ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ರೆಡ್‌ ಸೀ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಹಾಲಿವುಡ್‌ ತಾರೆಯರು ಮಾತ್ರವಲ್ಲ, ಬಾಲಿವುಡ್‌ ತಾರೆಯರು ಕೂಡ ತಮ್ಮದೇ ಆದ ಫ್ಯಾಷನ್‌ವೇರ್‌ಗಳಲ್ಲಿ ಕಾಣಿಸಿಕೊಂಡು, ಅಲ್ಲಿನ ರೆಡ್‌ಕಾರ್ಪೆಟ್‌ ಸಮಾರಂಭದ ಘನತೆ ಹೆಚ್ಚಿಸಿದರು.
ಅಂದಹಾಗೆ, ಈ ಕಾರ್ಯಕ್ರಮ ಸೌದಿಯಲ್ಲಿ ನಡೆದ ಮೊಟ್ಟ ಮೊದಲ ಫಿಲ್ಮ್‌ ಫೆಸ್ಟಿವಲ್‌ ಎನ್ನಲಾಗಿದೆ. ಡಿಸೆಂಬರ್‌ ೧ರಿಂದ ೧೦ರವರೆಗೆ ನಡೆಯುತ್ತಿರುವ ಈ ಫಿಲ್ಮ್‌ ಫೆಸ್ಟಿವಲ್‌ನಲ್ಲಿ ಜಾಗತಿಕ ಮಟ್ಟದಲ್ಲಿ ಖ್ಯಾತಿ ಗಳಿಸಿರುವ ಸಿನಿಮಾ ತಾರೆಯರು ಎಲ್ಲೆಡೆಯಿಂದ ಆಗಮಿಸಿ ಭಾಗವಹಿಸಿದ್ದರು. ಎಲ್ಲದಕ್ಕಿಂತ ಹೆಚ್ಚಾಗಿ ತಾರೆಯರು ಧರಿಸಿದ್ಧ ಫ್ಯಾಷನ್‌ವೇರ್‌ ಹಾಗೂ ಡಿಸೈನರ್‌ವೇರ್‌ಗಳು ರೆಡ್‌ಕಾರ್ಪೆಟ್‌ನಲ್ಲಿ ಹೈಲೈಟಾಗಿದ್ದವು.
ಬಾಲಿವುಡ್‌ ತಾರೆಯರ ಫ್ಯಾಷನ್‌ವೇರ್‌
ನಟಿ ಪ್ರಿಯಾಂಕಾ ಚೋಪ್ರಾ, ಕರೀನಾ-ಸೈಫ್‌ ಜೋಡಿ, ಫ್ರೀಡಾ ಪಿಂಟೋ. ಸೋನಂ ಕಪೂರ್‌, ಶಾರುಖ್‌ ಖಾನ್‌, ಅಕ್ಷಯ್‌ ಕುಮಾರ್‌, ಎ. ಆರ್‌. ರೆಹಮಾನ್‌ ಸೇರಿದಂತೆ ಸಾಕಷ್ಟು ಬಾಲಿವುಡ್‌ ಗಣ್ಯರು ತಮ್ಮದೇ ಆದ ಯೂನಿಕ್‌ ಸ್ಟೈಲ್‌ನ ಫ್ಯಾಷನ್‌ವೇರ್‌ಗಳಲ್ಲಿ ಪಾಲ್ಗೊಂಡು ನೆರೆದಿದ್ದವರ ಮನ ಗೆದ್ದರು.
ಕರೀನಾ-ಸೈಫ್‌ ಕಪಲ್‌ ಗೋಲ್ಸ್‌
ಫಿಲ್ಮ್‌ ಫೆಸ್ಟಿವಲ್‌ಗೆ ಪಾಲ್ಗೊಳ್ಳುವ ಮುನ್ನ ಕರೀನಾ ಸಾದಾ ಸೀ ಬ್ಲ್ಯೂ ಶೇಡ್‌ನ ಕಟೌಟ್‌ ಗೌನ್‌ನಲ್ಲಿ, ಸೈಫ್‌ ಅಲಿ ಖಾನ್‌ ಬಂಡಿ ಸೂಟ್‌ನಲ್ಲಿ ಕಾಣಿಸಿಕೊಂಡರು. ನಂತರ ಚಾಕೋಲೇಟ್‌ ಗೋಲ್ಡನ್ ಶೇಡ್‌ನ ಶೀರ್‌ ಸೀರೆಯಲ್ಲಿ ಕರೀನಾ, ವೆಸ್ಟರ್ನ್ ಶೈಲಿಯ ಸೂಟ್‌ನಲ್ಲಿ ಸೈಫ್‌ ಎಲ್ಲರ ಮನಸೆಳೆದರು.
