ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕೋಟಿ ರೂ. ಬೆಲೆ ಬಾಳುವ ಅತ್ಯಮೂಲ್ಯ ಜಡೌ ಹಾಗೂ ವಜ್ರಾಭರಣಗಳನ್ನು (Isha Ambani Jadau Jewel Lehenga Blouse) ಹೊಂದಿರುವ ಇಶಾ ಅಂಬಾನಿಯ ಜ್ಯುವೆಲ್‌ ಲೆಹೆಂಗಾ ಬ್ಲೌಸ್‌ ಎಲ್ಲರ ಕಣ್ಣು ಕುಕ್ಕಿದೆ. ಅಂಬಾನಿ ಫ್ಯಾಮಿಲಿ ಬೆಲೆ ಬಾಳುವ ಆಭರಣಗಳನ್ನು ಧರಿಸುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ, ಇದಕ್ಕೆ ಒಂದು ಹೆಜ್ಜೆ ಮುಂದೆ ಇಟ್ಟಂತೆ, ಇದುವರೆಗೂ ಯಾರೂ ಪ್ರಯೋಗಿಸಿದ ಜಡೌ-ವಜ್ರಾಭರಣಗಳ ಜ್ಯುವೆಲ್‌ ಹೊಂದಿರುವ ಬ್ಲೌಸ್‌ ಇಶಾ ಅಂಬಾನಿ ಧರಿಸಿರುವುದು ಫ್ಯಾಷನ್‌ ಲೋಕದಲ್ಲಿ ದಾಖಲೆ ನಿರ್ಮಾಣವಾಗಿದೆ. ಜ್ಯುವೆಲ್‌ ಬ್ಲೌಸ್‌ ತುಂಬೆಲ್ಲಾ ಹ್ಯಾಂಡ್‌ ಎಂಬ್ರಾಯ್ಡರಿ ಬದಲು, ಕೋಟಿ ರೂ. ಬೆಲೆ ಬಾಳುವ ಜಡೌ ಹಾಗೂ ವಜ್ರಾಭರಣಗಳನ್ನು ಬಳಸಲಾಗಿದೆ.
ಅಬುಜಾನಿ ಸಂದೀಪ್‌ ಕೋಸ್ಲಾ ಡಿಸೈನರ್‌ವೇರ್‌
ಸಹೋದರನ ಪ್ರಿ ವೆಡ್ಡಿಂಗ್‌ ಕಾರ್ಯಕ್ರಮದಲ್ಲಿ ಇಶಾ ಅಂಬಾನಿ ಧರಿಸಿದ್ದ ಜಡೌ-ವಜ್ರಾಭರಣ ಹೊಂದಿರುವ ಲೆಹೆಂಗಾ ಬ್ಲೌಸ್‌ನ ಸೃಷ್ಟಿಕರ್ತರು ಬಾಲಿವುಡ್‌ನ ಸೆಲೆಬ್ರೆಟಿ ಡಿಸೈನರ್‌ ಅನುಜಾನಿ ಸಂದೀಪ್‌ ಕೋಸ್ಲಾ. ಕಾರ್ಯಕ್ರಮದ ನಂತರ ಫೋಟೋಗಳನ್ನು ಕೂಡ ಬಿಡುಗಡೆಗೊಳಿಸಿದ್ದಾರೆ. ಅಲ್ಲದೇ, ಇಶಾ ಅಂಬಾನಿಯ ಈ ಜ್ಯುವೆಲ್‌ ಬ್ಲೌಸ್‌ನಲ್ಲಿ ಯಾವ್ಯಾವ ಬಗೆಯ ಆಭರಣಗಳನ್ನು ಸೇರಿಸಲಾಗಿದೆ. ಹೇಗೆಲ್ಲಾ ಕಲಾತ್ಮಕವಾಗಿ ಸಿದ್ಧಗೊಳಿಸಲಾಗಿದೆ ಎಂಬುದರ ಬಗ್ಗೆ ಡಿಟೇಲಾಗಿ ವಿವರಿಸಿದ್ದಾರೆ.
