ಧಾರವಾಡ: ಕುಡಿದ ಮತ್ತಿನಲ್ಲಿದ್ದ ವ್ಯಕ್ತಿಯೊಬ್ಬ ತನ್ನ ಪತ್ನಿಯನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ಧಾರವಾಡದ ಹಾಸ್ಮಿನಗರ ಕೋಳಿಕೆರೆಯಲ್ಲಿ ನಡೆದಿದೆ.
ಮಂಜವ್ವ ಪಠಾತ್ (42) ಎಂಬಾಕೆಯೇ ಕೊಲೆಯಾದ ದುರ್ದೈವಿ ಮಹಿಳೆ. ಗದಿಗೆಪ್ಪ ಪಠಾತ್ ಎಂಬಾತನೇ ಪತ್ನಿಯನ್ನು ಬರ್ಬರವಾಗಿ ಕೊಂದ ಕೊಲೆಗಾರ. ಗದಿಗೆಪ್ಪ ವಿಪರೀತ ಮದ್ಯ ವ್ಯಸನಿಯಾಗಿದ್ದು, ಗುರುವಾರ ಬೆಳಗ್ಗೆ ಮದ್ಯ ಕುಡಿದು ಬಂದಿದ್ದ. ಮದ್ಯದಂಗಡಿಯಿಂದ ನೇರವಾಗಿ ಹೊಲಕ್ಕೆ ಹೋದ ಆತ ಮೂಲಂಗಿ ತೊಳೆಯುತ್ತ ಕುಳಿತಿದ್ದ ತನ್ನ ಪತ್ನಿಯ ಮೇಲೆ ಕಲ್ಲು ಎತ್ತಿ ಹಾಕಿ ಹತ್ಯೆ ಮಾಡಿದ್ದಾನೆ.
ಹತ್ಯೆ ಮಾಡಿದ ನಂತರ ಆರೋಪಿ ಅಲ್ಲಿಂದ ಪರಾರಿಯಾಗಿದ್ದು, ಪೊಲೀಸರು ಆತನಿಗಾಗಿ ಶೋಧ ನಡೆಸಿದ್ದಾರೆ. ಸ್ಥಳಕ್ಕೆ ಭೇಟಿ ನೀಡಿದ ಶಹರ ಠಾಣೆ ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ | ಏನೋ ಮಗ ನೀರು ಕೊಡೋ ಅಂದಿದ್ದಕ್ಕೇ ಚಾಲಕನ ಕೊಲೆ: ನನ್ನೇ ಮಗ ಅಂತೀಯಾ ಅಂತ ರೊಚ್ಚಿಗೆದ್ದು ಮರ್ಡರ್‌!