ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನಟ್‌ & ಬೋಲ್ಟ್ ಒರ್ರಿಯ ಕಿವಿಯನ್ನೇರಿವೆ. ಹೌದು, ಖ್ಯಾತ ಫ್ಯಾಷನ್‌ ಇನ್‌ಫ್ಲೂಯೆನ್ಸರ್ ಹಾಗೂ ಬಾಲಿವುಡ್‌ ಪೇಜ್‌ ತ್ರಿ ಸ್ಟಾರ್‌ ಒರ್ರಿಯ ಪ್ರಯೋಗಾತ್ಮಕ ಫ್ಯಾಷನ್‌ನಲ್ಲಿ ಇದೀಗ ನಟ್‌ & ಬೋಲ್ಟ್‌ಗೆ (Orrys Nut & Bolt Earring Fashion) ಸ್ಥಾನ ದೊರಕಿದೆ. ಅದು ಯಾವ ರೀತಿಯಲ್ಲಿ ಅಂತಿರಾ! ಸ್ಟಡ್ಸ್ ಹಾಗೂ ರಿಂಗ್‌ಗಳನ್ನು ಧರಿಸುವ ಕಿವಿಯೊಲೆಯ ಜಾಗವನ್ನು ಇವು ಆಕ್ರಮಿಸಿವೆ.
ಒರ್ರಿಯ ವಿಚಿತ್ರ ಫ್ಯಾಷನ್‌ಗಳಲ್ಲೊಂದು
ಒರ್ರಿಯದು ಇದೆಂತಹ ಫ್ಯಾಷನ್‌? ಇದ್ಯಾವ ಬಗೆಯ ಕ್ರೇಜ್ ಎಂದು ಯೋಚಿಸುತ್ತಿದ್ದೀರಾ! ಇದು ಆತನ ನ್ಯೂ ಸ್ಟೈಲ್‌! ಪ್ರತಿ ಪಾರ್ಟಿ, ಅವಾರ್ಡ್ ಫಂಕ್ಷನ್‌ ಅಥವಾ ಬಾಲಿವುಡ್‌ ಗೆಟ್‌ ಟುಗೆದರ್‌ನಲ್ಲಿ ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಒರ್ರಿ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗಳ ಕಥೆಯೇ ಹಾಗೇ! ಒಂದೊಂದು ಬಾರಿಯೂ ಒಂದೊಂದು ರೀತಿಯಲ್ಲಿ ಕಾಣಿಸಿಕೊಳ್ಳುವುದು ಮಾಮೂಲು! ಅದರಲ್ಲೂ, ಚಿತ್ರ-ವಿಚಿತ್ರ ಡಿಸೈನರ್‌ವೇರ್‌ ಇಲ್ಲವೇ, ಮೊಬೈಲ್‌ ಕವರ್‌ ಅಥವಾ ವೈಲ್ಡ್ ಆಕ್ಸೆಸರೀಸ್‌ಗಳನ್ನು ಬಳಸಿ, ಧರಿಸಿ, ನೋಡುಗರ ಹುಬ್ಬೇರಿಸುತ್ತಾರೆ. ಅಷ್ಟೇಕೆ! ಮುಂಬಯಿಯ ಪಾಪ್ಹಾರಾಜಿ ಕೂಡ ಸದಾ ಇವರ ಹಿಂದೆಯೇ ಇದೇ ಕಾರಣಕ್ಕಾಗಿ ಹಿಂದೆ ಬಿದ್ದಿರುತ್ತದೆ. ಪ್ರತಿಬಾರಿಯೂ ತಮ್ಮ ಫಂಕಿ-ಜಂಕ್‌ ಅಥವಾ ವಿಯರ್ಡ್ ಫ್ಯಾಷನ್‌ನಲ್ಲಿ ಕಾಣಿಸಿಕೊಂಡು, ಸೋಷಿಯಲ್‌ ಮೀಡಿಯಾದಲ್ಲೂ ಸದಾ ಕ್ರೇಝಿ ಫ್ಯಾಷನ್‌ ಫೋಟೋಗಳನ್ನು ಅಪ್‌ಲೋಡ್‌ ಮಾಡಿ ಫ್ಯಾಷನ್‌ ಪ್ರಿಯರನ್ನು ಸೆಳೆಯುತ್ತಿರುತ್ತಾರೆ. ಹಾಗಾದಲ್ಲಿ, ಒರ್ರಿಯ ಈ ಫ್ಯಾಷನ್‌ ಬಗ್ಗೆ ಫ್ಯಾಷನ್‌ ವಿಮರ್ಶಕರು ಏನು ಹೇಳುತ್ತಾರೆ? ಇಲ್ಲಿದೆ ಡಿಟೇಲ್ಸ್.
