ಯಾದಗಿರಿ: ಸಂಶಯ ಪಿಶಾಚಿ ಗಂಡನೊಬ್ಬ (Suspicious Husband) ತನ್ನ ಪತ್ನಿಯನ್ನು ಕುತ್ತಿಗೆ ಹಿಸುಕಿ ಕೊಲೆ ಮಾಡಿದ್ದಾನೆ (Murder Case). ಯಾದಗಿರಿ ಜಿಲ್ಲೆಯ (Yadagiri News) ಸುರಪುರ ತಾಲೂಕಿನ ತಿಂಥಣಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.
ಪತಿರಾಯ ಹಣಮಂತನೇ ಪತ್ನಿ ಶ್ರೀದೇವಿ (26) ಅವರನ್ನು ಕೊಲೆ ಮಾಡಿದ ದುಷ್ಟ. ಬುಧವಾರ ರಾತ್ರಿ ಈಗ ಪತ್ನಿಯ ಕುತ್ತಿಗೆಯನ್ನು ಬಟ್ಟೆಯಿಂದ ಹಿಸುಕಿ ಕೊಲೆ ಮಾಡಿದ್ದಾನೆ. ಆತ ಪತ್ನಿಯ ಶೀಲದ ಮೇಲೆ ಅಪಾರವಾದ ಸಂಶಯ ಹೊಂದಿ ಈ ಕೃತ್ಯ ನಡೆಸಿದ್ದಾನೆ.
ಹಣಮಂತ ಒಬ್ಬನೇ ಈ ಕೊಲೆಯನ್ನು ಮಾಡಿಲ್ಲ. ತನ್ನ ತಂದೆ, ತಾಯಿ ಜತೆ ಸೇರಿ ಕೊಲೆ ಮಾಡಿದ್ದಾನೆ ಎಂಬ ಆರೋಪ ಎದುರಾಗಿದೆ. ರಾತ್ರಿ ಹೊತ್ತು ಮಕ್ಕಳು ನಿದ್ದೆಗೆ ಜಾರಿದಾಗ ಆತ ಹೆಂಡತಿಯ ಕುತ್ತಿಗೆಗೆ ಬಟ್ಟೆಯನ್ನು ಕಟ್ಟಿ ಕೊಲೆ ಮಾಡಿದ್ದಾನೆ ಎಂದು ಹೇಳಲಾಗಿದೆ.
ಸುರಪುರ ಠಾಣೆ ವ್ಯಾಪ್ತಿಯಲ್ಲಿ ನಡೆದ ಘಟನೆ ಇದಾಗಿದ್ದು, ಪೊಲೀಸರು ಆರೋಪಿ ಹಣಮಂತನನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ : Murder Case : ತಲೆ ಮೇಲೆ ಕಲ್ಲು ಎತ್ತಿಹಾಕಿ ಮಹಿಳೆ ಕೊಲೆ; ಪಾಳು ಬಿದ್ದ ಕಟ್ಟಡದಲ್ಲಿ ಶವ ಪತ್ತೆ
ಕುಡೀಬೇಡ ಎಂದು ಹೇಳಿದ್ದಕ್ಕೆ ಯುವಕ ಆತ್ಮಹತ್ಯೆ
ರಾಯಚೂರು: ಕುಡಿಬೇಡ ಎಂದೂ ಬುದ್ಧಿವಾದ ಹೇಳಿದ್ದಕ್ಕೆ ಯುವಕನೊಬ್ಬ ಆತ್ಮಹತ್ಯೆ. ಮಾಡಿಕೊಂಡಿದ್ದಾನೆ. ರಾಯಚೂರು ಜಿಲ್ಲೆಯ ಮಾನ್ವಿ ಪಟ್ಟಣದಲ್ಲಿ ಆದರ್ಶ(24) ಎಂಬ ಯುವಕ ಪ್ರಾಣ ಕಳೆದುಕೊಂಡಿದ್ದಾರೆ.
ಆದರ್ಶ ಪ್ರತಿ ದಿನವೂ ಮದ್ಯಪಾನ ಮಾಡಿ ಮನೆಗೆ ಬರುತ್ತಿದ್ದ ಎನ್ನಲಾಗಿದೆ. ಇದರಿಂದ ಬೇಸರಗೊಂಡ ಮನೆಯವರು ಆದರ್ಶನಿಗೆ ಬುದ್ಧಿವಾದ ಹೇಳಿದ್ದರು. ಆದರೆ, ಆದರ್ಶ ಮಾತ್ರ ಬುದ್ಧಿವಾದವನ್ನೇ ಅವಮಾನ ಎಂದು ತಿಳಿದು ಆತ್ಮಹತ್ಯೆಗೆ ಶರಣಾಗಿದ್ದಾನೆ. ಮನೆಯ ಬಾತ್ ರೂಮ್‌ನಲ್ಲಿರುವ ಪೈಪ್ ಗೆ ಹಗ್ಗ ಹಾಕಿ ಆತ್ಮಹತ್ಯೆ ಮಾಡಿದ್ದಾನೆ.
ಆದರ್ಶ ಮಾನ್ವಿ ಪಟ್ಟಣದಲ್ಲಿ ಹೇರ್ ಕಟಿಂಗ್ ಶಾಪ್ ಹೊಂದಿದ್ದ. ಇದೀಗ ಬುದ್ಧಿ ಮಾತಿಗೇ ಪ್ರಾಣ ಕಳೆದುಕೊಂಡ ಮಗನನ್ನು ನೆನಪು ಮಾಡಿಕೊಂಡು ಹೆತ್ತವರು ಕಣ್ಣೀರು ಹಾಕುತ್ತಿದ್ದಾರೆ. ಕುಡಿದೋ ಇನ್ನೊಂದೋ ಹೇಗಾದರೂ ಬದುಕಿಕೊಂಡಿರುತ್ತಿದ್ದ. ಈಗ ಬುದ್ಧಿ ಹೇಳಲು ಹೋಗಿ ಪ್ರಾಣವನ್ನೇ ಕಳೆದುಕೊಂಡಿರುವುದು ಅವರಿಗೆ ಬೇಸರ ತಂದಿದೆ.
ಮಾನ್ವಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದ ಘಟನೆ ಇದಾಗಿದೆ.