-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಆಕಾಶದಿಂದ ಧರೆಗಿಳಿದ ಅಪ್ಸರೆಯಂತೆ ಕಾಣುತ್ತಿದ್ದರು ನಟಿ ಹಾಗೂ ಮಾಡೆಲ್‌ (Fashion Show News) ಇತಿ ಆಚಾರ್ಯ (Iti Acharya). ಅವರ ಸುತ್ತಮುತ್ತ ಎಲ್ಲರೂ ಶ್ವೇತವರ್ಣದ ಔಟ್‌ಫಿಟ್‌ನಲ್ಲಿದ್ದರು. ಇವರೆಲ್ಲರ ಮಧ್ಯೆ ಇತಿ ಮಾತ್ರ ಮಿನುಗುವ ವೈಟ್‌ ಶೇಡ್‌ನ ಸಿಕ್ವೀನ್ಸ್‌ ಡಿಸೈನರ್‌ ಔಟ್‌ಫಿಟ್‌ನಲ್ಲಿ ಧರೆಗಿಳಿದ ರಂಭೆಯಂತೆ ಕಾಣುತ್ತಿದ್ದರು.
ಹೌದು, ಸೆಲೆಬ್ರೆಟಿ ಡಿಸೈನರ್‌ ರಮೇಶ್‌ ಡೆಂಬ್ಲಾ ಬೆಂಗಳೂರಿನ ಅರೆನಾದಲ್ಲಿ ಆಯೋಜಿಸಿದ್ದ ಫ್ಯಾಷನ್‌ ಶೋ ಹಾಗೂ ಪೇಜ್‌ ತ್ರೀ ಪಾರ್ಟಿಯಲ್ಲಿ ಇತಿ ಆಚಾರ್ಯ ಕಾಣಿಸಿಕೊಂಡದ್ದು ಹೀಗೆ. ಇನ್ನು ಇವರೊಂದಿಗೆ ಕ್ಯಾಟ್‌ ವಾಕ್‌ ಮಾಡಿದ ಮಾಡೆಲ್‌ಗಳೆಲ್ಲರೂ ಎಂದಿನಂತೆ ಆಕರ್ಷಕವಾಗಿ ಕಾಣುತ್ತಿದ್ದರು. ಪಕ್ಕಾ ರ್ಯಾಂಪ್ ಅಲ್ಲದಿದ್ದರೂ ಹೆಜ್ಜೆ ಹಾಕುತ್ತಾ ಇಡೀ ಕಾರ್ಯಕ್ರಮದ ರಂಗು ಹೆಚ್ಚಿಸಿದ್ದರು. ಹೊಳೆಯುವ ತಾರೆಯರಂತೆ ಕಾಣಿಸುತ್ತಿದ್ದರು.
ಇತಿ ಆಚಾರ್ಯ ಸೆಲೆಬ್ರೆಟಿ ಶೋ ಸ್ಟಾಪರ್‌
ನಟಿ ಹಾಗೂ ಮಾಡೆಲ್‌ ಇತಿ ಆಚಾರ್ಯ ಈ ಫ್ಯಾಷನ್‌ ಶೋನ ಸೆಲೆಬ್ರೆಟಿ ಶೋ ಸ್ಟಾಪರ್‌ ಆಗಿ ಮಿಂಚಿದರು. ನೋಡಲು ಥೇಟ್‌ ಅಪ್ಸರೆಯಂತೆ ಕಾಣಿಸುತ್ತಿದ್ದರು. ಹೊಳೆಯುವ ಶ್ವೇತ ವರ್ಣದ ಡಿಸೈನರ್‌ವೇರ್‌ ಅವರ ಇಡೀ ಲುಕ್‌ ಅನ್ನು ಕಂಪ್ಲೀಟ್‌ ಬದಲಿಸಿತ್ತು. ಇವರು ಅವರೇನಾ! ಎನ್ನುವಷ್ಟರ ಮಟ್ಟಿಗೆ ಸುಂದರವಾಗಿ ಕಾಣಿಸುತ್ತಿದ್ದರು.
