ಬೆಂಗಳೂರು: ಮಾರುತಿ ಸುಜುಕಿಯವರ ಹೊಚ್ಚ ಹೊಸ ಗ್ರ್ಯಾಂಡ್‌ ವಿಟಾರ ಕಾರನ್ನು ಸ್ಯಾಂಡಲ್‌ವುಡ್‌ ನಡ ಡೈನಮಿಕ್ ಪ್ರಿನ್ಸ್ ಪ್ರಜ್ವಲ್ ದೇವರಾಜ್ ಅನಾವರಣಗೊಳಿಸಿದರು. ಗುರುವಾರ (ಜುಲೈ 28) ಸಂಜೆ 4.30ಕ್ಕೆ ಬೆಂಗಳೂರಿನ ಆರ್ ಆರ್ ನಗರದ ನೆಕ್ಸಾ ಕಲ್ಯಾಣಿ ಮೋಟಾರ್ಸ್ ಶೋ ರೂಂನಲ್ಲಿ ಈ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭದಲ್ಲಿ ಕಲ್ಯಾಣಿ ಮೋಟಾರ್ಸ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಮೋಹನ್ ರಾಜುರವರು ಉಪಸ್ಥಿತರಿದ್ದರು.
ಕಾರು ಹೇಗಿದೆ?
ಗ್ರಾಂಡ್ ವಿಟಾರ 1.5 ಲೀಟರ್ ಸಾಮರ್ಥ್ಯದ ಪೆಟ್ರೋಲ್ ಎಂಜಿನ್‌ ಹೊಂದಿದ್ದು, ಎಸ್‌ಯುವಿ ಸೆಗ್ಮೆಂಟ್‌ನ ಪ್ರಥಮ ಹೈಬ್ರಿಡ್ ಕಾರು ಎಂಬ ಹೆಗ್ಗಳಿಕೆ ಪಡೆದುಕೊಂಡಿದೆ. ಮಾರುತಿ ಸುಜುಕಿಯವರ ಈ ಹಿಂದಿನ ಎಲ್ಲ ಕಾರುಗಳಿಗಿಂತ ಅತ್ಯಾಧುನಿಕ ಫೀಚರ್ಸ್‌ಗಳನ್ನು ಒಳಗೊಂಡಿದೆ.
ಈ ಕಾರು ಇಂಧನ ಚಾಲಿತ ಎಂಜಿನ್‌ ಹಾಗೂ ಎಲೆಕ್ಟ್ರಿಕ್‌ ಮೋಟಾರ್‌ ಹೊಂದಿರುವ ಹೈಬ್ರಿಡ್ ತಂತ್ರಜ್ಞಾನವನ್ನು ಒಳಗೊಂಡಿದೆ. ಸ್ಮಾರ್ಟ್ ಹೈಬ್ರಿಡ್ ಮತ್ತು ಫುಲ್ಲಿ (fully) ಹೈ ಬ್ರೀಡ್ ಎಂಬ ಎರಡು ಬಗೆಯ ವೇರಿಯಂಟ್ಗಳಲ್ಲಿ ಈ ಕಾರನ್ನು ಪರಿಚಯಿಸಲಾಗಿದೆ. ಸ್ಮಾರ್ಟ್ ಹೈಬ್ರೀಡ್ನಲ್ಲಿ ಪ್ರತ್ಯೇಕ ಬ್ಯಾಟರಿಗಳು ಇರುವುದಿಲ್ಲ. ಅಲ್ಲದೆ, ಬಹುತೆಕ ಇಂಧನದಿಂದಲೇ ಕಾರು ಚಲಿಸುತ್ತದೆ. ಫುಲ್ಲಿ (fully) ಹೈಬ್ರಿಡ್ ವೇರಿಯಂಟನ್‌ನಲ್ಲಿ ಪ್ರತ್ಯೇಕ ಬ್ಯಾಟರಿಗಳನ್ನು ಅಳವಡಿಸಲಾಗಿದೆ ಮತ್ತು ಪ್ರಯಾಣದ ಶೇಕಡ 60% ರಷ್ಟು ಎಲೆಕ್ಟ್ರಿಕ್‌ ಮೋಟರ್‌ಗಳನ್ನು ಬಳಸಿಕೊಳ್ಳುತ್ತದೆ.
