ಬೆಂಗಳೂರು: ಎರಡು ವರ್ಷಗಳ ಹಿಂದೆ ಸ್ಟಾರ್‌ ಹೋಟೆಲ್‌ನಲ್ಲಿ 14 ಕೋಟಿ ರೂ. ಮೌಲ್ಯದ 45 ವೈನ್‌ ಬಾಟಲ್‌ಗಳನ್ನು ಕದ್ದು, ಸಿಕ್ಕಿಬಿದ್ದಿದ್ದ ಜೋಡಿಗೆ ಸ್ಪೇನ್‌ನ ನ್ಯಾಯಾಲಯ ಈಗ ಶಿಕ್ಷೆ ವಿಧಿಸಿದೆ. ಅಪರಾಧಿಗಳಿಗೆ ಜೈಲು ಶಿಕ್ಷೆ ವಿಧಿಸಿರುವುದಾಗಿ ನ್ಯಾಯಾಲಯ ಸೋಮವಾರ (Viral News) ಆದೇಶಿಸಿದೆ.
ಇದನ್ನೂ ಓದಿ: Rishab Shetty: ಮಗಳು ರಾದ್ಯಾ ಜನುಮದಿನದಂದು ಸ್ಪೆಷಲ್‌ ವಿಡಿಯೊ ಹಂಚಿಕೊಂಡ ಡಿವೈನ್‌ ಸ್ಟಾರ್‌ ರಿಷಬ್‌ ಶೆಟ್ಟಿ
ಮೆಕ್ಸಿಕೊ ನಾಗರಿಕಳಾಗಿರುವ ಪ್ರಿಸ್ಸಿಲಾ ಗುವೇರಾ(28) ಮತ್ತು ಆಕೆಯ ಪ್ರಿಯತಮ ಕಾನ್ಸ್ಟಾಂಟಿನ್ ಡುಮಿಟ್ರು(49) 2021ರ ಅಕ್ಟೋಬರ್‌ನಲ್ಲಿ ಮಿಚೆಲಿನ್‌ ಸ್ಟಾರ್‌ ರೆಸ್ಟೋರೆಂಟ್‌ಗೆ ತೆರಳಿದ್ದರು. ಅಲ್ಲಿ ರೂಮ್ ಬುಕ್‌ ಮಾಡಿಕೊಂಡಿದ್ದ ಅವರು ಮಧ್ಯರಾತ್ರಿ ಸಿಬ್ಬಂದಿಯನ್ನು ವಂಚಿಸಿ 45 ವೈನ್‌ ಬಾಟಲ್‌ಗಳನ್ನು ಕದ್ದಿದ್ದರು. ಆ ಬಾಟಲ್‌ಗಳ ಒಟ್ಟು ಮೌಲ್ಯ 14 ಕೋಟಿ ರೂ. ಎಂದು ಹೇಳಲಾಗಿತ್ತು.
ವೈನ್‌ ಬಾಟಲ್‌ಗಳನ್ನು ಕದಿಯಲೆಂದೇ ಈ ಜೋಡಿ ಒಟ್ಟು 14 ಕೋರ್ಸ್‌ಗಳನ್ನು ಆರ್ಡರ್‌ ಮಾಡಿತ್ತು. ಅದಲ್ಲದೆ ಮಧ್ಯ ರಾತ್ರಿ 2 ಗಂಟೆಗೆ ರಿಸೆಪ್ಶನಿಸ್ಟ್‌ ಬಳಿ ಹೋಗಿ ಡೆಸರ್ಟ್‌ ಮಾಡಿಕೊಡಿ ಎಂದು ಕೇಳಿತ್ತು. ಅಲ್ಲಿದ್ದ ಸಿಬ್ಬಂದಿ ಡೆಸರ್ಟ್‌ ಮಾಡಲು ಹೋದಾಗ ವೈನ್‌ ಇರುವ ಕೋಣೆಯ ಕೀ ಕದ್ದು, ಕಳ್ಳತನ ಮಾಡಿತ್ತು. ಈ ಎಲ್ಲ ದೃಶ್ಯಗಳು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾದ ಹಿನ್ನೆಲೆಯಲ್ಲಿ ಕಳ್ಳರನ್ನು ಸುಲಭವಾಗಿ ಪತ್ತೆ ಹಚ್ಚಿ, ಬಂಧಿಸಲಾಗಿತ್ತು.