ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ರಾಮಾಚಾರಿ ಸೀರಿಯಲ್‌ ಖ್ಯಾತಿಯ ನಟಿ ಮೌನ ಗುಡ್ಡೆಮನೆ, ಇತ್ತೀಚೆಗೆ ಹಾಲಿಡೇ ಫ್ಯಾಷನ್‌ನಲ್ಲಿ (Star Fashion) ಕಟೌಟ್‌ ಡ್ರೆಸ್‌ ಧರಿಸಿ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಬಾಲಿವುಡ್‌ ತಾರೆಯರ ನೆಚ್ಚಿನ ಈ ಕಟೌಟ್‌ ಡ್ರೆಸ್‌ ಇದೀಗ ಕನ್ನಡದ ನಟಿಯರನ್ನು ಸೆಳೆಯುತ್ತಿದೆ. ಸಮ್ಮರ್‌ನ ಹಾಟ್‌ ಟ್ರೆಂಡ್‌ನಲ್ಲಿದ್ದ ಈ ಔಟ್‌ಫಿಟ್‌ ಇದೀಗ ತಾರೆಯರ ಮೂಲಕ ವಿಂಟರ್‌ ಸೀಸನ್‌ನಲ್ಲೂ ಕಾಣಿಸಿಕೊಂಡಿದೆ. ಸದ್ಯ ಔಟ್‌ಆಫ್‌ ಸೀಸನ್‌ ಲಿಸ್ಟ್‌ನಲ್ಲಿರುವ ಈ ಔಟ್‌ಫಿಟ್‌ ಬಗ್ಗೆ ಅಷ್ಟೊಂದು ಒಲವೇಕೆ ಎಂಬುದರ ಬಗ್ಗೆ ಫ್ಯಾಷನ್‌ ವಿಮರ್ಶಕರು ವಿಮರ್ಶಿಸಿದ್ದಾರೆ. ಜೊತೆಗೆ ಕಟೌಟ್‌ ಡ್ರೆಸ್‌ ಬಗ್ಗೆ ತಿಳಿಸಿದ್ದಾರೆ.
ಏನಿದು ಕಟೌಟ್‌ ಡ್ರೆಸ್‌?
ಸಿಂಪಲ್‌ ಆಗಿ ಹೇಳುವುದಾದಲ್ಲಿ ಯಾವುದೇ ಉಡುಪು ಅಥವಾ ಔಟ್‌ಫಿಟ್‌ ನಾನಾ ಕಡೆ ಕಟ್‌ ಆಗಿದಂತೆ ಕಾಣುವುದು ಅಥವಾ ಅಲ್ಲಲ್ಲಿ ಒಪನ್‌ ಡಿಸೈನ್‌ ಹೊಂದಿರುವುದು ಎಂದರ್ಥ. ಇನ್ನು ಆಡು ಭಾಷೆಯಲ್ಲಿ ಹೇಳುವುದಾದಲ್ಲಿ ನಾನಾ ಕಡೆ ಕೊಂಚ ಕಟ್‌ ಆಗಿರುವಂತೆ ಕಾಣುವ ವಿನ್ಯಾಸದ ಗ್ಲಾಮರಸ್‌ ಉಡುಪುಗಳಿವು ಎನ್ನುತ್ತಾರೆ ಫ್ಯಾಷನಿಸ್ಟಾಗಳು. ಅವರ ಪ್ರಕಾರ, ಕಟೌಟ್‌ ಡ್ರೆಸ್‌ಗಳು ಸಮ್ಮರ್‌ ಸೀಸನ್‌ನ ಹಾಟ್‌ ಟ್ರೆಂಡ್‌ನಲ್ಲಿದ್ದವು. ಅತಿ ಸುಲಭವಾಗಿ ಗಾಳಿಯಾಡುವ ಡ್ರೆಸ್‌ಗಳಿವು. ಅದರಲ್ಲೂ ಬೀಚ್‌ ಹಾಗೂ ಟ್ರಾವೆಲ್‌ ಫ್ಯಾಷನ್‌ನಲ್ಲಿ ಪ್ರಿಫರ್‌ ಮಾಡುವ ಜೆನ್‌ ಜಿ ಔಟ್‌ಫಿಟ್‌ಗಳಿವು, ದೇಹದ ಭಾಗವನ್ನು ಎಕ್ಸ್‌ಪೋಸ್‌ ಮಾಡುತ್ತವೆ. ನೋಡಲು ಗ್ಲಾಮರಸ್‌ ಲುಕ್‌ ನೀಡುತ್ತವೆ ಎನ್ನುತ್ತಾರೆ.
