ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಖ್ಯಾತ ಸೆಲೆಬ್ರೆಟಿ ಡಿಸೈನರ್ ಮಸಾಬಾ ಗುಪ್ತಾ ತಮ್ಮ ಮದುವೆಗೆ ತಾವೇ ಡಿಸೈನ್‌ ಮಾಡಿದ ಡ್ರೀಮ್‌ (masaba gupta wedding) ಡಿಸೈನರ್‌ವೇರ್‌ ಧರಿಸಿ ಮದುವೆಯಾಗಿದ್ದಾರೆ. ನಟ ಸತ್ಯದೀಪ್ ಮಿಶ್ರಾ ಜತೆಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿರುವ ಮಸಾಬಾ ಗುಪ್ತಾ ತಮ್ಮ ಕನಸಿನ ಡಿಸೈನರ್‌ವೇರ್‌ ಡಿಟೇಲನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಸಂತಸದಿಂದಲೇ ವಿವರಿಸಿದ್ದಾರೆ.
ಕ್ರಿಯೇಟಿವ್‌ ಡಿಸೈನರ್ ಮಸಾಬಾ ಗುಪ್ತಾ
ಅಂದಹಾಗೆ, ಮುಂಬಯಿಯ ಹೌಸ್ ಆಫ್ ಮಸಾಬಾ ಬ್ರಾಂಡ್‌ನ (house of masaba) ಖ್ಯಾತ ಡಿಸೈನರ್ ಮಸಾಬಾ ಗುಪ್ತಾ ಯಾರಿಗೆ ಗೊತ್ತಿಲ್ಲ! ಬಾಲಿವುಡ್‌ ನಟ-ನಟಿಯರಿಗೆ ಡ್ರೆಸ್‌ಗಳನ್ನು ಡಿಸೈನ್‌ ಮಾಡುವುದು ಮಾತ್ರವಲ್ಲ, ಕೋಟ್ಯಧಿಪತಿಗಳ ವೆಡ್ಡಿಂಗ್‌ ಕಾಸ್ಟ್ಯೂಮ್‌ಗಳನ್ನು ಪ್ಯಾಕೇಜ್‌ ರೂಪದಲ್ಲಿ ಸಿದ್ಧಪಡಿಸುವಲ್ಲಿ ನಿಸ್ಸೀಮರು. ಹಿರಿಯ ನಟಿ ನೀನಾ ಗುಪ್ತಾ ಅವರ ಮಗಳಾದ ಮಸಾಬಾ, ಈಗಾಗಲೇ ಖಾಸಗಿ ವಾಹಿನಿಯಲ್ಲಿ ತಮ್ಮ ಲೈಫ್‌ಸ್ಟೈಲ್‌ ಕುರಿತಂತೆ ಪ್ರಸಾರವಾದ ವೆಬ್‌ಸೀರೀಸ್‌ನಲ್ಲೂ ಅಭಿನಯಿಸಿ ಸೈ ಎನಿಸಿಕೊಂಡಿದ್ದಾರೆ. ಈಗಾಗಲೇ ಮೊದಲೊಂದು ಮದುವೆಯಾಗಿ ಬ್ರೇಕ್‌ಅಪ್‌ ಮಾಡಿಕೊಂಡಿದ್ದ ಮಸಾಬಾ ಅವರದ್ದು ಇದು ಎರಡನೇ ಮದುವೆ. ಪತಿ ಸತ್ಯದೀಪ್ ಮಿಶ್ರಾಗೂ ಕೂಡ ಇದು ಎರಡನೇ ಮದುವೆ. ಈ ಮೊದಲು ಅವರು ನಟಿ ಅದಿತಿ ಹೈದರ್‌ ಅವರನ್ನು ಮದುವೆಯಾಗಿ ಡಿವೋರ್ಸ್ ಪಡೆದುಕೊಂಡಿದ್ದಾರೆ.
