಬುದನ್ನು ನಟಿ ಸೋನಾಕ್ಷಿ ಸಿನ್ಹಾ ತೋರಿಸಿಕೊಟ್ಟಿದ್ದಾರೆ. ಅವರು ಧರಿಸಿರುವ ಔಟ್‌ಫಿಟ್‌ ಇದೀಗ ನೆಟ್ಟಿಗರನ್ನು ಮಾತ್ರವಲ್ಲ, ಫ್ಯಾಷನ್‌ ಪ್ರಿಯರನ್ನು ಆಕರ್ಷಿಸಿದೆ. ವಿಂಟರ್‌ ಫ್ಯಾಷನ್‌ನಲ್ಲಿ ಮೊದಲಿನಿಂದಲೇ ಟ್ರೆಂಡಿಯಾಗಿದ್ದ ಪ್ಯಾಂಟ್‌ ಸೂಟ್‌ಗಳು ಇದೀಗ ಡೆನಿಮ್‌ನಲ್ಲೂ ಬಿಡುಗಡೆಗೊಂಡಿವೆ. ಜತೆಗೆ ಕ್ರಾಪ್‌ ಜತೆ ಸೇರಿ ಗ್ಲಾಮರಸ್‌ ಟಚ್‌ ಪಡೆದಕೊಂಡಿವೆ. ಇದಕ್ಕೆ ಪೂರಕ ಎಂಬಂತೆ, ನಟಿ ಸೋನಾಕ್ಷಿ ಸಿನ್ಹಾ ಕೂಡ ಈ ಸೂಟ್‌ ಭಿನ್ನ-ವಿಭಿನ್ನ ಸ್ಟೈಲ್‌ ಸ್ಟೇಟ್‌ಮೆಂಟ್‌ನಲ್ಲಿ ಕಾಣಿಸಿಕೊಂಡಿರುವುದು ವಿಂಟರ್‌ ಫ್ಯಾಷನ್‌ ಪ್ರಿಯರನ್ನು ಸೆಳೆದಿದೆ.
ಪ್ಯಾಂಟ್‌ ಸೂಟ್‌ಗೂ ಗ್ಲಾಮರಸ್‌ ಟಚ್‌ ನೀಡಿದ ಸೋನಾಕ್ಷಿ
ನಟಿ ಸೋನಾಕ್ಷಿ, ಡೆನಿಮ್‌ ಪ್ಯಾಂಟ್‌ಸೂಟ್‌ಗೆ ಕಾರ್ಸೆಟ್‌ ಮಾದರಿಯ ವೈಟ್‌ ಕ್ರಾಪ್‌ ಟಾಪ್‌ ಧರಿಸಿದ್ದು, ಇದು ಇಡೀ ಪ್ಯಾಂಟ್‌ಸೂಟನ್ನು ಗ್ಲಾಮರಸ್‌ ಆಗಿಸಿದೆ. ಇನ್ನು ಬ್ಲೂ ಶೇಡ್‌ ವಿಂಟರ್‌ನ ಲೈವ್ಲಿ ಕಲರ್‌ ಆಗಿದ್ದು, ಜತೆಗೆ ಬಟನ್‌ಲೆಸ್‌ ಬ್ಲೇಜರ್‌ ಸೋನಾಕ್ಷಿಯವರನ್ನು ಹಾಟ್‌ ಆಗಿ ಬಿಂಬಿಸಿದೆ ಎನ್ನುತ್ತಾರೆ ಸೆಲೆಬ್ರೆಟಿ ಸ್ಟೈಲಿಸ್ಟ್‌ ರಾಘವ್‌. ಇನ್ನು ಪ್ಯಾಂಟ್‌ ಸೂಟ್‌ ಎಂದಾಕ್ಷಣಾ ಮೊದಲೆಲ್ಲಾ ಕಂಪ್ಲೀಟ್‌ ಲೇಯರ್‌ ಲುಕ್‌ ನೀಡುವ ಉಡುಪಾಗಿತ್ತು. ಜತೆಗೆ ಎಲ್ಲಿಯೂ ಎಕ್ಸ್‌ಪೋಸ್‌ಗೆ ಅವಕಾಶವಿರಲಿಲ್ಲ. ಆದರೆ, ಇದೀಗ ಈ ಕಾನ್ಸೆಪ್ಟ್‌ ಕಂಪ್ಲೀಟ್‌ ಪರಿವರ್ತನೆಗೊಂಡಿದೆ. ಇದರೊಂದಿಗೆ ಈ ಜನರೇಷನ್‌ನ ಕಾಲೇಜು ಹುಡುಗಿಯರು ಕೂಡ ಈ ಫ್ಯಾಷನ್‌ಗೆ ತಮ್ಮದೇ ಆದ ನ್ಯೂ ಲುಕ್‌ ನೀಡಿದ್ದಾರೆ. ನಟಿ ಸೋನಾಕ್ಷಿ ಪ್ಯಾಂಟ್‌ಸೂಟ್‌ ಕ್ರಾಪ್‌ ಟಾಪನ್ನು ಟ್ರೆಂಡಿಯಾಗಿಸುವ ಮೊದಲೇ ಈ ಹೊಸ ಫ್ಯಾಷನ್‌ಗೆ ಸೈ ಎಂದಿದ್ದರು. ಆದರೆ, ಹೆಚ್ಚು ಪಾಪ್ಯುಲರ್‌ ಆಗಿರಲಿಲ್ಲ. ಇದನ್ನರಿತ ಸ್ಟಾರ್‌ ಫ್ಯಾಷನಿಸ್ಟಾಗಳು ಪ್ಯಾಂಟ್‌ಸೂಟ್‌ ಜತೆಗೆ ಧರಿಸುವ ಇನ್ನರ್‌ ಬದಲು ಕ್ರಾಪ್‌ ಟಾಪ್‌ ಮ್ಯಾಚ್‌ ಮಾಡಿ ಬಿಡುಗಡೆಗೊಳಿಸಿದ್ದಾರೆ. ಇನ್ನು, ನಟಿ ಸೋನಾಕ್ಷಿ ಧರಿಸಿದ ನಂತರ ಇದು ಟ್ರೆಂಡಿಯಾಗಿದೆ. ಫಾರ್ಮಲ್‌ ರೂಪದ ಪ್ಯಾಂಟ್‌ ಸೂಟ್‌ ಗ್ಲಾಮರಸ್‌ ರೂಪ ಪಡೆದಿದೆ.
ಅಬ್‌ಸ್ಟ್ರಾಕ್ಟ್‌ ಪ್ರಿಂಟ್ಸ್‌ನ ಡೆನಿಮ್‌ ಪ್ಯಾಂಟ್‌ ಸೂಟ್‌
ಸೋನಾಕ್ಷಿ ಸಿನ್ಹಾ ಧರಿಸಿರುವ ಅಬ್‌ಸ್ಟ್ರಾಕ್ಟ್‌ ಪ್ರಿಂಟ್‌ನ ಪ್ಯಾಂಟ್‌ ಸೂಟ್‌ ಪ್ರಯೋಗಾತ್ನಕವಾಗಿ ಡಿಸೈನ್‌ ಮಾಡಲಾಗಿದೆ. ಕಾರ್ಪೊರೇಟ್‌ ಕ್ಷೇತ್ರದವರನ್ನು ಹೆಚ್ಚು ಸೆಳೆದಿದೆ. ಇನ್ನು ಡೆನಿಮ್‌ ಈ ವಿಂಟರ್‌ಗೆ ಹೇಳಿ ಮಾಡಿಸಿದ ಫ್ಯಾಬ್ರಿಕ್‌. ಟೂ ಇನ್‌ ವನ್‌ ಶೈಲಿಯಲ್ಲಿ ಧರಿಸಬಹುದು. ಬೇಕಿದ್ದಲ್ಲಿ ಬಟನ್‌ ಧರಿಸಿ ಪ್ರೊಫೆಷನಲ್‌ ಲುಕ್‌ ಪಡೆಯಬಹುದು. ಬ್ಲೇಝರ್‌ ತೆಗೆದಲ್ಲಿ ಬಿಂದಾಸ್‌ ಲುಕ್‌ ಪಡೆಯಬಹುದು. ಹಾಗಾಗಿ ಈ ಉಡುಪಿಗೆ ಫುಲ್‌ ಮಾಕ್ರ್ಸ್ ಸಿಕ್ಕಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. `
(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)