-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸದಾ ಸೆಕ್ಸಿ ಇಮೇಜ್‌ನಿಂದ ಸೆಳೆಯುವ ಕಿಮ್‌ ಕಾರ್ಡಶಿಯಾನ್‌ (kim kardashian saree fashion) ಅಂಬಾನಿ ಫ್ಯಾಮಿಲಿಯ ಮದುವೆಯಲ್ಲಿ, ರೆಡಿ ರೆಡ್‌ ಸೀರೆಯುಟ್ಟು ಸಂಭ್ರಮಿಸಿದ್ದು, ಪ್ರಪಂಚದಾದ್ಯಂತ ಅವರಿಗಿರುವ ಕೋಟಿಗಟ್ಟಲೇ ಅಭಿಮಾನಿಗಳನ್ನು ಸೆಳೆದಿದೆ. ಅಂದಹಾಗೆ, ಕಿಮ್‌ ಕಾರ್ಡಶಿಯಾನ್‌ ಯಾರಿಗೆ ಗೊತ್ತಿಲ್ಲ! ಪ್ರಪಂಚದ ಸೆಕ್ಸಿ ಮಹಿಳೆಯರಲ್ಲಿ ಒಬ್ಬರು ಎಂದು ಖ್ಯಾತಿಗಳಿಸಿದ ಹಾಲಿವುಡ್‌ ನಟಿ ಹಾಗೂ ಇಂಟರ್‌ನ್ಯಾಷನಲ್‌ ಸೆಲೆಬ್ರೆಟಿ ಇವರು.
ನಟಿ, ಮಾಡೆಲ್‌ ಮಾತ್ರವಲ್ಲ, ಸಕ್ಸ್‌ಫುಲ್‌ ಬಿಸ್ನೆಸ್‌ ವುಮೆನ್‌ ಕೂಡ. ಅಂಬಾನಿ ಫ್ಯಾಮಿಲಿಯ ಅನಂತ್-ರಾಧಿಕಾ ಮರ್ಚೆಂಟ್‌ ವೆಡ್ಡಿಂಗ್‌ಗೆ ಸಹೋದರಿ ಖ್ಲೋ ಜೊತೆಗೆ ಆಗಮಿಸಿದ್ದ ಕಿಮ್‌, ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಡಿಸೈನರ್‌ವೇರ್‌ ಹಾಗೂ ಜ್ಯುವೆಲರಿಗಳನ್ನು ಧರಿಸಿ, ಸೀರೆಯಲ್ಲೂ ಸೆಕ್ಸಿಯಾಗಿ ಕಾಣಿಸಿಕೊಂಡರು.
ಸೀರೆಯಲ್ಲೂ ಸೆಕ್ಸಿ ಲುಕ್‌
ಸದಾ ಎಕ್ಸ್ಪೋಸಿಂಗ್‌ ವೆಸ್ಟರ್ನ್‌ ಔಟ್‌ಫಿಟ್‌ಗಳಲ್ಲೆ ಕಾಣಿಸುವ ಕಿಮ್‌, ಅಂಬಾನಿ ಫ್ಯಾಮಿಲಿಯ ಮದುವೆಗಾಗಿ ರೆಡಿ ರೆಡ್‌ ಸೀರೆ ಧರಿಸಿದ್ದರು. ಗ್ಲಿಟ್ಟರ್‌ ರೆಡ್‌ ಸೀರೆಯನ್ನು ಉಟ್ಟಿದ್ದರು. ಆಫ್‌ ಶೋಲ್ಡರ್‌ ಡಿಸೈನ್‌ನ ಡಬ್ಬಲ್‌ ಸ್ಟ್ರಾಪ್‌ ಹೊಂದಿರುವ ವೈಡ್‌ ನೆಕ್‌ನ ಬಿಕಿನಿ ಶೈಲಿಯ ಟಾಸೆಲ್‌ ಬ್ಲೌಸ್‌ ಧರಿಸಿದ್ದರು. ಇನ್ನು, ಫ್ರೀ ವೆವ್ವಿ ಹೇರ್‌ಸ್ಟೈಲ್‌ಗೆ ಜರ್ಕೋನಿ ಮಾಂಗ್‌ಟೀಕಾ ಹಾಗೂ ಎರಡು ಲೇಯರ್‌ನ ನೆಕ್ಲೇಸ್‌, ಬ್ರೇಸ್‌ಲೆಟ್‌ ಧರಿಸಿ ನೋಡುಗರ ಮನಸೆಳೆದರು.
ಇವರ ಸಹೋದರಿ ಕೂಡ ಐವರಿ ಶೇಡ್‌ನ ಗ್ರ್ಯಾಂಡ್‌ ಡಿಸೈನರ್‌ ಸೀರೆ ಹಾಗೂ ಹೆವ್ವಿ ಲುಕ್‌ ನೀಡುವ ಮಾಂಗ್‌ಟೀಕಾ ಹಾಗೂ ಲೇಯರ್‌ ಜಿರ್ಕೋನ್‌ ಹಾರಗಳನ್ನು ಧರಿಸಿ, ಕೆಲವು ಕಾಲ ಇಂಡಿಯನ್‌ ಲುಕ್‌ನಲ್ಲಿ ಮಿಂಚಿದರು. ಸ್ಟೈಲಿಶ್‌ ಡಾನಿ ಸ್ಟೈಲಿಂಗ್‌ ಇಬ್ಬರನ್ನು ಅತ್ಯಾಕರ್ಷಕವಾಗಿ ಬಿಂಬಿಸಿತ್ತು.
ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಸಂತಸ
“ಕಿಮ್‌, ನಮ್ಮ ಇಂಡಿಯನ್‌ ಔಟ್‌ಫಿಟ್‌ ಧರಿಸಿದ್ದು, ಹೆಮ್ಮೆಯ ವಿಚಾರ. ಅಂತರಾಷ್ಟ್ರೀಯ ಮಟ್ಟದ ಸೆಲೆಬ್ರೆಟಿಗಳು ಈ ರೀತಿ ಭಾರತೀಯ ಉಡುಪುಗಳನ್ನು ಧರಿಸಿದಾಗ, ಇಲ್ಲಿನ ಡಿಸೈನ್‌ಗಳಿಗೆ ಹೆಚ್ಚು ಆದ್ಯತೆ ದೊರಕಿದಂತಾಗುತ್ತದೆ ” ಎಂದು ಮನೀಶ್‌ ಮಲ್ಹೋತ್ರಾ ಸಂತಸ ವ್ಯಕ್ತಪಡಿಸಿದ್ದಾರೆ.
ಅಲ್ಲದೇ, ಕಿಮ್‌ ಸಹೋದರಿಯರ ಮುಂಬರುವ ರಿಯಾಲಿಟಿ ಶೋನ ಸೀರೀಸ್‌ನಲ್ಲಿ, ಅಂಬಾನಿ ಫ್ಯಾಮಿಲಿಯ ಮದುವೆಯ ಝಲಕ್‌ಗಳು ಪ್ರಸಾರವಾಗುವ ಸಾಧ್ಯತೆಗಳಿದ್ದು, ಭಾರತೀಯ ಡಿಸೈನರ್‌ವೇರ್‌ಗಳು ಜಗತ್ತಿನಾದ್ಯಂತ ಕಾಣಿಸಿಕೊಳ್ಳಲಿವೆ. ಇದು ಪ್ರಶಂಸನೀಯ ಎನ್ನುತ್ತಾರೆ ಫ್ಯಾಷನ್ ಎಕ್ಸ್‌ಫರ್ಟ್ಸ್‌.
( ಲೇಖಕಿ ಫ್ಯಾಷನ್ ಪತ್ರಕರ್ತೆ )