ಇದನ್ನೂ ಓದಿ: Iti Acharya | ನ್ಯೂಯಾರ್ಕ್‌ ಟೈಮ್ಸ್‌ ಸ್ಕ್ವೇರ್‌ ಬಿಲ್‌ ಬೋರ್ಡ್‌ನಲ್ಲಿ ಮಿಂಚಿದ ಕನ್ನಡತಿ ಇತಿ ಆಚಾರ್ಯ
ರಮೇಶ್‌ ಡೆಂಬ್ಲಾ ಶೋನಲ್ಲಿ ವಾಕ್‌ ಮಾಡುವುದೇ ಖುಷಿ
ತಮ್ಮ ಡಿಸೈನರ್‌ವೇರ್‌ ಬಗ್ಗೆ ಮಾತನಾಡಿದ ನಟಿ ಇತಿ ಆಚಾರ್ಯ, ರೈನೋಸ್ಟೋನ್ಸ್‌ನಿಂದ ವಿನ್ಯಾಸಗೊಳಿಸಿದ ಆಯಿಸ್ಟರ್‌ ಟಾಪ್‌ ಹಾಗೂ ಸಿಲ್ವರ್‌ ಸಿಕ್ಷಿನ್ಸ್ನಿಂದ ಸ್ಕರ್ಟ್ ಸಿದ್ಧಪಡಿಸಲಾಗಿದೆ. ಇನ್ನು ಧರಿಸಿದ ಹೆಡ್‌ಗೇರ್‌ ಅತ್ಯಾಕರ್ಷಕವಾಗಿದೆ. ಇದಕ್ಕೆಲ್ಲಾ ಕಾರಣ ರಮೇಶ್‌ ಡೆಂಬ್ಲಾ ಎಂದಿದ್ದಾರೆ ಅವರು. ಈಗಾಗಲೇ ಸಾಕಷ್ಟು ಫ್ಯಾಷನ್‌ ಶೋಗಳಲ್ಲಿ ಸೆಲೆಬ್ರೆಟಿ ಶೋ ಸ್ಟಾಫರ್‌ ಆಗಿ ವಾಕ್‌ ಮಾಡಿದ್ದೇನೆ. ಇಂದಿಗೂ ಮಾಡುತ್ತಿದ್ದೇನೆ. ಆದರೆ, ಸೆಲೆಬ್ರೆಟಿ ಡಿಸೈನರ್‌ ರಮೇಶ್‌ ಡೆಂಬ್ಲಾ ಅವರು ಡಿಸೈನ್‌ ಮಾಡಿದ ಉಡುಪಿನಲ್ಲಿ ವಾಕ್‌ ಮಾಡುವುದೇ ಒಂದು ಹೆಗ್ಗಳಿಕೆ. ಇವರ ಶೋನಲ್ಲಿ ನಾನು ವಾಕ್‌ ಮಾಡುತ್ತಿರುವುದು ಇದು ಎರಡನೆಯ ಬಾರಿ. ಮತ್ತೊಮ್ಮೆ ಅವರ ಶೋನಲ್ಲಿ ವಾಕ್‌ ಮಾಡಲು ಅವಕಾಶ ದೊರೆತದ್ದು ನನಗೆ ಖುಷಿಯಾಗಿದೆ. ಬೆಂಗಳೂರು ಫ್ಯಾಷನ್‌ ಶೋಗಳು ಇದೀಗ ಹೊಸತನವನ್ನು ರೂಢಿಸಿಕೊಂಡಿವೆ. ಹೊಸ ಕ್ರಿಯೇಟಿವಿಟಿಗೆ ದಾರಿ ಮಾಡಿ ಕೊಡುತ್ತಿವೆ. ಇದು ಮಾಡೆಲ್‌ಗಳಿಗೂ ಹೊಸದಾಗಿ ಕಾಣಿಸಿಕೊಳ್ಳಲು ಸಹಕಾರಿಯಾಗಿವೆ ಎಂದು ನಟಿ ಇತಿ ಆಚಾರ್ಯ ವಿಸ್ತಾರದೊಂದಿಗೆ ಹಂಚಿಕೊಂಡಿದ್ದಾರೆ.
ಕಳೆದ ಬಾರಿ ಆಸ್ಕರ್‌ನ ರೆಡ್‌ಕಾರ್ಪೆಟ್‌ ತುಳಿದು ಸುದ್ದಿ ಮಾಡಿದ್ದ ಇತಿ ಆಚಾರ್ಯ ಈಗಾಗಲೇ ಕನ್ನಡ ಸಿನಿಮಾವೊಂದರಲ್ಲಿ ಬ್ಯುಸಿಯಾಗಿದ್ದಾರೆ. ಜತೆಜತೆಗೆ ರ್ಯಾಂಪ್ ಶೋಗಳಲ್ಲೂ ಕಾಣಿಸಿಕೊಳ್ಳುತ್ತಿರುತ್ತಾರೆ.
ಚಿತ್ರಗಳು: ಇತಿ ಆಚಾರ್ಯ, ಮಾಡೆಲ್‌/ನಟಿ
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)