ಬ್ಯಾಂಕಾಕ್‌: ಅಸಾಧಾರಣ ಕೆಲಸಗಳು ಗಿನ್ನೆಸ್‌ ದಾಖಲೆಗೆ ಭಾಜನವಾಗುತ್ತವೆ. ಆದರೆ, ಥಾಯ್ಲೆಂಡ್‌ನಲ್ಲಿ ‘ಅಸಾಧಾರಣ ಚುಂಬನ’ವೊಂದು (Longest Kiss) ಗಿನ್ನೆಸ್‌ ರೆಕಾರ್ಡ್‌ಗೆ ಪಾತ್ರವಾಗಿದೆ. ಹೌದು, ಪತಿ, ಪತ್ನಿಯು ೫೮ ಗಂಟೆ, ೩೫ ನಿಮಿಷ ಹಾಗೂ ೫೮ ಸೆಕೆಂಡ್‌ಗಳವರೆಗೆ ಸತತವಾಗಿ ಲಿಪ್‌ಲಾಕ್‌ ಮಾಡಿದ್ದು ಗಿನ್ನೆಸ್‌ ದಾಖಲೆ ಬರೆದಿದೆ.
ವ್ಯಾಲೆಂಟೈನ್ಸ್‌ ಡೇ ಹಿನ್ನೆಲೆಯಲ್ಲಿ ೨೦೧೩ರಲ್ಲಿ ಪಟ್ಟಾಯದಲ್ಲಿ ‘ಸುದೀರ್ಘ ಚುಂಬನ’ ಸ್ಪರ್ಧೆಯನ್ನೂ ಏರ್ಪಡಿಸಲಾಗಿತ್ತು. ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಕ್ಕಚೈ ತಿರಾನಾರಾತ್ ಹಾಗೂ ಲಕ್ಸಾನಾ ತಿರಾನಾರಾತ್ ದಂಪತಿಯು ಫೆಬ್ರವರಿ ೧೨ರಿಂದ ೧೪ರವರೆಗೆ ಸತತವಾಗಿ ಮುತ್ತಿನ ಮತ್ತಿನಲ್ಲಿಯೇ ಕಾಲ ಕಳೆದಿದ್ದರು. ೨೦೧೩ರಿಂದ ಇದುವರೆಗೆ ಯಾರೂ ಇಷ್ಟು ಸುದೀರ್ಘವಾಗಿ ಕಿಸ್‌ ಮಾಡದ ಕಾರಣ ಥಾಯ್ಲೆಂಡ್‌ ದಂಪತಿಯದ್ದೇ ಸುದೀರ್ಘ ಚುಂಬನ ಎಂದು ಪರಿಗಣಿಸಿ ಗಿನ್ನೆಸ್‌ ದಾಖಲೆ ಎಂಬುದಾಗಿ ಘೋಷಿಸಲಾಗಿದೆ.
ಪ್ರೇಮಿಗಳ ದಿನದ ಹಿನ್ನೆಲೆಯಲ್ಲಿ ಆಯೋಜಿಸಿದ್ದ ಸ್ಪರ್ಧೆಯಲ್ಲಿ ಗೆದ್ದ ದಂಪತಿಗೆ ೨.೬೭ ಲಕ್ಷ ರೂ. ಹಾಗೂ ಎರಡು ಡೈಮಂಡ್‌ ಉಂಗುರಗಳೂ ಲಭಿಸಿದ್ದವು. ಇವರಿಗಿಂತ ಮೊದಲು ೨೦೧೧ರಲ್ಲಿ ೪೬ ಗಂಟೆ, ೨೪ ನಿಮಿಷ ಹಾಗೂ ೯ ಸೆಕೆಂಡ್‌ ಕಿಸ್‌ ಮಾಡಿದ್ದೇ ದಾಖಲೆಯಾಗಿತ್ತು.
ಇದನ್ನೂ ಓದಿ | Shivamogga SP | ಡಿಯರ್‌ ಎಸ್‌ಪಿ ಸರ್‌.. ಪ್ಲೀಸ್‌ ನನಗೆ ಹುಡುಗಿ ಹುಡುಕಿ ಕೊಡಿ; ಯುವಕ ಬರೆದ ಪತ್ರ ವೈರಲ್‌