ಪ್ರಿಯಾಂಕಾ ಯೆಲ್ಲೋ ಗೌನ್‌
ನಟಿ ಪ್ರಿಯಾಂಕಾ ಚೋಪ್ರಾ , ಯೆಲ್ಲೋ ಸಾಟಿನ್‌ ಗೌನ್‌ನಲ್ಲಿ ಅತ್ಯಾಕರ್ಷಕವಾಗಿ ಕಂಡರು. ಮತ್ತೊಮ್ಮೆ ಧರಿಸಿದ ಗೋಲ್ಡನ್ ಶೈನಿಂಗ್‌ ಗೌನ್‌ ಕೂಡ ವಿಭಿನ್ನವಾಗಿತ್ತು. ವಿಪರ್ಯಾಸವೆಂದರೇ, ಈ ಎರಡೂ ಡ್ರೆಸ್‌ಗಳು ನೆಟ್ಟಿಗರ ಟ್ರೋಲ್‌ಗೆ ಕಾರಣವಾಯಿತು. ಕಾರಣ ಇಷ್ಟೇ! ಎರಡೂ ಡ್ರೆಸ್‌ಗಳನ್ನು ಬೇರೆ ನಟಿಯರು ಧರಿಸಿದ್ದರು. ಇದು ಕಾಕತಾಳೀಯವಾದರೂ ನಟಿಯ ಡ್ರೆಸ್‌ ಹೈಲೈಟಾಗದೇ ಫ್ಯಾಷನ್‌ ಕಾಪಿಕ್ಯಾಟ್‌ ಲಿಸ್ಟ್‌ಗೆ ಸೇರಿತು ಎನ್ನುತ್ತಾರೆ ಸ್ಟೈಲಿಸ್ಟ್‌ ರಿಯಾ.
ಇತರೇ ನಟಿಯರ ರೆಡ್‌ಕಾರ್ಪೆಟ್‌ ಡ್ರೆಸ್‌
ಪ್ರಿಯಾಂಕಾ ಚೋಪ್ರಾ ಧರಿಸಿದ ಯೆಲ್ಲೋ ಶೇಡ್‌ನ ಅನುಕರಣೀಯ ಎಂಬಂತೆ ನಟಿ ಫ್ರೀಡಾ ಪಿಂಟೋ ಕೂಡ ಅದೇ ಶೇಡ್‌ನ ಉಡುಪು ಧರಿಸಿದ್ದರು. ಇನ್ನು ಸೋನಂ ಕಪೂರ್‌ ಸ್ಯಾಟಿನ್‌ ರೆಡ್‌ ಗೌನ್‌ ರೆಡ್‌ ಧರಿಸಿದ್ದರು. ನಟಿ ಕಾಜೋಲ್‌ ಕೂಡ ಬ್ಲಾಕ್‌ ಕಲರ್‌ ಡ್ರೆಸ್‌ ಧರಿಸಿದ್ದರು. ಹೆಚ್ಚೆನೂ ವಿಭಿನ್ನವಾಗಿರಲಿಲ್ಲ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
ಶಾರೂಖ್‌ ಬ್ಲಾಕ್‌ ಸೂಟ್‌
ಎಂದಿನಂತೆ ಶಾರೂಖ್‌ ಖಾನ್‌ ಬ್ಲಾಕ್‌ ಸೂಟ್‌ ಕ್ಲಾಸಿ ಲುಕ್‌ ನೀಡಿತ್ತು. ಇದು ಅವರ ಯೂನಿಕ್‌ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗೆ ಸಾಕ್ಷಿ ಎಂಬಂತಿತ್ತು.
ಇವರೊಂದಿಗೆ ಭಾಗವಹಿಸಿದ ಎ.ಆರ್‌.ರೆಹಮಾನ್‌ ಅವರದ್ದು ಕೂಡ ಎಂದಿನಂತೆ ಬ್ಲಾಕ್‌ ಸೂಟ್‌ ಧರಿಸಿದ್ದರು. ಇಬ್ಬರದು ಯೂನಿಫಾರ್ಮ್ ಡ್ರೆಸ್‌ನಂತೆ ಕಾಣುತ್ತಿತ್ತು ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ| Star Fashion | ಬ್ಲ್ಯಾಕ್‌ ಲೆದರ್‌ ವೆಸ್ಟರ್ನ್ ಔಟ್‌ಫಿಟ್‌ನಲ್ಲಿ ಕಾಂತಾರ ನಟಿ ಸಪ್ತಮಿ ಗೌಡ ಗ್ಲಾಮರಸ್‌ ಲುಕ್‌