ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ರತಿ ವರ್ಷದಂತೆ ಈ ವರ್ಷವೂ ಕೂಡ ಸ್ವಾತಂತ್ರ್ಯೋತ್ಸವದ ಸಂಭ್ರಮಾಚರಣೆಗೆ ಸಾಥ್ ನೀಡುವ ನಾನಾ ವಿನ್ಯಾಸದ ದೇಸಿ ಲುಕ್ ನೀಡುವ ನಾನಾ ಟ್ರೆಂಡಿ ಉಡುಪುಗಳು ಲಗ್ಗೆ ಇಟ್ಟಿವೆ. ಅವುಗಳಲ್ಲಿ ಈ ಬಾರಿ 3 ಬಗೆಯ ಔಟ್ಫಿಟ್ಗಳು ಹೊಸ ವಿನ್ಯಾಸದಲ್ಲಿ ಆಗಮಿಸಿವೆ. ಇಂದಿನ ಜನರೇಷನ್‌ನವರಿಗೂ ಇಷ್ಟವಾಗುವಂತಹ ಪಾಸ್ಟೆಲ್ ಶೇಡ್‌ಗಳಲ್ಲಿ ಬಿಡುಗಡೆಗೊಂಡಿವೆ. “ಸ್ವಾತಂತ್ರ್ಯ ದಿನಚಾರಣೆಯನ್ನು ಸೆಲೆಬ್ರೇಟ್ ಮಾಡುವಾಗ ಆದಷ್ಟೂ ವೆಸ್ಟೆರ್ನ್ ಔಟ್‌ಫಿಟ್ಸ್‌ಗೆ ಬೈ ಬೈ ಹೇಳಿ. ಪಕ್ಕಾ ಇಂಡಿಯನ್ ಲುಕ್ ನೀಡುವ ದೇಸಿ ಔಟ್‌ಫಿಟ್ಸ್‌ಗೆ ಹಾಯ್ ಹೇಳಿ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಆ ದಿನದಂದು ಧರಿಸುವ ಔಟ್ಫಿಟ್ಗಳು ದೇಶಪ್ರೇಮ ವ್ಯಕ್ತಪಡಿಸುವುದರೊಂದಿಗೆ ನಮ್ಮ ಸಂಸ್ಕೃತಿ ಹಾಗೂ ಇಲ್ಲಿನ ಡಿಸೈನ್‌ಗಳಿಗೆ ಸಾಥ್ ನೀಡಬೇಕು” ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಪಾಸ್ಟೆಲ್ ಶೇಡ್ಸ್‌ನ ಯೂನಿಸೆಕ್ಸ್ ವಿನ್ಯಾಸದ ಸ್ಟ್ರೇಟ್ ಕಟ್ ಕುರ್ತಾ ಸೆಟ್ಸ್
ಕುರ್ತಾ ಸೆಟ್‌ಗಳು ಪ್ರತಿ ಸ್ವಾತಂತ್ರ್ಯ ದಿನಾಚಾರಣೆಗಳಿಗೆ ಹೊಸ ಡಿಸೈನ್ ಹಾಗೂ ಶೇಡ್‌ಗಳಲ್ಲಿ ಬಿಡುಗಡೆಗೊಳ್ಳುತ್ತವೆ. ಈ ಬಾರಿ ಲೈಟ್ ಶೇಡ್‌ಗಳಲ್ಲಿ ಅದರಲ್ಲೂ ಪಾಸ್ಟೆಲ್ ಶೇಡ್ಸ್‌ನಲ್ಲಿ ಬಂದಿವೆ. ವಿತ್ ಕಾಲರ್, ಕಾಲರ್ ಲೆಸ್, ಫುಲ್ ಸ್ಲೀವ್ ಸ್ಲಿಟ್ ಸ್ಟ್ರೇಟ್ ಕಟ್, ಲಾಂಗ್ ಕಟ್ ಹೀಗೆ ನಾನಾ ವಿನ್ಯಾಸದಲ್ಲಿ ಲಗ್ಗೆ ಇಟ್ಟಿವೆ. ಅದರಲ್ಲೂ ಕ್ರೀಮ್, ಐವರಿ, ಹಾಫ್ ವೈಟ್ ಶೇಡ್‌ನವು ಶಿಮ್ಮರ್ ಸ್ಟ್ರೈಪ್ಸ್ ಹಾಗೂ ಮಾನೋಕ್ರೋಮ್ ಕಲರ್‌ನಲ್ಲಿ ನ್ಯೂ ಲುಕ್‌ನಲ್ಲಿ ಕಾಣಿಸಿಕೊಂಡಿವೆ.