ಹಾಲಿಡೇ ಸ್ಪಾಟ್‌ಗೆ ಕಟೌಟ್‌ ಡ್ರೆಸ್‌ ಸರಿಯಾದ ಆಯ್ಕೆ
ಇತ್ತೀಚೆಗೆ ಗೋವಾದಲ್ಲಿ ಹಾಲಿಡೇ ಮಾಡಿದ ಮೌನ ಗುಡ್ಡೇಮನೆ ನಾನಾ ಔಟ್‌ಫಿಟ್‌ಗಳಲ್ಲಿ ಬಿಂದಾಸ್‌ ಆಗಿ ಕಾಣಿಸಿಕೊಂಡಿದ್ದರು. ಅದರಲ್ಲಿ ಅವರು ಧರಿಸಿದ್ದ ವೈಟ್‌ ಕಲರ್‌ನ ಕಟೌಟ್‌ ಡ್ರೆಸ್‌ ಮಾತ್ರ ಫ್ಯಾಷನ್‌ ಪ್ರೇಮಿಗಳನ್ನು ಸೆಳೆಯಿತು. ಅದರಲ್ಲೂ ಈ ಜನರೇಷನ್‌ ಹುಡುಗಿಯರ ಚಾಯ್ಸ್‌ನಲ್ಲಿರುವ ಈ ಔಟ್‌ಫಿಟ್‌ ಗೋವಾದಲ್ಲಿನ ಬಿಸಿಲಿನ ಹವಮಾನಕ್ಕೆ ಹೊಂದುತ್ತಿತ್ತು. ಹಾಗಾಗಿ ಅವರು ಇದನ್ನು ಧರಿಸಿದಾಗ ಕಂಫರ್ಟಬಲ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಇದೇ ಉಡುಪು ಹಿಲ್‌ ಸ್ಟೇಷನ್‌ಗಳಲ್ಲಿ ಧರಿಸಲಾಗುವುದಿಲ್ಲ. ಈ ಸೀಸನ್‌ಗೆ ಹೊಂದುವುದಿಲ್ಲ. ಸೀಸನ್‌ ಬದಲಾದರೂ ಅವರು ಧರಿಸಿದ್ದ ಹಾಲಿಡೇ ಸ್ಪಾಟ್‌ ಈ ಉಡುಪಿಗೆ ಸರಿಯಾಗಿ ಹೊಂದಿಕೆಯಾಗಿದೆ. ಹಾಗಾಗಿ ನಟಿಯ ಈ ಚಾಯ್ಸ್‌ ಅಲ್ಲಿನ ವಾತವರಣಕ್ಕೆ ಸೂಕ್ತವಾಗಿದೆ ಎಂದು ಫ್ಯಾಷನ್‌ ವಿಮರ್ಶಕಿ ದೀಪಿಕಾ ರಿವ್ಯೂ ನೀಡಿದ್ದಾರೆ.
ಫ್ಯಾಷನ್‌ ವಿಮರ್ಶಕರ ಸಲಹೆ
- ಕಟೌಟ್‌ ಡ್ರೆಸ್‌ ಧರಿಸುವುದಾದಲ್ಲಿ ಬಿಸಿಲಿರುವ ಜಾಗದಲ್ಲಿ ಮಾತ್ರ ಧರಿಸಿ.
- ನಿಮ್ಮ ಬಾಡಿಟೈಪ್‌ಗೆ ಹೊಂದುವಂತಿರಬೇಕು.
- ಈ ಸೀಸನ್‌ನಲ್ಲಿ ಈ ಟ್ರೆಂಡ್‌ ಇಲ್ಲ ಎಂಬುದು ನೆನಪಿರಲಿ.
- ಕಟೌಟ್‌ ಡ್ರೆಸ್‌ ಈ ಚಳಿಗೆ ಸೂಕ್ತವಲ್ಲ!
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Fashion Show: ಫ್ಯಾಷನ್‌ ಶೋನಲ್ಲಿ ಬಿಂದಾಸ್‌ ರ‍್ಯಾಂಪ್‌ ವಾಕ್‌ ಮಾಡಿದ ಡಾಕ್ಟರ್ಸ್!
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