ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರ ಜಗಮಗಿಸುವ ಅತ್ಯಾಕರ್ಷಕ ಡಿಸೈನರ್‌ವೇರ್‌ ರೈನ್ಸ್ಟೋನ್ ಬಾಡಿಕಾನ್‌ ಜಂಪ್‌ಸೂಟ್‌ನಲ್ಲಿ ಸ್ಯಾಂಡಲ್‌ವುಡ್‌ ಯುವ ನಟಿ ಸಾನ್ಯಾ ಅಯ್ಯರ್ (Sandalwood Star Fashion) ರಾಕ್‌ಸ್ಟಾರ್‌ನಂತೆ ಕಂಗೊಳಿಸಿದ್ದಾರೆ. ನೋಡಲು ರಾಕ್‌ ಹಾಗೂ ಪಾಪ್‌ ಸ್ಟಾರ್‌ಗಳಾದ ರಿಹಾನಾ ಹಾಗೂ ಜೆನಿಫರ್‌ ಲೊಪೆಝ್‌ನಂತೆ ಇತ್ತೀಚಿನ ವೇದಿಕೆಯೊಂದರ ಪರ್ಫಾಮಾನ್ಸ್‌ವೊಂದರಲ್ಲಿ ಮಿಂಚಿದರು. ಅವರ ಈ ಅತ್ಯಾಕರ್ಷಕ ಡಿಸೈನರ್‌ವೇರ್‌ ಕುರಿತಂತೆ ಇಲ್ಲಿದೆ ಕಂಪ್ಲೀಟ್‌ ಡಿಟೇಲ್ಸ್.
ಏನಿದು ರೈನೋಸ್ಟೋನ್ ಬಾಡಿಕಾನ್‌ ಜಂಪ್‌ಸೂಟ್‌?
ಮೆರ್ಮೈಡ್ ಬಾಡಿಕಾನ್‌ ರೈನೋಸ್ಟೋನ್ ಜಂಪ್‌ಸೂಟ್‌, ರಾಕ್‌ ಸ್ಟಾರ್ ಹಾಗೂ ಪಾಪ್‌ಸ್ಟಾರ್ ಲುಕ್‌ ನೀಡುವಂತಹ ಡಿಸೈನರ್‌ವೇರ್‌. ಅಂದಹಾಗೆ, ಈ ಔಟ್‌ಫಿಟ್‌ಗೆ ಅತ್ಯುತ್ತಮ ಬಾಡಿ ಮಾಸ್‌ ಇಂಡೆಕ್ಸ್ ಹೊಂದಿರಬೇಕು. ಬಾಡಿ ಫಿಟ್‌ ಇರಬೇಕು. ಲೈಕ್ರಾ ಮೆಟಿರಿಯಲ್‌ನಲ್ಲಿ ಸಿದ್ಧಗೊಂಡಿರುವ ಈ ಔಟ್‌ಫಿಟ್‌ ಬ್ಲಾಕ್‌ ಸಿಕ್ವೀನ್ಸ್ ಪ್ಯಾಚ್‌ ವರ್ಕ್ನ ಫ್ಯಾಬ್ರಿಕ್‌ ಒಳಗೊಂಡಿದೆ. ಗ್ಲ್ಯೂ ಫಿನಿಶಿಂಗ್‌ ನೀಡುವ ಈ ಉಡುಪು ರೆಡ್‌ ಕಾರ್ಪೆಟ್ ಹಾಗೂ ಸ್ಟೇಜ್‌ ಕಾರ್ಯಕ್ರಮಗಳಿಗೆ ಪರ್ಫೆಕ್ಟ್ ಹೊಂದುತ್ತದೆ. ಇಡೀ ಡಿಸೈನರ್‌ವೇರ್‌ ಜ್ಯುವೆಲ್‌ನಂತೆ ಮಿನುಗುವುದರಿಂದ ಜ್ಯುವೆಲರಿಗಳನ್ನು ಧರಿಸುವ ಅಗತ್ಯವಿರುವುದಿಲ್ಲ, ಅಷ್ಟೊಂದು ಆಕರ್ಷಕವಾಗಿದೆ ಎನ್ನುತ್ತಾರೆ ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ.
ಸಾನ್ಯಾ ರೈನ್ ಸ್ಟೋನ್‌ ಜಂಪ್‌ಸೂಟ್‌ ಲವ್‌
ಈ ಕುರಿತಂತೆ ವಿಸ್ತಾರ ನ್ಯೂಸ್‌ನೊಂದಿಗೆ ಮಾತನಾಡಿದ ನಟಿ ಸಾನ್ಯಾ, ನನಗಂತೂ ಈ ಡಿಸೈನರ್‌ವೇರ್‌ ಬಹಳ ಇಷ್ಟವಾಯಿತು. ಯಾಕೆಂದರೇ, ವಕೌಟ್‌ ಮಾಡುವ ನಮಗೆ ಫಿಟ್ನೆಸ್‌ ಬಗ್ಗೆ ತುಸು ಪ್ರೀತಿ ಜಾಸ್ತಿ. ಇದಕ್ಕೆ ಪೂರಕ ಎಂಬಂತೆ, ಲಕ್ಷ್ಮಿ ಕೃಷ್ಣ ಅವರ ಈ ಡಿಸೈನರ್‌ವೇರ್‌ ಧರಿಸಿದಾಗ ಆಗಿದ್ದ ಖುಷಿಗೆ ಪಾರವೇ ಇರಲಿಲ್ಲ! ರಾಕ್‌ಸ್ಟಾರ್‌ ಫಿಲೀಂಗ್‌ ನೀಡಿತು. ಇದು ನನ್ನ ಅಲ್ಟಿಮೆಂಟ್‌ ಫ್ಯಾಷನ್‌ವೇರ್‌ ಆಗಿತ್ತು! ಇದುವರೆಗೂ ಈ ರೀತಿಯ ಫ್ಯಾಷನ್‌ವೇರ್‌ ನಾನು ಧರಿಸಿಯೇ ಇರಲಿಲ್ಲ! ಈ ಔಟ್‌ಫಿಟ್‌ ಎಷ್ಟೊಂದು ಕ್ರಿಯೇಟಿವ್‌ ಆಗಿತ್ತೆಂದರೇ ಡಿಸೈನರನ್ನು ಪ್ರಶಂಸಿಸಲೇಬೇಕು ಎನ್ನುತ್ತಾರೆ. ಅವರ ಪ್ರಕಾರ, ಔಟ್‌ಆಫ್‌ ಬಾಕ್ಸ್ ಯೋಚನೆ ಮಾಡಿದಾಗ ಮಾತ್ರ ಡಿಸೈನರ್‌ಗಳಿಗೆ ಇಂತಹ ಕ್ರಿಯೇಟಿವ್‌ ಫ್ಯಾಷನ್‌ ಸೃಷ್ಟಿಸಲು ಸಾಧ್ಯ ಎಂದು ಹೊಗಳುತ್ತಾರೆ.
ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಮಾತು
ಈ ಡಿಸೈನರ್‌ವೇರ್‌ ಸಿದ್ಧಪಡಿಸಲು ಅದರ ಮೇಲಿನ ವರ್ಕ್‌ಗಾಗಿ ಸರಿಸುಮಾರು 3000 ಗಂಟೆಗಳು ಹಿಡಿದಿವೆ. ಇದೊಂದು ಪ್ರಯೋಗಾತ್ಮಕ ಕಾಸ್ಟ್ಯೂಮ್‌. ಸುಮಾರು 5000 ರೈನ್‌ಸ್ಟೋನ್ಸ್ ಈ ಉಡುಪಿನ ಮೇಲಿದೆ. ಸ್ಯಾಂಡಲ್‌ವುಡ್‌ ತಾರೆಯರು ಕೂಡ ಇಂತಹ ಗ್ರ್ಯಾಂಡ್‌ ಡಿಸೈನರ್‌ವೇರ್‌ ಧರಿಸಿ ಪರ್ಫಮಾನ್ಸ್ ಮಾಡಬೇಕೆಂಬ ಆಸೆ ಮೊದಲಿನಿಂದಲೂ ಇತ್ತು. ಡಿಜಿಟಲ್‌ ಪ್ರಿಂಟ್‌ ಹಾಗೂ ಹ್ಯಾಂಡ್‌ವರ್ಕ್‌ನಿಂದ ಕೂಡಿರುವ ಈ ಡ್ರೆಸ್, ಸಾನ್ಯಾ ಧರಿಸಿದ್ದು ನನಗೆ ಖುಷಿಯಾಯಿತು ಎಂದು ತಮ್ಮ ಎಕ್ಸ್ ಕ್ಲೂಸೀವ್‌ ಡಿಸೈನರ್‌ವೇರ್‌ ಬಗ್ಗೆ ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ವಿಸ್ತಾರ ನ್ಯೂಸ್‌ಗೆ ವಿವರಿಸಿದ್ದಾರೆ.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Saree Blouse Design: ಗ್ರ್ಯಾಂಡ್‌ ಸೀರೆ ಬ್ಲೌಸ್‌ಗೆ ಅತ್ಯಾಕರ್ಷಕ ಬಾಜುಬಂದ್‌ ಎಂಬ್ರಾಯ್ಡರಿ ಡಿಸೈನ್‌ ಹೇಗಿದೆ ನೋಡಿ!