ಮಸಾಬಾ ಪ್ರೀತಿಯ ಬರ್ಫಿ ಪಿಂಕ್‌ ಪಾನ್‌ ಪತ್ತಿ ಲೆಹೆಂಗಾ
ಸೆಲೆಬ್ರಿಟಿ ಡಿಸೈನರ್ (masaba gupta wedding ) ಮಸಾಬಾ ಗುಪ್ತಾ ತಮ್ಮ ಲೆಹೆಂಗಾವನ್ನು ಅತ್ಯಂತ ಪ್ರೀತಿಯಿಂದಲೇ ಸಿದ್ಧಪಡಿಸಿದ್ದಾರೆ. ಅವರೇ ಹೇಳುವಂತೆ, ಕಲಾಕಾರರಾದ ಮನ್‌ಜೀತ್‌ ಬಾವಾ ಅವರ ಕಲಾಕೃತಿಯಿಂದ ಸ್ಫೂರ್ತಿಗೊಂಡು ಈ ಡಿಸೈನರ್‌ವೇರನ್ನು ಸಿದ್ಧಪಡಿಸಲಾಗಿದೆ. ಪಾನ್‌ ಪತ್ತಿ ಥೀಮ್‌ ಲೆಹೆಂಗಾ ಇದಾಗಿದ್ದು, ಎರಡು ದುಪಟ್ಟಾ ಇದಕ್ಕೆ ಜೊತೆ ಮಾಡಲಾಗಿದೆ. ವಾಲ್‌ ಪ್ರಿಂಟ್‌ ಇರುವ ಲೈಮ್‌ ಗ್ರೀನ್‌ ಹಾಗೂ ರಾಣಿ ಪಿಂಕ್‌ನ ಸಿಕ್ವಿನ್ಸ್‌ ವಿನ್ಯಾಸ ಹೊಂದಿರುವುದು ಜೊತೆಯಾಗಿದೆ. ಕಸ್ಟಮೈಸ್ಡ್‌ ಬಾರ್ಡರ್‌ ಟ್ರೆಡಿಷನಲ್‌ ಡಿಸೈನ್‌ಗೆ ಸಾಕ್ಷಿಯಾಗಿದೆ. ಇನ್ನು ಈ ಲೆಹೆಂಗಾದೊಂದಿಗೆ ಧರಿಸಿರುವ ಹೇರ್‌ ಆಕ್ಸೆಸರೀಸ್‌ನಲ್ಲಿ ಸೂರ್ಯ ಹಾಗೂ ಚಂದ್ರನ ಕ್ಲಿಪ್‌ಗಳನ್ನು ಧರಿಸಲಾಗಿದೆ. ಇದೇ ವಿನ್ಯಾಸದ ಕಿವಿಯ ಹ್ಯಾಂಗಿಂಗ್ಸ್‌ ಹಾಗೂ ಲೇಯರ್‌ ನೆಕ್ಲೇಸ್‌ಗಳು ಮತ್ತಷ್ಟು ಆಕರ್ಷಣೀಯವಾಗಿವೆ. ಇದು ಎನರ್ಜಿಯ ಸಂಕೇತ ಎಂದು ಮಸಾಬಾ ಹೇಳಿಕೊಂಡಿದ್ದಾರೆ.
ಇನ್ನು ಮೇಕಪ್‌ ವಿಷಯಕ್ಕೆ ಬಂದಲ್ಲಿ ಮಸಾಬಾ, ಸದಾ ನ್ಯಾಚುರಲ್‌ ಆಗಿರುವಂಥದ್ದನ್ನೇ ಪ್ರಿಫರ್‌ ಮಾಡುತ್ತಾರೆ. ಇನ್ನು ಮಸಾಬಾ ಜತೆಗೆ ನಟ, ಪತಿ ಸತ್ಯದೀಪ್ ಡಿಸೈನರ್‌ವೇರ್‌ ಕೂಡ ಪತ್ನಿ ಡಿಸೈನ್‌ ಮಾಡಿದ್ದನ್ನೇ ಧರಿಸಿದ್ದಾರೆ. ಇಬ್ಬರ ಡಿಸೈನರ್‌ವೇರ್‌ಗಳು ಪರ್ಫೆಕ್ಟ್‌ ಮ್ಯಾಚ್‌ ಆಗುವಂತಿದೆ.
(ಲೇಖಕಿ ಫ್ಯಾಷನ್ ಪತ್ರಕರ್ತೆ)
ಇದನ್ನೂ ಓದಿ: Stars Desi Fashion : ಖಾದಿ-ಕಾಟನ್‌-ತ್ರಿವರ್ಣ ಶೇಡ್‌ನ ದೇಸಿ ಉಡುಗೆಗಳಲ್ಲಿ ಗಣರಾಜ್ಯೋತ್ಸವ ಸಂಭ್ರಮಿಸಿದ ಸೆಲೆಬ್ರಿಟಿಗಳು
FAQʼs
1. ಮಸಾಬ ಗುಪ್ತಾ ಹೇಗೆ ಪ್ರಸಿದ್ಧಳಾದಳು?
