ಬೆಂಗಳೂರು: ಸೆಂಟ್ರಲ್‌ ಬೋರ್ಡ್‌ ಆಫ್‌ ಸೆಕಂಡರಿ ಎಜುಕೇಷನ್‌ (Central Board of Secondary Education) 10 ಮತ್ತು 12ನೇ ತರಗತಿಯ 2024ರ ಸಾಲಿನ ಬೋರ್ಡ್‌ ಪರೀಕ್ಷೆಯ ಪ್ರವೇಶ ಪತ್ರವನ್ನು (ಹಾಲ್ ಟಿಕೆಟ್) ಬಿಡುಗಡೆ ಮಾಡಿದೆ (CBSE Admit Card 2024). ಪ್ರವೇಶ ಪತ್ರವನ್ನು ಅಧಿಕೃತ ವೆಬ್‌ಸೈಟ್‌ cbse.nic.in, cbse.gov.in ಮತ್ತು parikshasangam.cbse.gov.inಗೆ ಭೇಟಿ ನೀಡಿ ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.
ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ಮತ್ತು ಲಾಗಿನ್ ಪಾಸ್‌ವರ್ಡ್‌ ನಮೂದಿಸುವ ಮೂಲಕ ಪ್ರವೇಶ ಪತ್ರವನ್ನು ಡೌನ್‌ಲೋಡ್‌ ಮಾಡಬಹುದು. ಹಾಲ್ ಟಿಕೆಟ್ ಅಭ್ಯರ್ಥಿಯ ಹೆಸರು, ವಿಷಯಗಳು, ರೋಲ್ ಸಂಖ್ಯೆ, ಸಂಬಂಧಿತ ಪರೀಕ್ಷಾ ದಿನಾಂಕಗಳು, ಪರೀಕ್ಷೆ ಮತ್ತು ವಿಷಯ ಕೋಡ್, ಪರೀಕ್ಷೆಯ ಸಮಯದಲ್ಲಿ ವಿದ್ಯಾರ್ಥಿ ಯಾವ ರೀತಿ ವರ್ತಿಸಬೇಕು ಇತ್ಯಾದಿ ಪ್ರಮುಖ ಮಾರ್ಗಸೂಚಿಗಳಂತಹ ವಿವರಗಳನ್ನು ಒಳಗೊಂಡಿದೆ.
ಸಿಬಿಎಸ್‌ಇಯ 10ನೇ ತರಗತಿಯ ಪರೀಕ್ಷೆ ಫೆಬ್ರವರಿ 15ರಿಂದ ಮಾರ್ಚ್‌ 13ರ ವರೆಗೆ ನಡೆಯಲಿದೆ. ಇನ್ನು 12ನೇ ತರಗತಿಯ ಪರೀಕ್ಷೆ ಫೆಬ್ರವರಿ 15ರಿಂದ ಏಪ್ರಿಲ್‌ 2ರ ತನಕ ಆಯೋಜಿಸಲಾಗಿದೆ. ಎಲ್ಲ ಪರೀಕ್ಷೆಗಳು ಬೆಳಗ್ಗೆ 10.30ಕ್ಕೆ ಆರಂಭವಾಗಿ ಮಧ್ಯಾಹ್ನ 1.30ಕ್ಕೆ ಕೊನೆಗೊಳ್ಳಲಿದೆ. ಪರೀಕ್ಷೆ ಬರೆಯುವ ಮೊದಲು ಪ್ರಶ್ನೆಗಳನ್ನು ಓದಲು ವಿದ್ಯಾರ್ಥಿಗಳಿಗೆ ಹೆಚ್ಚುವರಿ 15 ನಿಮಿಷ ಒದಗಿಸಲಾಗುತ್ತದೆ.
ಪ್ರವೇಶ ಪತ್ರ ಡೌನ್‌ಲೋಡ್‌ ಮಾಡುವ ವಿಧಾನ
- ಸಿಬಿಎಸ್‌ಇಯ ಅಧಿಕೃತ ವೆಬ್‌ಸೈಟ್‌ https://cbse.gov.in/ಗೆ ಭೇಟಿ ನೀಡಿ.
