ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಿಲಾನ್‌ ಫ್ಯಾಷನ್ ವೀಕ್‌ನಲ್ಲಿ (Milan Fashion Week 2024) ಕಾಣಿಸಿಕೊಂಡ ನಟಿ ರಶ್ಮಿಕಾ ಮಂದಣ್ಣ, ಬ್ಲ್ಯಾಕ್ ಗೋತ್‌ ಲುಕ್‌ನ ಹೈ ಫ್ಯಾಷನ್‌ಗೆ ಸೈ ಎಂದಿದ್ದಾರೆ. ಈಗಾಗಲೇ ಆರಂಭಗೊಂಡಿರುವ ಈ ಫ್ಯಾಷನ್ ವೀಕ್‌ನಲ್ಲಿ ಜಪಾನೀಸ್‌ ಲೆಬೆಲ್‌ ಆನ್ಇಟ್ಸುಕಾ ಟೈಗರ್‌ನ ಬ್ಲ್ಯಾಕ್ ಡಿಸೈನರ್‌ವೇರ್‌ನಲ್ಲಿ ಕಾಣಿಸಿಕೊಂಡಿದ್ದು, ಈ ಬ್ರಾಂಡ್‌ನ ಬ್ರಾಂಡ್‌ ಅಂಬಾಸಡರ್‌ ಕೂಡ ಆಗಿದ್ದಾರೆ. ಈ ಕುರಿತಂತೆ ಇಲ್ಲಿದೆ ಡಿಟೇಲ್ಸ್.
ರಶ್ಮಿಕಾ ಬ್ಲ್ಯಾಕ್ ಔಟ್‌ಫಿಟ್‌
ಮುಡಿಯಿಂದ ಕಾಲಿನವರೆಗೂ ಗೌನ್ ನಂತೆ ಕಾಣುವ ಬ್ಲ್ಯಾಕ್ ಔಟ್‌ಫಿಟ್‌ನಲ್ಲಿ ಕಾಣಿಸಿಕೊಂಡಿರುವ ನಟಿ ರಶ್ಮಿಕಾ ಆನ್‌ಇಟ್ಸೂಕಾ ಲೆಬೆಲ್‌ನ ಆಂಡ್ರಿಯಾ ಪೊಮ್‌ಪಿಲಿಯೊ ಅವರ ಎಕ್ಸ್‌ಕ್ಲೂಸಿವ್‌ ಡಿಸೈನರ್‌ವೇರ್‌ ಧರಿಸಿದ್ದರು. ಅವರು ಧರಿಸಿದ ಲಾಂಗ್‌ ಬ್ಲಾಕ್‌ ಡ್ರೆಸ್‌ ಮೇಲೆ ಮೇಲುಡುಗೆಯಂತೆ ಕಾಣುವ ಒವರ್‌ ಸೈಝ್‌ ಟ್ರೆಂಡಿ ಜಾಕೆಟ್‌ ಧರಿಸಿದ್ದರು. ಇನ್ನು, ಇವಕ್ಕೆಲ್ಲಾ ಮ್ಯಾಚ್‌ ಆಗುವಂತೆ ಬ್ಲಾಕ್‌ ಶೂ ಹಾಕಿದ್ದರು. ಒಟ್ಟಾರೆ, ಬ್ಲಾಕ್‌ ಶೇಡ್‌ನ ಮಾನೋಕ್ರೊಮಾಟಿಕ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದರು.
ಹೀಗಿತ್ತು ರಶ್ಮಿಕಾ ಮೇಕಪ್‌
ನೋಡಲು ಹೆಚ್ಚೆನಿಸದ ಮಿನಿಮಲಿಸ್ಟಿಕ್‌ ಮೇಕಪ್‌, ಕಣ್ಣಿಗೆ ಹಚ್ಚಿದ ಕಾಡಿಗೆಗೆ ಮ್ಯಾಚ್‌ ಆಗುವಂತಿದ್ದ ಸ್ಮೋಕಿ ಐ ಮೇಕಪ್‌, ಹಾರಾಡದ, ಹರಡದ ಕೂದಲ ಸ್ಲೀಕ್‌ ಫ್ರೀ ಹೇರ್‌ ಲುಕ್‌, ಅದಕ್ಕೊಂದು ಮಿನುಗುವ ಹೇರ್‌ಪಿನ್‌! ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವಂತಿತ್ತು. ಧರಿಸಿದ್ದು ಬ್ಲಾಕ್‌ ಆದರೂ ಮಾಡರ್ನ್ ಲುಕ್‌ ನೀಡಿತ್ತು.
