ಮಂಡ್ಯ: ಚುನಾವಣೆಯಲ್ಲಿ ಕೊಟ್ಟಿದ್ದ ಹಣವನ್ನು ಜನರಿಗೆ ಹಂಚದಿದ್ದರೆ ವಾಪಸ್ ತಂದುಕೊಡಬೇಕು ಎಂದು ಬಿಜೆಪಿ ಮುಖಂಡರಿಗೆ ಮಾಜಿ ಸಚಿವ ಕೆ.ಸಿ.ನಾರಾಯಣ ಗೌಡ ಮನವಿ ಮಾಡಿದ್ದಾರೆ.
ಕೆ.ಆರ್.ಪೇಟೆಯಲ್ಲಿ ಶುಕ್ರವಾರ ನಡೆದ ಮತದಾರರಿಗೆ ಕೃತಜ್ಞತಾ ಸಭೆಯಲ್ಲಿ ಮಾತನಾಡಿರುವ ಅವರು, ಚುನಾವಣೆಯಲ್ಲಿ ಯಾರು ಯಾರು ಹಣ ಹಂಚಿಲ್ಲವೋ ಅವರೆಲ್ಲಾ ವಾಪಸ್ ತಂದು ಕೊಡಿ. ಆ ಹಣವನ್ನು ಪಕ್ಷದಿಂದ ಒಂದು ಟ್ರಸ್ಟ್ ಮಾಡಿ ಜನರ ಸೇವೆಗೆ ಬಳಸಿಕೊಳ್ಳೋಣ ಎಂದು ಹೇಳಿದ್ದಾರೆ.
ಇದನ್ನೂ ಓದಿ | Karnataka Cabinet: ನಮ್ಮ ನಾಯಕರಿಗೆ ಮಂತ್ರಿಪಟ್ಟ ಒಲಿಯಲಿ; ಬಗೆ ಬಗೆಯಲ್ಲಿ ಅಭಿಮಾನಿಗಳ ಕಸರತ್ತು
ಚುನಾವಣೆಯಲ್ಲಿ ಜನರಿಗೆ ಹಂಚಲು ಹಣ ನೀಡಲಾಗಿತ್ತು. ಆದರೆ ಕೆಲವರು ಹಣ ಹಂಚಿಲ್ಲ, ಈ ಬಗ್ಗೆ ನನಗೆ ಮಾಹಿತಿ ಸಿಕ್ಕಿದೆ. ಅಂತಹವರು ಹಣ ತಂದು ಕೊಡಿ ಎಂದು ಮನವಿ ಮಾಡಿದ ಅವರು, ನನಗೆ ಆ ಹಣ ಬೇಡ, ಟ್ರಸ್ಟ್‌ಗೆ ತಂದು ಕೊಡಿ, ಜನ ಸೇವೆಗೆ ಬಳಸಿಕೊಳ್ಳೋಣ. ದೇವರು ನನಗೆ ಸಾಲ ತೀರಿಸುವಷ್ಟು ಆಶೀರ್ವಾದ ಮಾಡಿದ್ದಾನೆ. ಚುನಾವಣೆ ಖರ್ಚಿಗೆ ಇಷ್ಟು ಹಣ ಬೇಕು ಎಂದು ಸಾಲ ಮಾಡಿ ಕೊಟ್ಟಿದ್ದೆವು. ಹೀಗಾಗಿ ದುಡ್ಡು ವಾಪಸ್ ತಂದುಕೊಡಬೇಕು ಎಂದು ಕೋರಿದ್ದಾರೆ.