ರಾಯಚೂರು: ಕನ್ನಡ ಚಿತ್ರರಂಗದ ಪ್ರಸಿದ್ಧ ನಟ ಪುನೀತ್ ರಾಜಕುಮಾರ್‌ (Puneet Rajkumar) ಅವರು ಇಹಲೋಕ ತ್ಯಜಿಸಿ ವರ್ಷ ಸಮೀಪಿಸುತ್ತಿದ್ದರೂ ಅವರ ಮೇಲಿನ ಪ್ರೀತಿ ಕಡಿಮೆಯಾಗಿಲ್ಲ. ದೇವದುರ್ಗ ತಾಲೂಕಿನ ದೊಂಡಬಳಿ ಗ್ರಾಮದಲ್ಲಿ ಮೊಹರಂ ಹಬ್ಬದ ಪ್ರಯುಕ್ತ ಕೆಂಡ ಹಾಯುವಾಗ ಯುವಕನೊಬ್ಬ ಪುನೀತ್ ಫೋಟೋ ಹಿಡಿದು ಭಕ್ತಿ ಹಾಗೂ ಪ್ರೀತಿ ಮೆರೆದಿದ್ದಾನೆ.
ದೇವದುರ್ಗ ತಾಲೂಕಿನ ದೊಂಡಬಳಿ ಗ್ರಾಮದಲ್ಲಿ ಸೋಮವಾರ ರಾತ್ರಿ ಮೊಹರಂ ಹಬ್ಬದ ಪ್ರಯುಕ್ತವಾಗಿ ಕೆಂಡ ಹಾಯುವ ಪದ್ಧತಿಯನ್ನು ಆಚರಿಸಲಾಗುತ್ತಿತ್ತು. ಈ ವೇಳೆ ಯುವಕರೆಲ್ಲ ಸೇರಿ ಗೆಜ್ಜೆ ನೃತ್ಯವನ್ನೂ ಮಾಡಿದ್ದಾರೆ. ಜತೆಗೆ ಪುನೀತ್ ಫೋಟೋ ಹಿಡಿದು ನೃತ್ಯ ಮಾಡಿದ್ದಾರೆ.
ನೃತ್ಯದ ಬಳಿಕ ಕೆಂಡ ಹಾಯುವಾಗ ಯುವಕನೊಬ್ಬ ತನ್ನ ನೆಚ್ಚಿನ ನಟ ಪುನೀತ್ ರಾಜಕುಮಾರ್‌ ಅವರ ಫೋಟೋ ಹಿಡಿದು ಯಾವುದೇ ಭೀತಿ ಇಲ್ಲದೆ ನಿಧಾನವಾಗಿ ಕೆಂಡದ ಮೇಲೆ ನಡೆದಿದ್ದಾನೆ. ಈ ವಿಡಿಯೊ ಈಗ ವೈರಲ್‌ ಆಗಿದೆ.
ಇದನ್ನೂ ಓದಿ | ಸೌಹಾರ್ದ ಸಂಭ್ರಮ| ಈ ಊರಲ್ಲಿ ಒಂದೇ ಒಂದು ಮುಸ್ಲಿಂ ಕುಟುಂಬವಿಲ್ಲ, ಹಿಂದೂಗಳಿಂದಲೇ ಮೊಹರಂ!