ಬೆಂಗಳೂರು: ರಾಜಧಾನಿಯ ರಸ್ತೆಯಲ್ಲಿ ಓಡಾಡುವಾಗ ಎಷ್ಟು ಎಚ್ಚರವಾಗಿದ್ದರೂ ಸಾಲದು. ಒಂದು ಸ್ವಲ್ಪ ಯಾಮಾರಿದರೂ ಯಮರೂಪದಲ್ಲಿ ಬರುತ್ತವೆ ವಾಹನಗಳು (Road Accident). ಇಂಥಹುದೇ ಒಂದು ದುರಂತ ಸೋಮವಾರ ನಡೆದದು ರಸ್ತೆ ದಾಟುತ್ತಿದ್ದ ವೃದ್ಧೆ (Old woman dies in accident) ಮೃತಪಟ್ಟಿದ್ದಾರೆ. ಅವರನ್ನು ಬಲಿ ಪಡೆದದ್ದು ಬಿಬಿಎಂಪಿಯ ಕಸದ ಲಾರಿ (BBMP Garbage vehicle).
ನಗರದ ಹಡ್ಸನ್‌ ವೃತ್ತದ (Hudson cirlce) ಬಳಿ ಸಂಭವಿಸಿದ ಅಪಘಾತದಲ್ಲಿ ಮೃತಪಟ್ಟ ಮಹಿಳೆಯನ್ನು ಮುನಿಯಮ್ಮ ಎಂದು ಗುರುತಿಸಲಾಗಿದೆ. ಮುನಿಯಮ್ಮ ಕೋಡುಗೇಹಳ್ಳಿ ನಿವಾಸಿ. ವಿಧಾನಸೌದದಲ್ಲಿ ನಿವೃತ್ತ ಡಿ ಗ್ರೂಪ್ ನೌಕರೆ ಆಗಿದ್ದರು. ಸೋಮವಾರ ನಿವೃತ್ತಿ ವೇತನ ವಿಚಾರವಾಗಿ ಬ್ಯಾಂಕ್ ಗೆ ಬಂದಿದ್ದ ಮುನಿಯಮ್ಮ. ಬ್ಯಾಂಕ್ ಕೆಲಸ ಮುಗಿಸಿ ಬರುತಿದ್ದ ವೇಳೆ ಮಧ್ಯಾಹ್ನ 1:40ರ ಹೊತ್ತಿಗೆ ಅಪಘಾತ ಸಂಭವಿಸಿದೆ.
ಮುನಿಯಮ್ಮ ಅವರು ನಗರದ ಬಳಿ ರಸ್ತೆ ದಾಟುತ್ತಿದ್ದ ಸಂದರ್ಭ ಯಮಸ್ವರೂಪಿಯಾಗಿ ಬಂದ ಲಾರಿ ಅವರ ಎಡಗಾಲಿನ ಮೇಲೆ ಲಾರಿ ಹರಿದಿದೆ. ಪರಿಣಾಮ ತೀವ್ರವಾಗಿ ಗಾಯಗೊಂಡು ರಕ್ತದ ಮಡುವಿನಲ್ಲಿ ಓದ್ದಾಡುತ್ತಿದ್ದ ಅವರನ್ನು, ಸಾರ್ವಜನಿಕರು ಪಕ್ಕದಲ್ಲಿ ಇದ್ದ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದರು. ಆದರೆ, ಅದಾಗಲೇ ಮಹಿಳೆ ಪ್ರಾಣ ಬಿಟ್ಟಿದ್ದಾರೆ.
ಸದ್ಯ ಪ್ರಕರಣವನ್ನು ದಾಖಲಿಸಿಕೊಂಡಿರುವ ಹಲಸೂರು ಗೇಟ್ ಸಂಚಾರಿ ಪೊಲೀಸರು ಘಟನೆಗೆ ಕಾರಣವಾದ ಬಿಬಿಎಂಪಿ ಲಾರಿ ಚಾಲಕ ಶಿವಕುಮಾರ್ ನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಇನ್ನಾದ್ರು ಪಾಲಿಕೆ ಕಟ್ಟುನಿಟ್ಟಿನ ಕ್ರಮ ಕೈಗೊಂಡು ಕಸದ ಲಾರಿಯಿಂದ ಆಗ್ತಿರುವ ಅಪಘಾತಗಳಿಗೆ ಕಡಿವಾಣ ಹಾಕಬೇಕಿದೆ.
ಬಿಬಿಎಂಪಿ ಕಸದ ಲಾರಿಗೆ ಇನ್ನೆಷ್ಟು ಬಲಿ ಬೇಕು?
ಬೆಂಗಳೂರಿನಲ್ಲಿ ಒಂದಲ್ಲಾ ಎರೆಡಲ್ಲಾ ಸಾಲು ಸಾಲು ಅಮಾಯಕರು ಈ ಯಮಸ್ವರೂಪಿ ಕಸದ ಲಾರಿಗೆ ಬಲಿಯಾಗಿದ್ದಾರೆ.
1. ಮಾರ್ಚ್ 21-2022: ಹೆಬ್ಬಾಳ ಬಳಿ ರಸ್ತೆ ದಾಟುತ್ತಿದ್ದ ಬಾಲಕಿಗೆ ಬಿಬಿಎಂಪಿ ವಾಹನ ಡಿಕ್ಕಿ ಹೊಡೆದು ದುರ್ಮರಣ
2. ಮಾರ್ಚ್ 31-2022 ಥಣಿಸಂದ್ರ ಮುಖ್ಯ ರಸ್ತೆಯಲ್ಲಿ ಬಿಬಿಎಂಪಿ ವಾಹನ ಡಿಕ್ಕಿ ಹೊಡೆದು ಬೈಕ್ ಸವಾರ ವೃದ್ಧನ ಸಾವು
3.ಏಪ್ರಿಲ್ 18-2022 ನಾಯಂಡಹಳ್ಳಿ ಜಂಕ್ಷನ್‌ ಬಳಿ ಬಿಬಿಎಂಪಿ ವಾಹನ ಡಿಕ್ಕಿಗೆ ಬೈಕ್ನಲ್ಲಿ ಹೊರಟಿದ್ದ ಪದ್ಮಿನಿ ಸಾವು
4. ಮೇ 14-2022 ಥಣಿಸಂದ್ರ ರಸ್ತೆಯಲ್ಲಿ ಕಸದ ಲಾರಿ ಡಿಕ್ಕಿಗೆ ಬೈಕ್ ಸವಾರ ದೇವಣ್ಣ (25) ಸಾವು
5. ಜುಲೈ 10-2022 ನಾಗರಭಾವಿ ಬಳಿ ಬಿಬಿಎಂಪಿ ಲಾರಿ ಡಿಕ್ಕಿಗೆ ಬೈಕ್ನಲ್ಲಿ ಹೊರಟಿದ್ದ ವಿಜಯಕಲಾ ಸಾವು, ಪತಿ ಗಂಭೀರ
ಇದನ್ನೂ ಓದಿ: Road Accident : ಚಾಲಕನ ನಿಯಂತ್ರಣ ತಪ್ಪಿ ಟಾಟಾ ಏಸ್‌ ಪಲ್ಟಿ; 15ಕ್ಕೂ ಹೆಚ್ಚು ಮಂದಿಗೆ ಗಾಯ