ನವದೆಹಲಿ: ಪ್ರತಿ ವರ್ಷ ಶ್ರೀಮಂತ ಸೆಲೆಬ್ರಿಟಿಗಳ ಪಟ್ಟಿ ಪ್ರಕಟವಾಗುತ್ತದೆ. ಅದರಲ್ಲೇನೂ ಅಂಥ ಹೊಸದಿಲ್ಲ ಬಿಡಿ. ಆದರೆ, ಈ ಸೆಲೆಬ್ರಿಟಿಗಳ ಮನೆಯ ಸಾಕು ಪ್ರಾಣಿಗಳಾದ (Richest Pet) ಬೆಕ್ಕು, ನಾಯಿಗಳೂ ಶ್ರೀಮಂತರ ಪಟ್ಟಿಯಲ್ಲಿವೆ ಎಂದರೆ ಆಶ್ಚರ್ಯ ಖಂಡಿತವಾಗುತ್ತದೆ. ಅಮೆರಿಕದ ಸಿಂಗರ್ ಟೇಲರ್ ಸ್ವಿಫ್ಟ್ (Taylor Swift) ಅವರ ಬೆಕ್ಕು(Olivia Benson) ಈಗ ಜಗತ್ತಿನ ಮೂರನೇ ಅತಿದೊಡ್ಡ ಶ್ರೀಮಂತ ಬೆಕ್ಕು ಎಂಬ ಖ್ಯಾತಿ ಗಳಿಸಿದೆ! ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಫೇಮಸ್ ಆಗಿರುವ ಟೈಲರ್ ಸ್ವಿಫ್ಟ್ ಅವರ, ಒಲಿವಿಯಾ ಬೆನ್ಸನ್ ಬೆಕ್ಕು (Olivia Benson Cat) ನಮ್ಮ, ನಿಮ್ಮ ಮನೆಯಲ್ಲಿರುವಂಥ ಸಾಮಾನ್ಯ ಬೆಕ್ಕಲ್ಲ ಬಿಡಿ. ಯಾಕೆಂದರೆ, ಇದು ಇನ್‌ಸ್ಟಾಗ್ರಾಮ್‌ ಸೆಲೆಬ್ರಿಟಿ.
ಈ ಬೆಕ್ಕಿನ ಮೌಲ್ಯ ಸುಮಾರು 97 ಮಿಲಿಯನ್ ಡಾಲರ್. ಅಂದರೆ, ರೂಪಾಯಿ ಲೆಕ್ಕದಲ್ಲಿ ಸುಮಾರು 800 ಕೋಟಿ ರೂ. ಇಷ್ಟೊಂದು ಮೌಲ್ಯವನ್ನು ಪರಿಗಣಿಸಿದರೆ, ಈ ಬೆಕ್ಕು ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಮಾತ್ರ ಅಷ್ಟೇ ಅಲ್ಲ ಎಂದು ಹೇಳಬಹುದು. ಬಹುಶಃ ಇದು ಅದರ ಮಾನವ ಪೋಷಕರು ಯಾರೆಂಬುದರ ಜೊತೆಗೆ ಏನಾದರೂ ಸಂಬಂಧವನ್ನು ಹೊಂದಿರಬಹುದು!
ಈ ಬೆಕ್ಕು ಸೋಷಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಮಾತ್ರವಲ್ಲದೇ, ನಿರಂತರವಾಗಿ ಜಾಹೀರಾತು, ಸಂಗೀತ ವಿಡಿಯೋ ಆಲ್ಬಮ್‌ಗಳಲ್ಲಿ ತನ್ನ ಓನರ್ ಜತೆಗೆ ಕಾಣಿಸಿಕೊಳ್ಳುವ ಮೂಲಕ ಆದಾಯವನ್ನು ಗಳಿಸುತ್ತಿದೆ. ಗೊತ್ತಾಗಿರುವ ಮೌಲ್ಯಕ್ಕೆ ಮ್ಯಾಚ್ ಮಾಡಲು ಇಷ್ಟು ಸಾಕಾಗುವುದಿಲ್ಲ ಎಂದರೆ ನೀವು, ಅದಕ್ಕೂ ಉತ್ತರವಿದೆ. ಅದು ತನ್ನದೇ ಆದ ಮಾರಾಟದ ಸರಕುಗಳನ್ನು ಕೂಡ ಹೊಂದಿದೆ ಎಂಬುದು ನಿಮ್ಮ ಗಮನಕ್ಕೆ ಇರಲಿ. ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ಹಲವರು, ಇಷ್ಟೊಂದು ಆದಾಯನ್ನು ಹೊಂದಿರುವ ಬೆಕ್ಕು ಆದಾಯ ತೆರಿಗೆಯನ್ನು ಕಟ್ಟತ್ತಾ ಎಂದು ಹಲವರು ಪ್ರಶ್ನಿಸಿದ್ದಾರೆ.
ಅದೆಲ್ಲ ಓಕೆ, ಸಿಂಗರ್ ಟೇಲರ್ ಸ್ವಿಫ್ಟ್ ಅವರ ಬೆಕ್ಕು ಮೂರನೇ ಶ್ರೀಮಂತ ಬೆಕ್ಕು ಎನ್ನುವುದಾದರೆ, ಮೊದಲರೆಡು ಸ್ಥಾನಗಳಲ್ಲಿರುವ ಸಾಕುಪ್ರಾಣಿಗಳು ಯಾವವು? ಗುಂಥೇರ್ ಕಾರ್ಪೊರೇಷನ್‌ನ ಜರ್ಮನ್ ಶೆಫರ್ಡ್, 6ನೇ ಗುಂಥೇರ್ (Gunther VI) ನಾಯಿ ಆಸ್ತಿ ಸುಮಾರು 420 ಮಿಲಿಯನ್ ಡಾಲರ್ ಇದ್ದು, ಶ್ರೀಮಂತ ಸಾಕು ಪ್ರಾಣಿಗಳ ಪಟ್ಟಿಯಲ್ಲಿ ಮೊದಲನೆಯ ಸ್ಥಾನದಲ್ಲಿದೆ. ಎರಡನೇ ಸ್ಥಾನದಲ್ಲಿ ಶಾನನ್ ಎಲ್ಲಿಸ್ ಮತ್ತು ಪೂಕಿ ಮೆಥಾಚಿಟ್ಟಿಫಾನ್ ಅವರ ನಲಾ ಬೆಕ್ಕು (Nala Cat) ಇದೆ.
ಇದನ್ನೂ ಓದಿ | Adani | ಗೌತಮ್‌ ಅದಾನಿ ಈಗ ವಿಶ್ವದ ಮೂರನೇ ಅತಿ ದೊಡ್ಡ ಶ್ರೀಮಂತ ವ್ಯಕ್ತಿ!