Ans: ಮುಂಬೈನ SNDT ವಿಶ್ವವಿದ್ಯಾನಿಲಯದಿಂದ ಉಡುಪು ವಿನ್ಯಾಸ ಮತ್ತು ತಯಾರಿಕೆಯಲ್ಲಿ ಡಿಪ್ಲೊಮಾವನ್ನು ಪೂರ್ಣಗೊಳಿಸಿದ ನಂತರ ಮಸಾಬಾ ಗುಪ್ತಾ ಫ್ಯಾಷನ್ ಡಿಸೈನರ್ ಆಗಿ ಖ್ಯಾತಿಯನ್ನು ಗಳಿಸಿದರು. 19 ನೇ ವಯಸ್ಸಿನಲ್ಲಿ, ಅವರು ತಮ್ಮ ಸ್ವಂತ ಮಹಿಳಾ ಉಡುಪುಗಳ ಲೇಬಲ್ ಹೌಸ್ ಆಫ್ ಮಸಾಬಾವನ್ನು ಪ್ರಾರಂಭಿಸಿದರು, ಇದು ಕಫ್ತಾನ್ಗಳು, ಉಡುಪುಗಳು, ಶರ್ಟ್ಗಳು ಮತ್ತು ಸೀರೆಗಳ ಮೇಲೆ ಅದರ ವಿಶಿಷ್ಟ ಮುದ್ರಣಗಳಿಗೆ ಹೆಸರುವಾಸಿಯಾಗಿದೆ. 2009 ರಲ್ಲಿ, ಅವರು ಲ್ಯಾಕ್ಮೆ ಫ್ಯಾಶನ್ ವೀಕ್ನಲ್ಲಿ “ಕತ್ರನ್” ಸಂಗ್ರಹವನ್ನು ಪ್ರಾರಂಭಿಸಿದರು, ಅವರು ಉದ್ಯಮದಲ್ಲಿ ಪ್ರಮುಖ ವಿನ್ಯಾಸಕರಾಗಿ ಸ್ಥಾಪಿಸಲು ಸಹಾಯ ಮಾಡಿದರು.
2. ಹೌಸ್ ಆಫ್ ಮಸಾಬಾ ನಿಜವಾದ ಬ್ರಾಂಡ್ ಆಗಿದೆಯೇ?
ans: ಹೌಸ್ ಆಫ್ ಮಸಾಬಾ ಇಂಡೋ-ಕೆರಿಬಿಯನ್ ಫ್ಯಾಷನ್ ಡಿಸೈನರ್ ಮಸಾಬಾ ಗುಪ್ತಾ ಸ್ಥಾಪಿಸಿದ ನಿಜವಾದ ಬ್ರಾಂಡ್ ಆಗಿದೆ. ಅವರು SNDT ಮಹಿಳಾ ವಿಶ್ವವಿದ್ಯಾಲಯದಿಂದ ಪದವಿ ಪಡೆದ ನಂತರ 2009 ರಲ್ಲಿ ಬ್ರ್ಯಾಂಡ್ ಅನ್ನು ಸ್ಥಾಪಿಸಿದರು.
3. ಸತ್ಯದೀಪ್ ಮಿಶ್ರಾ ಏನು ಮಾಡುತ್ತಾರೆ?
Ans: ಸತ್ಯದೀಪ್ ಮಿಶ್ರಾ ಅವರು ವೈವಿಧ್ಯಮಯ ವೃತ್ತಿಜೀವನವನ್ನು ಹೊಂದಿರುವ ಬಹುಮುಖಿ ವೃತ್ತಿಪರರಾಗಿದ್ದಾರೆ. ಅವರು ನವದೆಹಲಿಯಲ್ಲಿ ಕಾರ್ಪೊರೇಟ್ ವಕೀಲರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು ಮತ್ತು ಭಾರತ ಸರ್ಕಾರದೊಂದಿಗೆ ಸ್ವಲ್ಪ ಸಮಯದವರೆಗೆ ಕೆಲಸ ಮಾಡಿದರು. 2010 ರಲ್ಲಿ, ಅವರು ನಟನೆಯಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ಮುಂಬೈಗೆ ತೆರಳಿದರು. ಅವರು ಈ ಹಿಂದೆ ಅದಿತಿ ರಾವ್ ಹೈದರಿ ಅವರನ್ನು ವಿವಾಹವಾಗಿದ್ದರು, ಆದರೆ ದಂಪತಿಗಳು 2013 ರಲ್ಲಿ ಬೇರ್ಪಟ್ಟರು. ಜನವರಿ 27, 2023 ರಂದು ಅವರು ಫ್ಯಾಶನ್ ಡಿಸೈನರ್ ಮಸಾಬಾ ಗುಪ್ತಾ ಅವರನ್ನು ವಿವಾಹವಾದರು.