ಢಾಕಾ: ದೆಹಲಿಯಲ್ಲಿ ಲಿವ್‌ ಇನ್‌ ರಿಲೇಷನ್‌ಶಿಪ್‌ನಲ್ಲಿದ್ದ ಶ್ರದ್ಧಾ ವಾಳ್ಕರ್‌ಳನ್ನು (Shraddha Murder Case) ಆಕೆಯ ಪ್ರಿಯತಮನೇ 35 ಭಾಗಗಳಾಗಿ ಕತ್ತರಿಸಿ, ರಾಷ್ಟ್ರ ರಾಜಧಾನಿಯ ಹಲವೆಡೆ ಆಕೆಯ ದೇಹದ ಭಾಗಗಳನ್ನು ಎಸೆದ ಪ್ರಕರಣವು ದೇಶಾದ್ಯಂತ ಸುದ್ದಿಯಾಗಿದೆ. ಇದರ ಬೆನ್ನಲ್ಲೇ ಬಾಂಗ್ಲಾದೇಶದಲ್ಲೂ (Bangla Murder) ಹಿಂದು ಯುವತಿಯೊಬ್ಬಳನ್ನು ಪ್ರಿಯತಮನೇ (Abu Bakr) ತುಂಡು ತುಂಡಾಗಿ ಕತ್ತರಿಸಿ ಭೀಕರವಾಗಿ ಹತ್ಯೆಗೈದಿದ್ದಾನೆ.
ಅಬು ಬಕ್ರ್‌ ಎಂಬುವನು ಕವಿತಾ ರಾಣಿ (Kavita Rani) ಎಂಬುವರ ಜತೆ ಸಖ್ಯ ಬೆಳೆಸಿದ್ದ. ಗೊಬರ್ಚಕ ಎಂಬ ಪ್ರದೇಶದಲ್ಲಿ ವಾಸಿಸುತ್ತಿದ್ದ ಆತನ ಬಾಡಿಗೆ ಮನೆಗೆ ಕವಿತಾ ರಾಣಿ ಬಂದಿದ್ದಳು. ಆದರೆ, ಕಳೆದ ನವೆಂಬರ್‌ 6ರಂದು ಕೆಲಸಕ್ಕೂ ಹೋಗದೆ, ಮನೆಗೂ ಬಾರದೆ ಇದ್ದುದನ್ನು ಕಂಡ ಮನೆಯ ಮಾಲೀಕ ಅಬು ಬಕ್ರ್‌ ಇದ್ದ ಮನೆಗೆ ಬೇರೊಬ್ಬರನ್ನು ಕಳುಹಿಸಿದ್ದ. ಆಗ, ಪರಿಸ್ಥಿತಿಯು ಅನುಮಾನಾಸ್ಪದವಾಗಿ ಇದ್ದ ಕಾರಣ ಮನೆಯ ಮಾಲೀಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಕೂಡಲೇ ಪೊಲೀಸರು ಮನೆಗೆ ಬಂದು ಪರಿಶೀಲನೆ ನಡೆಸಿದಾಗ ಕೋಣೆಯ ಬಾಕ್ಸ್‌ವೊಂದರಲ್ಲಿ ರುಂಡವೇ ಇಲ್ಲದ, ಹೆಣ್ಣುಮಗಳ ದೇಹ ಪತ್ತೆಯಾಗಿದೆ. ಆಕೆಯ ರುಂಡವು ಮತ್ತೊಂದು ಕಡೆ ಇರಿಸಲಾಗಿದೆ. ದೇಹದಲ್ಲಿ ಎರಡೂ ಕೈಗಳು ಇರಲಿಲ್ಲ. ಇದಾದ ಬಳಿಕ ಪೊಲೀಸರು ತನಿಖೆ ನಡೆಸಿದ್ದು, ಕವಿತಾ ರಾಣಿ ಕೈಗಳು ಚರಂಡಿಯಲ್ಲಿ ಪತ್ತೆಯಾಗಿವೆ. ಹಾಗಾಗಿ, ಇಡೀ ಪ್ರಕರಣವು ದೇಶಾದ್ಯಂತ ಸುದ್ದಿಯಾಗಿದೆ.
ಬೇರೊಬ್ಬಳ ಜತೆ ಇದ್ದಾಗ ಸಿಕ್ಕಿಬಿದ್ದ ಅಬು ಬಕ್ರ್‌
ಕವಿತಾ ಜತೆ ಸಂಬಂಧ ಹೊಂದಿದ್ದ ಅಬು ಬಕ್ರ್‌, ಮತ್ತೊಬ್ಬ ಹಿಂದೂ ಯುವತಿ ಜತೆ ಬೇರೊಂದು ಪ್ರದೇಶದಲ್ಲಿದ್ದಾಗ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಸಪ್ನಾ ಎಂಬ ಯುವತಿ ಜತೆ ನಾಲ್ಕು ವರ್ಷದಿಂದ ಅಬು ಬಕ್ರ್‌ ಲಿವ್‌ ಇನ್‌ ರಿಲೇಷನ್‌ಶಿಪ್‌ನಲ್ಲಿದ್ದು, ಪೊಲೀಸರು ಈತನನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಪ್ರಕರಣದಲ್ಲಿ ಲವ್ ಜಿಹಾದ್‌ ಕುರಿತು ಶಂಕೆಗಳು ವ್ಯಕ್ತವಾಗಿವೆ.
ಇದನ್ನೂ ಓದಿ | Shraddha Murder Case | 2 ವರ್ಷದಿಂದಲೂ ಶ್ರದ್ಧಾ ಮೇಲೆ ಅಫ್ತಾಬ್ ಸತತ ಹಲ್ಲೆ, ಆಕೆಯ ಗೆಳೆಯ ಹೇಳಿದ್ದೇನು?