ಈ ಕಾರಿನ ಹೊರ ಮತ್ತು ಒಳ ವಿನ್ಯಾಸ ಅತ್ಯಾಕರ್ಷಕವಾಗಿದೆ. ಜತೆಗೆ ಎಸ್.ಯು.ವಿ ಸೆಗ್ಮೆಂಟ್‌ನಲ್ಲೇ ಅತಿ ಹೆಚ್ಚು ಇಂಧನ ದಕ್ಷತೆ (ಮೈಲೇಜ್‌)ಹೊಂದಿದೆ. ಈ ಕಾರು ಲೀಟರ್ ಪೆಟ್ರೋಲ್‌ಗೆ 21.11 ಮೈಲೇಜ್‌ ಕೊಡುತ್ತದೆ ಎಂದು ಕಂಪನಿ ಹೇಳಿದೆ. ಬಟನ್ ಸ್ಟಾರ್ಟ್, ಕ್ರೂಸ್ ಕಂಟ್ರೋಲ್ , ಆಟೋಮ್ಯಾಟೆಕ್ ಕ್ಲೈಮೇಟ್ ಕಂಟ್ರೋಲ್ , ಪ್ಯಾನರೋಮಿಕ್ ಸನ್ ರೂಫ್ ರೀತಿಯ ಫೀಚರ್ಸ್ಗಳೊಂದಿಗೆ ಮಾರಕಟ್ಟೆಗೆ ಇಳಿದಿದೆ. ಅಲ್ಲದೆ, ಇದರ ಜತೆಗೆ ಸುಜುಕಿ ಕನೆಕ್ಟ್ನಂಥ ವಾಯ್ಸ್‌ ಅಸಿಸ್ಟ್‌ ತಂತ್ರಜ್ಷಾನ ಮತ್ತು ಅತ್ಯಾಧುನಿಕ ವೈಶಿಷ್ಟ್ಯತೆಗಳನ್ನು ಈ ಕಾರು ಒಳಗೊಂಡಿದೆ.
ಇದೊಂದು ಎಸ್.ಯು.ವಿ ವಿಭಾಗದ ಗ್ಲೋಬಲ್ ಕಾರ್ ಎಂದು ಖ್ಯಾತಿ ಗಳಿಸಿದೆ. ಚಾಲನೆಯ ವೇಳೆ ಸ್ನೋ, ಸ್ಯಾಂಡ್ ಮತ್ತು ರಾಕ್ ಎಂಬ ಮೂರು ಮೋಡ್ಗಳನ್ನು ಬಳಸಿಕೊಳ್ಳಬಹುದು. ಆಲ್ ಗ್ರಿಪ್ ಕಾರ್ ಎಂಬ ವಿಶಿಷ್ಟ ತಂತ್ರಜ್ಞಾನವೂ ಇದೆ. ದಕ್ಷಿಣ ಭಾರತದಲ್ಲಿ ಈ ಕಾರಿಗೆ ಸಿಕ್ಕಾಪಟ್ಟೆ ಬೇಡಿಕೆ ಬಂದಿದ್ದು, ಸಾವಿರಾರು ಕಾರುಗಳಿಗೆ ಬುಕಿಂಗ್‌ ಅಗಿದೆ ಎಂದು ಕಂಪನಿ ತಿಳಿಸಿದೆ.
ಇದನ್ನೂ ಓದಿ | Maruti Suzuki Grand Vitara ಅನಾವರಣ, ಸೆಪ್ಟೆಂಬರ್ನಲ್ಲಿ ಮಾರುಕಟ್ಟೆಗೆ