ಬೆಂಗಳೂರು : ಕೆಜಿಎಫ್ 1 ಮತ್ತು 2 ನೋಡಿದ ಮೇಲೆ ಅಭಿಮಾನಿಗಳು KGF -3 ಬರುತ್ತೇ ಎಂದು ಊಹೆ ಮಾಡಿದ್ದರು. ಇದೀಗ ಅಭಿಮಾನಿಗಳಿಗೆ ಸಿಹಿ ಸುದ್ದಿಯನ್ನು ಚಿತ್ರತಂಡ ನೀಡಿದೆ. ಹೌದು. ನಿರ್ಮಾಪಕ ವಿಜಯ್‌ ಕಿರಗಂದೂರು, ರಿಲೀಸ್ ಬಗ್ಗೆ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.
ಈ ಕುರಿತು ದೈನಿಕ್‌ ಭಾಸ್ಕರ್‌ ಮಾಧ್ಯಮ ಸಂಸ್ಥೆಗೆ ನೀಡಿರುವ ಸಂದರ್ಶನದಲ್ಲಿ ವಿಜಯ್‌ ಮಾಹಿತಿ ಬಿಚ್ಚಿಟ್ಟದಾರೆ. “ಈಗಾಗಲೇ ನಿರ್ದೇಶಕ ಪ್ರಶಾಂತ್‌ ನೀಲ್‌ ಸಲಾರ್‌ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಅದರ 35% ಶೂಟಿಂಗ್‌ ಮುಗಿದಿದೆ, ಮುಂದಿನ ಹಂತ ಬರುವ ವಾರದಿಂದ ಆರಂಭವಾಗಲಿದೆ. ಅಕ್ಟೋಬರ್‌ ಅಥವಾ ನವೆಂಬರ್‌ಗೆ ಸಲಾರ್‌ ಶುಟಿಂಗ್‌ ಮುಗಿಯಲಿದೆ. ನಂತರ ಕೆಜಿಎಫ್ 3 ಶೂಟಿಂಗ್‌ ಆರಂಭಿಸಲಿದ್ದಾರೆ. ಹೊಂಬಾಳೆ ಫಿಲ್ಮಸ್‌ ಬ್ಯಾನರ್‌ ಅಡಿಯಲ್ಲಿ ಕೆಜಿಎಫ್ 3 ಸಿನಿಮಾ 2024 ರಂದು ರಿಲೀಸ್ ಮಾಡುವ ಆಲೋಚನೆಯಲ್ಲಿದೆʼ ಎಂದು ತಿಳಿಸಿದ್ದಾರೆ. Marvel like of universe, ಅಂದರೆ ಹಾಲಿವುಡ್‌ ಮಟ್ಟದಲ್ಲಿ ಅತ್ಯದ್ಭುತವಾದದ್ದನ್ನು ಸೃಷ್ಟಿ ಮಾಡುವ ಆಲೋಚನೆಯಿದೆ ಎಂದಿರುವುದು ಮತ್ತಷ್ಟು ಕುತೂಹಲ ಹೆಚ್ಚಿಸಿದೆ.
ಇದನ್ನೂ ಓದಿ | ಕೆಜಿಎಫ್ ಸ್ಟಾರ್‌ ಯಶ್‌ ಲಕ್ಷುರಿ ಲೈಫ್‌ಸ್ಟೈಲ್‌ ಹೇಗಿದೆ ನಿಮಗೆ ಗೊತ್ತೆ?
ನಮಗೆ ಬೇರೆ ಬೇರೆ ಸಿನಿಮಾಗಳ ವಿಶಿಷ್ಟ ಪಾತ್ರಗಳು ಬೇಕು. ‘doctor strange’, ‘ಸ್ಪೈಡರ್ ಮ್ಯಾನ್’ ರೀತಿಯಲ್ಲಿ ನಾವು ಏನಾದರೂ ಸೃಷ್ಟಿ ಮಾಡಬೇಕು. ಯಶ್‌ ಇರುತ್ತಾರಾ ಎಂಬ ವಿಷಯವನ್ನ ಗೌಪ್ಯವಾಗೇ ಇಟ್ಟಿದೆ.
ಇಲ್ಲಿಯವರೆಗೆ ‘KGF 2’ ಸಿನಿಮಾ ₹1,170 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. 2022 ಏಪ್ರಿಲ್ 14ರಂದು ರಿಲೀಸ್ ಆದ ಈ ಚಿತ್ರದಲ್ಲಿ ರವೀನಾ ಟಂಡನ್, ಸಂಜಯ್ ದತ್, ರಮೇಶ್ ರಾವ್, ಮಾಳವಿಕಾ, ಅಯ್ಯಪ್ಪ, ತಾರಕ್ ಪೊನ್ನಪ್ಪ, ಅವಿನಾಶ್ ಮುಂತಾದವರು ನಟಿಸಿದ್ದರು.
ಕೆಜಿಎಫ್-2 ಚಿತ್ರದ ಟ್ರೇಲರ್‌ ಬರುವಾಗಲೇ ಕನ್ನಡದಲ್ಲಿ 18 ಮಿಲಿಯನ್ ವೀವ್ಸ್‌ ಪಡೆದಿದ್ದರೆ ತೆಲುಗಿನಲ್ಲಿ 20 ಮಿಲಿಯನ್, ಹಿಂದಿಯಲ್ಲಿ 51 ಮಿಲಿಯನ್, ತಮಿಳಿನಲ್ಲಿ 12 ಮಿಲಿಯನ್ ಹಾಗೂ ಮಲಯಾಳಂನಲ್ಲಿ 8 ಮಿಲಿಯನ್ ವೀವ್ಸ್‌ ಪಡೆದುಕೊಂಡು ಮೆಚ್ಚುಗೆ ಗಳಿಸಿತ್ತು.
ಇದನ್ನೂ ಓದಿ | ಸಾವಿರದ ಸಾಧನೆ ಮಾಡಿದ ಕೆಜಿಎಫ್