ಹೊಸ ವಿನ್ಯಾಸದ ಖಾದಿ ಔಟ್‌ಫಿಟ್ಸ್
ಮಹಿಳೆಯರು ಹಾಗೂ ಪುರುಷರಿಗೆ ಪ್ರಿಯವಾಗುವಂತಹ ಹೊಸ ವಿನ್ಯಾಸದ ಖಾದಿ ಔಟ್‌ಫಿಟ್ಸ್ ಬಿಡುಗಡೆಗೊಂಡಿವೆ. ಲಾಂಗ್ ಸಲ್ವಾರ್, ಚೂಡಿದಾರ್, ತ್ರೀ ಫೋರ್ತ್ ಫ್ರಾಕ್ ಹಾಗೂ ಮ್ಯಾಕ್ಸಿ ಶೈಲಿಯವು ಹುಡುಗಿಯರಿಗಾಗಿ ಬಿಡುಗಡೆಗೊಂಡಿವೆ. ಇನ್ನು ಹುಡುಗರು ಜೀನ್ಸ್ ಪ್ಯಾಂಟ್ ಮೇಲೂ ಧರಿಸಬಹುದಾದ ಖಾದಿಯ ಕಾಲರ್ ಇರುವಂತಹ ಶಾರ್ಟ್ ಎಲ್ಬೋ ಸ್ಲೀವ್‌ನ ಕುರ್ತಾಗಳು ಲಗ್ಗೆ ಇಟ್ಟಿವೆ. ಚಿಣ್ಣರ ಸೈಝ್‌ನಲ್ಲೂ ಇವು ಲಭ್ಯ ಎನ್ನುತ್ತಾರೆ ಖಾದಿ ನೇಷನ್‌ನ್ನ ಸೆಲ್ಸ್ ಮ್ಯಾನೇಜರ್.
ಕಾಟನ್ ಧೋತಿ ಸೆಟ್‌ಗೆ ಬೇಡಿಕೆ
ಎಷ್ಟೇ ಬಗೆಬಗೆಯ ಔಟ್ಫಿಟ್ಗಳು ಮಾರುಕಟ್ಟೆಗೆ ಆಗಮಿಸಿದ್ದರೂ ಕೂಡ ಇಂದಿಗೂ ಕಾಟನ್ ಔಟ್‌ಫಿಟ್‌ಗೆ ಇರುವ ಬೇಡಿಕೆ ಕಡಿಮೆಯಾಗಿಲ್ಲ. ಸರಳತೆ ಬಿಂಬಿಸುವ ಈ ಕಾಟನ್ ಔಟ್‌ಫಿಟ್‌ಗಳಲ್ಲಿ ಇದೀಗ ವೈವಿಧ್ಯಮಯ ಡಿಸೈನ್ನ ಧೋತಿ ಸೆಟ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಇನ್ನು ಹುಡುಗಿಯರಿಗೆ ಕಾಟನ್ ಲಾಂಗ್ ಚೂಡಿದಾರ್, ಸಲ್ವಾರ್, ಮ್ಯಾಕ್ಸಿ, ಅಂಬ್ರೆಲ್ಲಾ ಟಾಪ್‌ನಂತವು ದೊರೆಯುತ್ತಿವೆ. ಮಧ್ಯ ಮಯಸ್ಕ ಪುರುಷರಿಗೆ ಹೊಸ ಶೇಡ್‌ಗಳ ಕಾಟನ್ ಶರ್ಟ್‌ಗಳು ಬಿಡುಗಡೆಗೊಂಡಿವೆ ಎನ್ನುವ ಸ್ಟೈಲಿಸ್ಟ್‌ ಒಂದಿಷ್ಟು ಸಿಂಪಲ್ ಟಿಪ್ಸ್ ನೀಡಿದ್ದಾರೆ.
- ಹೊಸ ವಿನ್ಯಾಸಗಳಿಗೆ ಆದ್ಯತೆ ನೀಡಿ.
- ಸಿಂಪಲ್ ವಿನ್ಯಾಸದ ಆಯ್ಕೆ ಮಾಡಿ.
- ಇತರೇ ಸಂದರ್ಭಗಳಲ್ಲೂ ಧರಿಸಬಹುದಾದ ಔಟ್‌ಫಿಟ್ಸ್ ಕೊಳ್ಳಿ.
- ಗ್ರ್ಯಾಂಡ್ ಲುಕ್ ಬೇಡ.
- ಎಲಿಗೆಂಟ್ ಲುಕ್ ನೀಡುವಂತದ್ದನ್ನು ಆರಿಸಿ.
(ಲೇಖಕಿ : ಫ್ಯಾಷನ್ ಪತ್ರಕರ್ತೆ)
ಇದನ್ನೂ ಓದಿ: Independence day Fashion: ಸ್ವಾತಂತ್ರ್ಯ ದಿನಚಾರಣೆಯ ದೇಸಿ ಲುಕ್‌ಗಾಗಿ ಬಂತು ತಿರಂಗಾ ಶೇಡ್ಸ್ ಸೀರೆಗಳು