ಬೆಳ್ಳಿ-ಬಂಗಾರದ ಜರ್ದೋಸಿ ವರ್ಕ್ ಬ್ಲೌಸ್‌
ಗುಜರಾತ್‌ ಹಾಗೂ ರಾಜಸ್ಥಾನದಿಂದ ಅಮದು ಮಾಡಿಕೊಳ್ಳಲಾದ ನಾನಾ ಶೈಲಿಯ ಜಡೌ ಆಭರಣಗಳನ್ನು, ಬಿಡಿಬಿಡಿಯಾಗಿಸಿ, ಅಗತ್ಯಕ್ಕೆ ತಕ್ಕಂತೆ, ಬೆಳ್ಳಿ-ಬಂಗಾರದ ದಾರದಿಂದ ಜರ್ದೋಸಿ ಹೊಲಿಗೆಗಳ ಮೂಲಕ ಸಾಂಪ್ರದಾಯಿಕ ಶೈಲಿಯಲ್ಲಿ ಸೂಕ್ಷ್ಮ ಕುಸುರಿ ಕೆಲಸ ಮಾಡಲಾಗಿದೆ. ಡಿಸೈನರ್‌ ಅಬು ಅವರ ಇಂಡಿಯಾ ಫಂಟಾಸ್ಟಿಕ್‌ ಪುಸ್ತಕದಿಂದ ಆಯ್ದ ವಿನ್ಯಾಸವನ್ನು ಪರಿಗಣನೆಗೆ ತೆಗದುಕೊಂಡು ಈ ವಿನ್ಯಾಸಕ್ಕೆ ರೂಪ ನೀಡಲಾಗಿದೆ ಎನ್ನುತ್ತವೆ ಮೂಲಗಳು.
ಮನಮೋಹಕ ದುಬಾರಿ ಜ್ಯುವೆಲ್‌ ಬ್ಲೌಸ್‌
ನಮ್ಮ ರಾಷ್ಟ್ರದ ರಾಯಲ್‌ ಫ್ಯಾಮಿಲಿಯಲ್ಲಿ ಧರಿಸುತ್ತಿದ್ದ ಡಿಸೈನ್‌ಗಳನ್ನು ಆಯ್ಕೆ ಮಾಡಿಕೊಂಡು, ಹ್ಯಾಂಡ್‌ಮೇಡ್‌ ವರ್ಕ್ ಮತ್ತು ಫ್ಯೂಷನ್‌ ಡಿಸೈನ್‌ ಎಲ್ಲವನ್ನು ಸಮ್ಮಿಲನಗೊಳಿಸಿ, ಇಶಾ ಅಂಬಾನಿಯ ಈ ಮನಮೋಹಕ ಜಡೌ ಜ್ಯುವೆಲ್‌ ಬ್ಲೌಸ್‌ ಸಿದ್ಧಗೊಳಿಸಲಾಗಿದೆ ಎಂದು ಡಿಸೈನರ್‌ಗಳು ಹೇಳಿಕೊಂಡಿದ್ದಾರೆ. ಒಂದು ಬ್ಲೌಸ್‌ನಲ್ಲಿ ಸರಿ ಸುಮಾರು ನೂರಕ್ಕೂ ಹೆಚ್ಚು ಆಭರಣಗಳಿದ್ದು, ಯಾವುದೇ ಕೃತಕ ಆಭರಣವನ್ನು ಬಳಸಿಲ್ಲ! ದಾರವು ಕೂಡ ಬೆಳ್ಳಿ-ಬಂಗಾರದ್ದಾಗಿದೆ ಎನ್ನುತ್ತವೆ ಮೂಲಗಳು. ಒಟ್ಟಾರೆ, ಇಶಾ ಅಂಬಾನಿಯ ಕೋಟಿ ರೂ. ಬೆಲೆ ಬಾಳುವ ಲೆಹೆಂಗಾ ಬ್ಲೌಸ್‌ ಫ್ಯಾಷನ್‌ ಲೋಕದಲ್ಲಿ ಸದ್ಯಕ್ಕೆ ಮುರಿಯದ ದಾಖಲೆ ಮಾಡಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Neetha Ambani Jewel Love: ನೀತಾ ಅಂಬಾನಿಯ ದುಬಾರಿ ಜ್ಯುವೆಲರಿ ಪ್ರೇಮ!