ಪಾಪ್‌ಸ್ಟಾರ್ ಜೊತೆಗೆ ರಶ್ಮಿಕಾ
ಬ್ರಾಂಡ್‌ನ ರ್ಯಾಂಪ್‌ ಶೋನಲ್ಲಿ, ಮುಂದಿನ ಸಾಲಿನ ಗೆಸ್ಟ್ ಲಿಸ್ಟ್ ನಲ್ಲಿದ್ದ ರಶ್ಮಿಕಾ, ಜಪಾನೀಸ್‌ ಲೆಬೆಲ್‌ನ ಮೊದಲ ಭಾರತೀಯ ಬ್ರಾಂಡ್‌ ಅಂಬಾಸಡರ್‌ ಕೂಡ. ಈ ಬ್ರಾಂಡ್‌ನ ಡಿಸೈನರ್‌ವೇರ್‌ಗಳನ್ನು ಧರಿಸಿ ಹೆಜ್ಜೆ ಹಾಕಿದ ಮಾಡೆಲ್‌ಗಳ ವಿಡಿಯೋಗಳನ್ನು ತಮ್ಮ ಸೋಷಿಯಲ್‌ ಮೀಡಿಯಾದಲ್ಲಿ ಸ್ಟೇಟಸ್‌ನಲ್ಲಿ ಹಂಚಿಕೊಂಡು ವಿಶ್‌ ಮಾಡಿದ್ದಾರೆ. ಅಲ್ಲದೇ, ಥಾಯ್‌ ನಟ ಗುಲ್ಫ್ ಕನಾವತ್‌, ಖ್ಯಾತ ಪಾಪ್‌ ಸ್ಟಾರ್‌ ವಾಸಾ ಸೇರಿದಂತೆ ಹಲವು ನಟ-ನಟಿಯರೊಂದಿಗೆ, ಫ್ಯಾಷನ್ ದಿಗ್ಗಜರೊಂದಿಗೆ ಭಾಗವಹಿಸಿರುವುದು ಸಂತಸ ತಂದಿದೆ ಎಂದು ಮಾಧ್ಯಮಗಳಿಗೆ ಹೇಳಿಕೊಂಡಿದ್ದಾರೆ.
ಹೈ ಫ್ಯಾಷನ್‌ಗೆ ಸೈ ಎಂದ ನಟಿ
ಬಾಲಿವುಡ್‌ನ ಕೆಲವು ತಾರೆಯರನ್ನು ಹೊರತು ಪಡಿಸಿದರೇ, ದಕ್ಷಿಣ ಭಾರತದ ಅದರಲ್ಲೂ ಸ್ಯಾಂಡಲ್‌ವುಡ್‌ನಿಂದ ಬಾಲಿವುಡ್‌ಗೆ ಹಾರಿದ ನಟಿ ರಶ್ಮಿಕಾ ಮಂದಣ್ಣ, ಮಿಲಾನ್‌ನಂತಹ ಅಂತರಾಷ್ಟ್ರೀಯ ಮಟ್ಟದ ಫ್ಯಾಷನ್ ವೀಕ್‌ನಲ್ಲಿ ಭಾಗವಹಿಸಿರುವುದು ಹೆಮ್ಮೆಯ ವಿಚಾರ ಎಂದಿದೆ ಕರ್ನಾಟಕ ಫ್ಯಾಷನ್ ಲೋಕ.
(ಲೇಖಕಿ ಫ್ಯಾಷನ್ ಪತ್ರಕರ್ತೆ)
ಇದನ್ನೂ ಓದಿ: High Street Fashion Spider Earrings: ಯುವತಿಯರ ಹೈ ಸ್ಟ್ರೀಟ್‌ ಫ್ಯಾಷನ್‌ಗೆ ಸೇರಿದ ಸ್ಪೈಡರ್‌ ಇಯರಿಂಗ್ಸ್!