ನವ ದೆಹಲಿ: ಇನ್ನು ಮುಂದೆ ಹೋಟೆಲ್, ಬಾರ್, ರೆಸ್ಟೊರೆಂಟ್ಗಳಲ್ಲಿ ಸೇವಾ ಶುಲ್ಕವನ್ನು ವಸೂಲಿ ಮಾಡುವಂತಿಲ್ಲ. ಅಪ್ಪಿತಪ್ಪಿ ಮಾಡಿದರೆ, ಗ್ರಾಹಕರು ಕೇಂದ್ರ ಗ್ರಾಹಕ ಹಿತರಕ್ಷಣಾ ಪ್ರಾಧಿಕಾರದ ಸಹಾಯವಾಣಿ ಸಂಖ್ಯೆ ೧೯೧೫ಕ್ಕೆ ಕರೆ ಮಾಡಬಹುದು. ಪ್ರಶ್ನಿಸಬಹುದು ಹಾಗೂ ದೂರು ದಾಖಲಿಸಬಹುದು.
ಕೇಂದ್ರ ಗ್ರಾಹಕ ಹಿತರಕ್ಷಣಾ ಪ್ರಾಧಿಕಾರದ ನೂತನ ಮಾರ್ಗದರ್ಶಿಯ ಪ್ರಕಾರ ಹೋಟೆಲ್, ಬಾರ್, ರೆಸ್ಟೊರೆಂಟ್ಗಳಲ್ಲಿ ಗ್ರಾಹಕರಿಗೆ ಸೇವಾ ಶುಲ್ಕವನ್ನು ವಿಧಿಸುವಂತಿಲ್ಲ. ಸಿಬ್ಬಂದಿಗೆ ಟಿಪ್ಸ್ ಇತ್ಯಾದಿ ನೆಪದಲ್ಲೂ ಪ್ರತ್ಯೇಕವಾಗಿ ಸೇವಾ ಶುಲ್ಕ ಸಂಗ್ರಹಿಸುವಂತಿಲ್ಲ. ಗ್ರಾಹಕರು ಸ್ವಯಂಪ್ರೇರಣೆಯಿಂದ ಬೇಕಾದರೆ ಮಾತ್ರ ಕೊಡಬಹುದು.
ಮಾರ್ಗದರ್ಶಿಯ ಮುಖ್ಯಾಂಶಗಳು ಇಂತಿವೆ
- ಹೋಟೆಲ್, ಬಾರ್, ರೆಸ್ಟೊರೆಂಟ್ ಇತ್ಯಾದಿಗಳು ಬಿಲ್ನಲ್ಲಿ ಹೆಚ್ಚುವರಿಯಾಗಿ ಸೇವಾ ಶುಲ್ಕ ಸೇರಿಸುವಂತಿಲ್ಲ.
- ಇತರ ಹೆಸರಿನಲ್ಲಿ ಸೇವಾ ಶುಲ್ಕ ಸಂಗ್ರಹಿಸುವಂತಿಲ್ಲ.
- ಸೇವಾ ಶುಲ್ಕ ಸ್ವಯಂಪ್ರೇರಿತ ಆಯ್ಕೆ ಎಂಬುದನ್ನು ಗ್ರಾಹಕರಿಗೆ ತಿಳಿಸಬೇಕು.
ಗ್ರಾಹಕರ ಹಕ್ಕುಗಳು
- ಬಿಲ್ನಿಂದ ಹೆಚ್ಚುವರಿ ಸೇವಾ ಶುಲ್ಕ ಕಂಡು ಬಂದರೆ ತೆಗೆಯುವಂತೆ ಸೂಚಿಸಬಹುದು.
- ತೆಗೆಯದಿದ್ದರೆ ರಾಷ್ಟ್ರೀಯ ಗ್ರಾಹಕ ಸಹಾಯವಾಣಿ ೧೯೧೬ಕ್ಕೆ ಕರೆ ಮಾಡಬಹುದು
- ಗ್ರಾಹಕ ಆಯೋಗ ಇಲ್ಲವೇ ಜಿಲ್ಲಾಧಿಕಾರಿಯವರಿಗೆ ದೂರು ಸಲ್ಲಿಸಬಹುದು.
ಇದನ್ನೂ ಓದಿ:ರೆಸ್ಟೊರೆಂಟ್, ಹೋಟೆಲ್ಗಳಲ್ಲಿ ಸೇವಾ ಶುಲ್ಕ ವಸೂಲಿ ರದ್ದುಪಡಿಸಿದ ಕೇಂದ್ರ ಗ್ರಾಹಕ ಪ್ರಾಧಿಕಾರ