ಶಿವಮೊಗ್ಗ: ಶಿವಮೊಗ್ಗದ ಅಮೀರ್‌ ಅಹಮದ್‌ ವೃತ್ತದಲ್ಲಿ ಇಟ್ಟಿದ್ದ ಸಾವರ್ಕರ್‌ ಫೋಟೊ ತೆಗೆದು ಟಿಪ್ಪು ಸುಲ್ತಾನ್‌ ಫೋಟೊ ಇಡಲು ಮುಂದಾದ ವಿವಾದ ತಾರಕಕ್ಕೇರುತ್ತಿದ್ದಂತೆಯೇ ಇತ್ತ ಹಿಂದು ಯುವಕನೊಬ್ಬನಿಗೆ ಚೂರಿಯಿಂದ ಇರಿಯಲಾಗಿದೆ.
ಉಪ್ಪಾರ ಕೇರಿ ವಾಸಿ ಪ್ರೇಮ್ ಸಿಂಗ್( 22) ಎಂಬ ಯುವಕನ ಮೇಲೆ ಹಲ್ಲೆ ಮಾಡಲಾಗಿದ್ದು, ಆತನನ್ನು ಕೂಡಲೇ ಮೆಗ್ಗಾನ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯುವಕ ಮನೆ ಮುಂದೆ ನಿಂತಿದ್ದಾಗ ದುಷ್ಕರ್ಮಿಗಳು ದಾಳಿ ಮಾಡಿದ್ದಾರೆ.
ಅಮೀರ್‌ ಅಹಮದ್‌ ವೃತ್ತದಲ್ಲಿದ್ದ ಸಾವರ್ಕರ್‌ ಪ್ರತಿಮೆಯನ್ನು ಪೊಲೀಸರು ತೆರವುಗೊಳಿಸಿದ್ದು, ಎರಡೂ ಕೋಮಿನವರಿಗೆ ಫೋಟೊ ಇಡಲು ಅವಕಾಶ ನೀಡಲಾಗುವುದಿಲ್ಲ ಎಂದು ಹೇಳಿದ್ದರು. ಈ ವಿವಾದದ ಬಿಸಿ ಈಗ ಅಹಮದ್‌ ವೃತ್ತದಿಂದ ಬೇರೆ ಕಡೆಗೆ ಹರಡುತ್ತಿರುವಂತೆ ಕಾಣುತ್ತಿದೆ.