ಒರ್ರಿಯದು ಪ್ರಯೋಗಾತ್ಮಕ ಫ್ಯಾಷನ್‌
ಒರ್ರಿಯದು ತೀರಾ ಹೆಚ್ಚಾದ ಪ್ರಯೋಗಾತ್ಮಕ ಫ್ಯಾಷನ್‌ ಕ್ರೇಝ್‌ ಎನ್ನಬಹುದು. ಯಾಕೆಂದರೇ, ಯಾವುದೇ ಫ್ಯಾಷನ್‌ ವಿಮರ್ಶೆಗೂ ಜಗ್ಗದೇ-ಬಗ್ಗದೇ ತಮ್ಮದೇ ಆದ ಬಿಂದಾಸ್‌ ಫ್ಯಾಷನ್‌ ರೂಲ್ಸ್ ಹುಟ್ಟುಹಾಕಿಕೊಂಡು, ಎಲ್ಲರೂ ಹುಬ್ಬೇರಿಸುವ ಸ್ಟೈಲಿಂಗ್‌ ಮಾಡುವ, ಅದನ್ನು ಕ್ಯಾರಿ ಮಾಡುವ ಒರ್ರಿಯ ಫ್ಯಾಷನ್‌ ಸೆನ್ಸ್ ಮೆಚ್ಚಲೇಬೇಕು! ಇಂತಹ ವ್ಯಕ್ತಿತ್ವ ತೀರಾ ಕಡಿಮೆ ಹುಡುಗರಲ್ಲಿ ಕಂಡುಬರುತ್ತದೆ. ಯಾವುದೇ ಮುಲಾಜಿಲ್ಲದೇ ವೈಲ್ಡ್ ಫ್ಯಾಷನ್‌ನಿಂದಿಡಿದು, ಫಂಕಿ ಫ್ಯಾಷನನ್ನು ಕೂಡ ಕ್ಯಾರಿ ಮಾಡುವ ಒರ್ರಿಯ ಈ ಲೈಫ್‌ಸ್ಟೈಲ್‌ ಬ್ರಾಂಡ್‌ಗೆ ಲೆಬೆಲ್‌ಗೆ ಮಾತ್ರ ಸೀಮಿತವಾಗಿಲ್ಲ! ಬದಲಿಗೆ ಊಹೆಗೂ ಮೀರಿದ ಜಂಕ್‌ ಆಕ್ಸೇಸರೀಸ್‌ ಸ್ಟೈಲಿಂಗ್‌ಗೂ ಸಾಥ್‌ ನೀಡುತ್ತಿದೆ. ಹಾಗಾಗಿ ಇದೀಗ ಒರ್ರಿಯೇ ಸೆಲ್ಫ್‌ ಬ್ರಾಂಡ್‌ ಸೃಷ್ಟಿಸಿಕೊಂಡಿದ್ದಾರೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
ಒಟ್ಟಿನಲ್ಲಿ, ಪ್ರತಿ ಬಾರಿಯೂ ಫ್ಯಾಷನ್‌ಲೋಕದಲ್ಲಿ ಕ್ರೇಜಿ ಸ್ಟೈಲಿಂಗ್‌ ಮಾಡುವ ಒರ್ರಿಯ ಪ್ರಯೋಗಾತ್ಮಕ ಫ್ಯಾಷನ್‌ಗೆ ಸದ್ಯಕ್ಕೆ ಕೊನೆಯಿಲ್ಲ ಎನ್ನಬಹುದು.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)