-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅಬ್ಬಬ್ಬಾ., ಒಬ್ಬೊಬ್ಬರದು ಒಂದೊಂದು ವಿನ್ಯಾಸದ ಡಿಸೈನರ್‌ವೇರ್ಸ್ (Ambani Wedding Fashion! ಟ್ರೆಡಿಷನಲ್‌ ಡಿಸೈನರ್‌ವೇರ್‌ಗಳಲ್ಲೂ ಇಷ್ಟೊಂದು ಬಗೆಯ ವೆರೈಟಿಗಳಿವೆಯೇ ಎನಿಸುವಷ್ಟರ ಮಟ್ಟಿಗೆ ಸೆಲೆಬ್ರೆಟಿಗಳ ಎಕ್ಸ್‌ಕ್ಲೂಸಿವ್‌ ಡಿಸೈನರ್‌ವೇರ್‌ಗಳು ಪ್ರಿ-ವೆಡ್ಡಿಂಗ್‌ನ ಮೆಹಂದಿ ಕಾರ್ಯಕ್ರಮದಲ್ಲಿ ಅನಾವರಣಗೊಂಡವು.
ಮೆಹಂದಿ ಕಾರ್ಯಕ್ರಮಕ್ಕೂ ಡ್ರೆಸ್‌ಕೋಡ್‌
ಹೌದು. ಅಂಬಾನಿ ಫ್ಯಾಮಿಲಿಯ ಪ್ರಿ- ವೆಡ್ಡಿಂಗ್‌ನ ಮೆಹಂದಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರ ಎಥ್ನಿಕ್‌ ಡಿಸೈನರ್‌ವೇರ್‌ಗಳು ಸಮಾರಂಭದ ಕಳೆ ಹೆಚ್ಚಿಸಿದವು. ಈ ಮೊದಲೇ ನಿಗದಿಪಡಿಸಿದಂತೆ ಬ್ಲ್ಯೂ, ಪರ್ಪಲ್‌ ಹಾಗೂ ಗೋಲ್ಡ್ ಶೇಡ್‌ನ ಡಿಸೈನರ್‌ವೇರ್‌ಗಳ ಡ್ರೆಸ್‌ಕೋಡ್‌ಗೆ ಆದ್ಯತೆ ನೀಡುವಂತೆ ಸೂಚಿಸಲಾಗಿತ್ತು. ಇದಕ್ಕೆ ತಕ್ಕಂತೆ ಕಾಣಿಸಿಕೊಂಡ ಅವರ ಕುಟುಂಬದವರ ಹಾಗೂ ಸೆಲೆಬ್ರೆಟಿಗಳ ಡಿಸೈನರ್‌ವೇರ್‌ಗಳ ಸಂಕ್ಷೀಪ್ತ ವಿವರ ಇಲ್ಲಿದೆ.
ಅಂಬಾನಿ ಫ್ಯಾಮಿಲಿಯ ಲೇಡಿ ಬಾಸ್‌ ನೀತಾ ಅಂಬಾನಿ ಲೆಹೆಂಗಾ
ಅಬು ಜಾನಿ ಸಂದೀಪ್‌ ಕೋಸ್ಲಾ ಡಿಸೈನ್‌ನ ಬ್ಲ್ಯೂ & ಗ್ರೀನ್‌ನ ಮಲ್ಟಿ ಶೇಡ್‌ನ ಥಾರದ್‌ ಲೆಹೆಂಗಾದಲ್ಲಿ ಅಂಬಾನಿ ಫ್ಯಾಮಿಲಿಯ ಲೇಡಿ ಬಾಸ್‌ ನೀತಾ ಅಂಬಾನಿ ಕಾಣಿಸಿಕೊಂಡರು. ಇದಕ್ಕೆ ಅವರು ತಮ್ಮ ಹಳೆಯ ಬಿಗ್‌ ಕುಂದನ್‌ನ ಪೋಲ್ಕಿ ಜ್ಯುವೆಲರಿ ಧರಿಸಿದ್ದು, ಎಲ್ಲರ ಮಧ್ಯೆ ಎದ್ದು ಕಾಣುವಂತೆ ಮಾಡಿತ್ತು.
ರಾಧಿಕಾ –ಅನಂತ್ ಡಿಸೈನರ್‌ವೇರ್ಸ್
ರಾಧಿಕಾ –ಅನಂತ್ ಅಂಬಾನಿಯವರ ಡಿಸೈನರ್‌ವೇರ್‌ಗಳು, ಪ್ರತಿ ಚಿಕ್ಕ ಕಾರ್ಯಕ್ರಮಗಳಿಗೂ ಬದಲಾಗುತ್ತಲೇ ಇದ್ದವು. ಮೆಹಂದಿ ಹಾಗೂ ಪೂಜಾ ಕಾರ್ಯಕ್ರಮಗಳಲ್ಲಿ, ಅನಂತ್ ಬ್ಲ್ಯೂ ಬಂದಗಾಲ ಎಥ್ನಿಕ್‌ ಸೂಟ್‌ನಲ್ಲಿ ಕಾಣಿಸಿಕೊಂಡರೇ, ಕ್ರೀಮೀಶ್‌ ಗೋಲ್ಡನ್‌ ಫ್ಲೋರಲ್‌ ಮಿಕ್ಸ್ ಬ್ಲ್ಯೂ ಗಾಗ್ರಾದಲ್ಲಿ ರಾಧಿಕಾ ಸಿಂಪಲ್‌ ಆಗಿ ಕಾಣಿಸಿಕೊಂಡರು.
ಶ್ಲೋಕಾ ಗೋಲ್ಡ್ ಲುಕ್‌
ಶ್ಲೋಕಾ ಅಂಬಾನಿ ಗರ್ಬಾ ಕಾರ್ಯಕ್ರಮದಲ್ಲಿ ಬಹುತೇಕ ನೀತಾ ಲೆಹೆಂಗಾದಂತೆ ಸೇಮ್‌ ಎಂದೆನಿಸುವ ಅಬು ಜಾನಿ ಸಂದೀಪ್‌ ಕ್ಲೋಸಾ ಅವರ ಬ್ಲ್ಯೂ & ಗ್ರೀನ್‌ ಲೆಹೆಂಗಾದಲ್ಲಿ ಕಾಣಿಸಿಕೊಂಡಿದ್ದರು. ಮೆಹಂದಿ ಕಾರ್ಯಕ್ರಮದಲ್ಲಿ ಮಾತ್ರ ಮಸಾಬಾ ಡಿಸೈನ್‌ನ ಗೋಲ್ಡನ್‌ ಸೀರೆ ಲುಕ್‌ನಲ್ಲಿ ಹೈಲೈಟಾದರು. ಅಜ್ಜಿ ಕಾಲದ ವಿಂಟೇಜ್‌ ಜ್ಯುವೆಲರಿ ಧರಿಸಿ ಓಲ್ಡ್ ಈಸ್‌ ಗೋಲ್ಡ್ ಎಂಬುದನ್ನು ಪ್ರೂವ್‌ ಮಾಡಿದರು.
ಬಾಲಿವುಡ್‌ ತಾರೆಯರ ಡಿಸೈನರ್‌ವೇರ್ಸ್
ರಣವೀರ್‌ ಸಿಂಗ್‌ ಹಾಫ್‌ ವೈಟ್‌ ಶೇಡ್‌ನ ಗೋಲ್ಡನ್‌ ಸಿಂಪಲ್‌ ಹ್ಯಾಂಡ್‌ವರ್ಕ್‌ ಸಿಂಪಲ್‌ ಕುರ್ತಾದಲ್ಲಿ, ಸಂಜಯ್‌ದತ್‌ ಸಾದಾ ಗೋಲ್ಡನ್‌ ಕುರ್ತಾದಲ್ಲಿ ಕಾಣಿಸಿಕೊಂಡರು. ಶನಾಯಾ ಕಪೂರ್‌ ಲೈಟ್‌ ಪರ್ಪಲ್‌ ಕಲರ್‌ನ ಅನಾರ್ಕಲಿಯಂತಹ ಲಾಂಗ್‌ ಸಲ್ವಾರ್‌ ಸೂಟ್‌ನಲ್ಲಿ, ಅನನ್ಯಾ ರಾಯಲ್‌ ಬ್ಲ್ಯೂ ಲೆಹೆಂಗಾದಲ್ಲಿ, ಜಾನ್ವಿ ಡಾರ್ಕ್ ಪರ್ಪಲ್‌ ಡಿಸೈನರ್‌ ಲೆಹೆಂಗಾದಲ್ಲಿ ಹೈಲೈಟಾದರು.
( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )