ನಾಡ ಹಬ್ಬ ನವರಾತ್ರಿಯ (Navaratri 2022) ಸಂಭ್ರಮ ಹೆಚ್ಚಿಸಲು “ವಿಸ್ತಾರ ನ್ಯೂಸ್‌ʼʼ ಆರಂಭಿಸಿರುವ ನವರಾತ್ರಿ ನವವರ್ಣ ವಿಡಿಯೊ ಸಂಭ್ರಮ ಡಿಜಿಟಲ್‌ ವೇದಿಕೆಗೆ ಅಭೂತಪೂರ್ವ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ನವರಾತ್ರಿಯ ಮೂರನೇ ದಿನದಂದು ನೀಲಿ ವರ್ಣದ ಉಡುಗೆ ತೊಟ್ಟ ಮಹಿಳೆಯರು ತಮ್ಮ ಸಂಭ್ರಮವನ್ನು ವಿಡಿಯೊ ಮೂಲಕ ಹಂಚಿಕೊಂಡಿದ್ದಾರೆ.
ಪಾಪ ರಹಿತವಾದ ಪರಿಶುದ್ಧವಾದ ವಿಶಾಲ ಆಕಾಶ ನೀಲಿ ಬಣ್ಣದಿಂದ ಕೂಡಿದೆ. ಹೀಗೆಯೇ ನಾವು ಪಾಪದಿಂದ ದೂರವಿದ್ದು ಮಾನಸಿಕ ಸಮತೋಲನೆಯನ್ನು ಕಾಪಾಡಿಕೊಳ್ಳುವಂತೆ ದೇವಿಯಲ್ಲಿ ಪ್ರಾರ್ಥಿಸಿ ಮೂರನೆಯ ದಿನದಂದು ನೀಲಿ ವಸ್ತ್ರಧಾರಣೆ ಮಾಡಿದ ಮಹಿಳೆಯರು, ತಮ್ಮವರೊಂದಿಗೆ ಸೇರಿಕೊಂಡು ವಿಡಿಯೊ ಮಾಡಿ ನಮಗೆ ಕಳುಹಿಸಿದ್ದಾರೆ. ಹೀಗೆ ಬಂದ ನೂರಾರು ವಿಡಿಯೊಗಳಲ್ಲಿ ಕೆಲವನ್ನಷ್ಟೇ #ವಿಸ್ತಾರನ್ಯೂಸ್‌ ನ ಡಿಜಿಟಲ್‌ ವೇದಿಕೆಯಲ್ಲಿ ಪ್ರದರ್ಶಿಸಲಾಗಿದೆ.
ನೀಲಿಯ ವಸ್ತ್ರವನ್ನು ಧರಿಸಿ, ನೃತ್ಯ ಮಾಡಿದ, ಭಜನೆ ಮಾಡಿದ, ಫ್ಯಾಷನ್‌ ಶೋನಂತೆ ಬೆಕ್ಕಿನ ಹೆಜ್ಜೆ ಇಟ್ಟ ಮಹಿಳೆಯರ ವಿಡಿಯೊಗಳನ್ನು ನೋಡುವುದೇ ಚೆಂದ. ಇಂತಹ ಕೆಲ ವಿಡಿಯೊಗಳು ಇಲ್ಲಿವೆ. ಇದನ್ನು ನೋಡಿ, ಹಾಗೆಯೇ ನೀವೂ ಈ ಸಂಭ್ರಮದಲ್ಲಿ ಭಾಗಿಯಾಗಿ.