- Pariksha Sangam ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ಆಗ ತೆರೆದುಕೊಳ್ಳುವ ಹೊಸ ಪುಟದಲ್ಲಿ ಕಾಣಿಸುವ ಶಾಲೆಯ ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ಬಳಿಕ Pre Exam Activities ಲಿಂಕ್ ಅನ್ನು ಕ್ಲಿಕ್ ಮಾಡಿ.
- ನಂತರ BSE Board Admit Card 2024 ಲಿಂಕ್ ಮೇಲೆ ಕ್ಲಿಕ್ ಮಾಡಿ.
- ಈಗ ಲಾಗಿನ್ ವಿವರಗಳನ್ನು ತುಂಬಿ Submit ಬಟನ್‌ ಮೇಲೆ ಕ್ಲಿಕ್ ಮಾಡಿ.
- ಈಗ ನಿಮ್ಮ ಪ್ರವೇಶ ಪತ್ರ ತೆರೆ ಮೇಲೆ ಮೂಡುತ್ತದೆ. ಅದನ್ನು ಡೌನ್‌ಲೋಡ್‌ ಮಾಡಿ.
10ನೇ ತರಗತಿ ಪರೀಕ್ಷೆಯ ಟೈಮ್‌ ಟೇಬಲ್‌
| ದಿನಾಂಕ | ವಿಷಯ |
| ಫೆಬ್ರವರಿ 19 | ಸಂಸ್ಕೃತ |
| ಫೆಬ್ರವರಿ 21 | ಹಿಂದಿ |
| ಫೆಬ್ರವರಿ 26 | ಇಂಗ್ಲಿಷ್‌ |
| ಮಾರ್ಚ್‌ 2 | ಸೈನ್ಸ್‌ |
| ಮಾರ್ಚ್‌ 4 | ಹೋಮ್‌ ಸೈನ್ಸ್‌ |
| ಮಾರ್ಚ್‌ 7 | ಸೋಷಿಯಲ್‌ ಸೈನ್ಸ್‌ |
| ಮಾರ್ಚ್‌ 11 | ಗಣಿತ |
| ಮಾರ್ಚ್‌ 13 | ಇನ್ಫರ್ಮೇಷನ್‌ ಟೆಕ್ನಾಲಜಿ |
12ನೇ ತರಗತಿ ಪರೀಕ್ಷೆಯ ಟೈಮ್‌ ಟೇಬಲ್‌
| ದಿನಾಂಕ | ವಿಷಯ |
| ಫೆಬ್ರವರಿ 22 | ಇಂಗ್ಲಿಷ್‌ |
| ಫೆಬ್ರವರಿ 27 | ಕೆಮಿಸ್ಟ್ರಿ |
| ಫೆಬ್ರವರಿ 29 | ಜಿಯೋಗ್ರಫಿ |
| ಮಾರ್ಚ್‌ 4 | ಫಿಸಿಕ್ಸ್‌ |
| ಮಾರ್ಚ್‌ 9 | ಗಣಿತ |
| ಮಾರ್ಚ್‌ 18 | ಎಕಾನಾಮಿಕ್ಸ್‌ |
| ಮಾರ್ಚ್‌ 19 | ಬಯೋಲಜಿ |
| ಮಾರ್ಚ್‌ 22 | ಪಾಲಿಟಿಕಲ್‌ ಸೈನ್ಸ್‌ |
| ಮಾರ್ಚ್‌ 23 | ಅಕೌಂಟೆನ್ಸಿ |
| ಮಾರ್ಚ್‌ 27 | ಬ್ಯುಸಿನೆಸ್‌ ಸ್ಟಡೀಸ್‌ |
| ಮಾರ್ಚ್‌ 28 | ಹಿಸ್ಟರಿ |
| ಏಪ್ರಿಲ್‌ 1 | ಸೋಷಿಯಾಲಜಿ |
| ಏಪ್ರಿಲ್‌ 2 | ಕಂಪ್ಯೂಟರ್‌ ಸೈನ್ಸ್‌ |
ಇದನ್ನೂ ಓದಿ: JEE Main 2024 Session 2: ಜೆಇಇ ಮೇನ್ಸ್‌ ಸೆಷನ್‌ 2 ನೋಂದಣಿ ಆರಂಭ; ಅರ್ಜಿ ಸಲ್ಲಿಸುವ ವಿಧಾನ ಇಲ್ಲಿದೆ